ខេត្តបន្ទាយមានជ័យ៖រថយន្តមួយគ្រឿងដែលពាក់ស្លាកលេខរដ្ឋបើកទាំងស្រវឹងនិងពេលមេឃភ្លៀងរលឹមផងបណ្តាលឲ្យរអិលក្រឡាប់ចូលវាលស្រែ៣ទៅ៤ត្រឡប់ធ្វើឲ្យមនុស្សនៅក្នុងរថយន្តរងរបួសធ្ងន់ស្រាលដល់ទៅ៦នាក់ត្រូវបានគេដឹកជញ្ជូនទៅកាន់មន្ទីរពេទ្យដើម្បី
សង្គ្រោះជីវិត។កើតការណ៍គ្រោះថ្នាក់នេះកើតឡើងនៅវេលាម៉ោង២,១០នាទីរសៀលថ្ងៃទី៨ខែកក្តដាឆ្នាំ២០១៥នៅចំណុច ភូមិរំដួល ឃុំភ្នំលៀបស្រុកព្រះនេត្រព្រះ ខេត្តបន្ទាយមានជ័យ។ លោកផ្លឹងវិចត្រនាយផ្នែកចរាចរណ៍ស្រុកព្រះនេត្រព្រះបានឲ្យដឹងថាជនរងគ្រោះដែលរបួសធ្ងន់២នាក់១មានឈ្មោះតុសុភ័ណភេទប្រុសអាយុ២៨ឆ្នាំរបួសធ្ងន់២មានមិនស្គាល់ឈ្មោះនិងរបួសស្រាល៤នាក់១មានឈ្មោះ ឈូក ភឿន ភេទប្រុសអាយុ៣៩ឆ្នាំ២មានឈ្មោះ ម៉ក់ភាភេទប្រុសអាយុ៣៨ឆ្នាំ៣មានឈ្មោះ ជា សំណាង ភេទប្រុសអាយុ៣២ឆ្នាំជនរងគ្រោះទាំង៦នាក់រស់នៅភូមិគោកដូង ឃុំទឹកវិល ស្រុកសៀមរាមខេត្តសៀមរាប។ លោក ផ្លឹង វិចិត្របាននិយាយបន្តថាគ្រោះថ្នាក់ចរាចរនេះកើតឡើងគឺរថយន្តធុននីសាន់សេរីទំនើបព័ណ៌សពីរបាំងចង្កូតស្តាំប្រអប់លេខដៃដែលពាក់ស្លាក់លេខរដ្ឋ២០.២ ០០០៤ដែលបើកបរដោយឈ្មោះ ឈុំ ដារ៉ា ភេទប្រុសអាយុ៣៩ឆ្នាំមុខងារជាទ័ពអាកាសដែលធ្វើការនៅប្រលានយន្តហោះខេត្តសៀមរាប។លោកចិត្របាននិយាយបន្តថាមុនពេលកើតហេតុរថយន្តពាក់ស្លាកលេខរដ្ឋនោះបានបើកពីទឹសដៅខាងកើតមកលិចក្នុងល្បឿនលឿនពេលនោះមានភ្លៀងរលឹមផងបណ្តាលឲ្យរថយន្តរអិលបានក្រឡាប់ទៅជើងផ្លូវជាតិលេខ៦ប្រមាណ៣ទៅ៤ត្រឡប់បណ្តាលរបួសធ្ងន់ស្រាល៦នាក់តែមិនបណ្តាលឲ្យមានមនុស្សស្លាប់ទេ។
លោកបានបញ្ជាក់ទៀតថា ក្រោយពេលគ្រោះថ្នាក់ចរាចរណ៍បណ្តាលឲ្យមានរបួសធ្ងន់ស្រាល៦នាក់កម្លាំងនគបាលជំនាញបានចុះទៅធ្វើការវាស់វែងគឺពេលគ្រោះកើតឡើងរកឃើញថាអ្នកបើករថយន្តមានជាតិអាកុលខ្លាំងស្រវឹងទើបបើកបរឲ្យមានគ្រោះថ្នាក់កើតឡើងចំណែករថយន្តខូចធ្ងន់ហើយនគបាលចរារចរណ៍អូសយកមករក្សាទុកនៅអធិការនគបាលស្រុកព្រះនេត្រព្រះដើម្បីដោះស្រាយនៅពេលក្រោយ៕
