ក្រចេះ : គ្រូពេទ្យផ្នែកវះកាត់ម្នាក់ នៅមន្ទីរពេទ្យ បង្អែកខេត្តក្រចេះ ត្រូវបានប្រពន្ធអ្នកជំងឺម្នាក់ ដាក់ពាក្យបណ្តឹងទៅសមត្ថកិច្ច ដោយចោទថា បានរំលោភនាង នៅក្នុងបន្ទប់ ប្រចាំការ កាលពីព្រឹកថ្ងៃទី១៨ ខែកក្កដា ឆ្នាំ២០១៥ ។ហេតុការដែលបង្ករអោយមានការភ្ញាក់ផ្អើលពេញនៅក្នុងមន្ទីពេទ្យ បន្ទាប់ពីស្ត្រីរងគ្រោះ បានដាក់ពាក្យបណ្តឹងទៅសមត្ថកិច្ចមូលដ្ឋាន ដោយថាគ្រូពេទ្យវះកាត់ឈ្មោះ ហេង ម៉េង លាង បានធ្វើសកម្មភាព លួងលោមនាងអោយចូលទៅក្នុងបន្ទាប់ប្រចាំការរួចរំលោភនាង ។បើតាមមន្ត្រីនគរបាល បានអោយដឹងថា ស្ត្រីរងគ្រោះ បានមកថែប្តីរបស់ខ្លួន ដែលកំពង់សម្រាកព្យាបាលជំងឺដំបៅជើង១២ថ្ងៃមកហើយ នៅមន្ទីរពេទ្យបង្អែក លុះដល់ព្រឹកថ្ងៃទី១៨ ខែកក្កដានេះ ស្រាប់តែមានការភ្ញាក់ផ្អើលថា មានគ្រូពេទ្យ ចាប់រំលោភ ប្រពន្ធអ្នកជំងឺ សមត្ថកិច្ច ចុះទៅសួរនាំ ។មន្ត្រីនគរបាល បានបញ្ជាក់ថា យោងតាមកាសាកសួរស្ត្រីរងគ្រោះ គឺហាក់ដូចជាការត្រូវរ៉ូវគ្នា ពីព្រោះគ្មានការបង្ខិតបង្ខំ ឬគំរាមកំហែងណាមួយនោះទេ តែទោះជាយ៉ាងណាសមត្ថកិច្ចនៅមិនទាន់អាចសន្និដ្ឋានច្បាស់បានទេ រងចាំការចាប់ខ្លួនគ្រូពេទ្យខាងើបានសិន ដើម្បីប្រមូល កសាងសំណុំរឿង បញ្ជូនទៅតុលាការ ។ទោះជាយ៉ាង គ្រូពេទ្យវះកាត់ ឈ្មោះ ហេង ម៉េងលាង ត្រូវបានគេចខ្លួនបាត់បន្ទាប់ពីកើតហេតុ ហើយកម្លាំងសមត្ថកិច្ច ក៍កំពុងព្យាយាមតាមចាប់ខ្លួន ៕