ខេត្តកំពង់ឆ្នាំង៖បុរសម្នាក់ជិះម៉ូតូប្រកបមុខរបរដើរសំលៀងកាំបិត បានរងរបួសមធ្យមក្នុងហេតុការណ៍គ្រោះថ្នាក់ចរាចរណ៍មួយ ដោយត្រូវរថយន្តរបស់ព្រះវិហារជីងប៉ោវ បើកបុកចំពីក្រោយ ករណីនេះបានកើតឡើងនៅម៉ោង៨និង៥០នាទីព្រឹកថ្ងៃទី១៩ ខែកក្កដា ឆ្នាំ២០ ១៥ លើផ្លូវជាតិលេខ៥៣ ចន្លោះគីឡូម៉ែត្រលេខ២និងលេខ៣ ដែលស្ថិតនៅក្នុងភូមិសន្ទូច ឃុំស្រែថ្មី ស្រុករលាប្អៀរ។ លោក ស សារិទ្ធ នាយនគរបាលប៉ុស្តិរដ្ឋបាលស្រែថ្មីបានអោយដឹងថា៖បុរសរគ្រោះមានឈ្មោះ ពីម ប៊ិច អាយុ៥៥ឆ្នាំ រស់នៅភូមិគក ឃុំចូកកឹង ស្រុកកំចាយមារ ខេត្តព្រៃវែង ជិះម៉ូតូម៉ាកហុងដាឌ្រីម ពណ៌ខ្មៅ ពាក់ផ្លាកលេខព្រៃវែង 1F- 2063 ប្រកបមុខរបរជិះម៉ូ
តូដើរសំលៀងកាំបិតពូថៅ តាមភូមិ។
មុនពេលកើតហេតុជនរងគ្រោះបានជិះម៉ូតូពីលិចទៅកើត ដល់ចំណុចកើតហេតុ មានរថយន្តម៉ាកតូយូតា ១គ្រឿងពណ៌ស ពាក់ផ្លាកលេខ ភ្នំពេញ 2B- 2316 របស់ព្រះវិហារជីងប៉ោវ មានទីតាំងនៅក្នុងភូមិម៉ុងបារាំង សង្កាត់ប្អេរ ក្រុងកំពង់ឆ្នាំង ដឹកបរិស័ទបានបើកមកពីក្រោយស្របទិសគ្នា និងបានគេចពីម៉ូតូ១គ្រឿងនៅខាងមុខ មកបុកចំកន្ទុយម៉ូតូជនរងគ្រោះ បណ្តាលអោយបុរសរគ្រោះ ដួលម៉ូតូត្រឡប់ត្រឡិនសន្លប់និងរងរបួសជាមធ្យម។
ក្រោយពេលកើតហេតុអ្នកបើកបររថយន្ត និងមិត្តភ័ក្ររបស់គេបានជួយសង្គ្រោះលា ងរបួសអោយជនរងគ្រោះ និងបានសម្របសម្រួលជាមួយបុរសរងគ្រោះ ដោយបានចចារត្រូវរ៉ូវគ្នាក្នុងទឹកប្រាក់៣០០ដុល្លា ជូនបុរសរងគ្រោះដើម្បីព្យាបាលរបួសបញ្ចប់រឿង។
បុរសរងគ្រោះបាននិយាយអោយដឹងថា៖ពួកគាត់មានគ្នា៣នាក់គឺគាត់ ប្អូនប្រុសប
ង្កើត និងក្មួយម្នាក់ទៀត បាននាំគ្នាជិះម៉ូតូមកពីផ្ទះនៅខេត្តព្រៃវែង ប្រកបមុខរបរដើរ សំ លៀងកាំបិតពូថៅអោយប្រជាពលរដ្ឋតាមមូលដ្នាន រហូតមកដល់ខេត្តកំពង់ឆ្នាំងមានរយះពេល៦ថ្ងៃមកហើយ ក៏ជួបគ្រោះថ្នាក់ខាងលើនេះតែម្តង។ក្រោយពីព្យាបាលរបួសរួចនៅព្រឹកនេះគាត់និងត្រូវជួលរថយន្ត១គ្រឿង ដឹកម៉ូតូ៣គ្រឿងរបស់គាត់ ប្អូនគាត់ និងក្មួយគាត់ និងរូបគាត់ ធ្វើដំណើរទៅលំនៅដ្ឋានក្នុងខេត្តព្រៃវែងវិញ។
បុរសរងគ្រោះ ក៏សូមអរគុណផងដែរដល់អ្នកយកព័ត៌មានយើងដែលបានជួយឌុបរូបគាត់តាមម៉ូតូមកព្យាបាលរបួសនៅផ្ទះពេទ្យឯកជនមួយនៅក្នុងក្រុងកំពង់ឆ្នាំង និងអរគុណផងដែរដល់សមត្ថកិច្ចនគរបាលមូលដ្ឋាន ដែលបានឃាត់រថយន្តបង្កអោយពួកគេទទួលខុសត្រូវ ចេញប្រាក់ដ៏សមរម្យ ជួយព្យាបាលរបួសអោយគាត់៕