កំពង់ឆ្នាំង៖ លោកសោមវឺនប្រធានកិត្តិយសអនុសាខាកាកបាទក្រហមស្រុករលាប្អៀរ រួមដំណើរដោយលោកស្រី វង សាតស៊ុនលី ប្រធានអនុសាខាកាកបាទក្រហមស្រុក លោក សេង វិចិត្រ ស.ស.យ.កស្រុក និងអាជ្ញាធរឃុំ នៅរសៀលថ្ងៃទី១៧ ខែកក្កដា ឆ្នាំ២០១៥ បានចុះសាកសួរសុខទុក្ខនិងនាំយកអំ ណោយរបស់អនុសាខាកាកបាទក្រហមស្រុក និងអំណោយសប្បុរសជន ទៅផ្តល់ជូនជនចាស់ជរាគ្មានទីពឹង៣គ្រួសារ និងជនពិការដោយគ្រោះថ្នាក់ចរាចរណ៍១គ្រួសារនៅក្នុងឃុំជ្រៃបាក់ស្រុករលាប្អៀរ ដល់លំនៅដ្ឋាន។
លោកស្រី វង សាតស៊ុនលី ប្រធានអនុសាខាកាកបាទក្រហមកម្ពុជាស្រុករលាប្អៀ របានអោយដឹងថា៖អំណោយដែលបានផ្តល់ជូនមានគ្រួសារលោកតា កែ ប៉ិច អាយុ៨០ឆ្នាំ និងប្រពន្ធឈ្មោះ ភោគ យន់អាយុ៨០ឆ្នាំ មានជំងឺល្មើសឈាមទាំង២នាក់ប្តីប្រពន្ធ គ្រួសារលោកតា ឈឹម ណន អាយុ៩៤ឆ្នាំជាជនពិការចាស់ជរាគ្មានទីពឹង រស់នៅភូមិទួលខ្សាច់ គ្រួសារលោក គឹម ទន អាយុ៦៨ឆ្នាំ មានជំងឺប្រចាំកាយនិងលោក ពេជ អាយុ៤៥ឆ្នាំ ជាជនពិការដោយសារគ្រោះថ្នាក់ចរាចរណ៍ រស់នៅភូមិថ្នល់ថ្មី ឃុំជ្រៃបាក់ស្រុករលាប្អៀរខេត្តកំពង់ឆ្នាំង ដែលនៅក្នុងមួយគ្រួសារៗទទួលបានថវិកា៧ម៉ឺនរៀល, អង្ក៣០គីឡូក្រាមនិងសំភារៈមួយចំនួនទៀត។អំណោយដែលបានផ្តល់ជូននៅពេលនេះ គឺជាអំណោយរបស់អនុសាខាកា កបាទក្រហមកម្ពុជាស្រុករលាប្អៀរ ,អំណោយរបស់ព្រះអង្គ ហែម ឡូត ព្រះចៅអធិការវត្តទួលខ្សាច់និងអំណោយរបស់សហភាសហពន្ធ័យុវជនកម្ពុជាពស្រុករលាប្អៀរ។
នៅក្នុងឱកាសនោះលោក សោម វឺន ប្រធានកិត្តិយសអនុសាខាកាកបាទក្រហមកម្ពុជាស្រុករលា ប្អៀរបានមានប្រសាសន៍ពាំនាំ នូវការផ្តាំផ្ញើសាកសួរសុខទុក្ខពីសំណាក់សម្តេចតេជោ ហ៊ុនសែន នាយករដ្ឋមន្ត្រី និងសម្តេចគតិព្រឹទ្ធបណ្ឌិត ប៊ុនរ៉ានីហ៊ុនសែន ប្រធានកាកបាទក្រហមកម្ពុជាដែលជានិច្ចជាកាលសម្តេចតែងតែផ្តល់អំណោយមនុស្សធម៌ ជួយសង្គ្រោះដល់ប្រជាពលរដ្ឋទីទាល់ក្រគ្រប់ទីកន្លែងដោយមិនប្រកាន់ពូជសាសន៍និងនិន្នាការនយោការណ៍អ្វីឡើយនៅគ្រប់មូលដ្ឋាន។លោក សោម វឺន ក៍បានផ្តាំផ្ញើផងដែរដល់ជនចាស់ជរាគ្មានទីពឹង មានជំងឺប្រចាំកាយ និងជនពិការត្រូវចេះថែទាំសុខភាពអោយបានល្អ លោកក៏បានផ្តាំផ្ញើដល់អាជ្ញាធរដែនដី ធ្វើយ៉ាងណាជួយមើលពួកគាត់ទាំងអស់នេះអោយបានល្អផង ដោយគាត់ចាស់ៗហើយមានជំងឺប្រចាំកាយទៀត បើមានស្ថានភាពមិនស្រួលត្រូវជួយបញ្ជូនគាត់ទៅមន្ទីរពេទ្យខេ្តអោយបានទាន់ពេលវេលា។ក្រោយពីបានទទួលអំណោយខាងលើគ្រួសារជនចាស់ជរា និងជនពិការបានលើកដៃសំពះ ថ្លែងអំណរគុណ យ៉ាងជ្រាលជ្រៅ ដល់សម្តេចកិត្តិព្រឹទ្ធបណ្ឌិត ប៊ុនរ៉ានីហ៊ុនសែន ប្រធានកាកបាទក្រហមកម្ពុជានិងសប្បុរសជនទាំងអស់ សូមជួបតែពុទ្ធពរទាំង៤ប្រការគឺអាយុ វណ្ណៈ សុខៈ និងពលៈ កុំបីឃ្លាតឡើ យ និងឈ្នះអស់មារសត្រូវគ្រប់ទិសទី ដើម្បីអភិវឌ្ឍន៍មាតុភូមិកម្ពុជាអោយសមបូរសម្បាយរុងរឿង៕