អាជ្ញាធរ និងអភិបាលខេត្តកំពង់ធំពុំមានប្រតិកម្មចំពោះក្មេងហិតកាវ មុខផ្សារកំពង់ធំ
កំពង់ធំ៖ ករណីក្មេងហិតកាវនៅមុខផ្សារកំពង់ធំ រាលពេលរាត្រី កើនឡើងសមត្ថកិច្ចគ្មានវិអាជ្ញាធរ និងអភិបាលខេត្តកំពង់ធំពុំមានប្រតិកម្មចំពោះក្មេងហិតកាវ មុខផ្សារកំពង់ធំធានការដែលបានអង្គុយត្រៀបត្រា នៅមុខរូប ចំណាក់នាគបាញ់ទឹក ចំកណ្តាលទីប្រជុំជនក្រុងស្ទឹងសែន អាជ្ញាធរ និងថ្នាក់ដឹកនាំខេត្តកំពង់ធំ ហាក់បីដូចជាគ្មានការ អើពើនិងឈឺក្បាលវិលមុខអីបន្តិច ទោះជាកាសែត ទូរទស្សន៍ចេញផ្សាយបែបណាក្តី ក៏កំណើនអ្នកហិតកាវនៅតែកើន ឡើងដោយគ្មានការថយចុះ បង្ករឲ្យមានការភ័យខ្លាចដល់ប្រជាពលរដ្ឋដែលមក ពិសារអាហារនៅពេលរាត្រី ព្រោះខ្លាចបាត់បង់ទ្រព្យសម្បតិ្ត។
ក្មេងហិតកាវជាច្រើននាក់ បានធ្វើសកម្មភាព អង្គុយហិត ដើរហិត ពាសពេញទីប្រជុំជន ដោយដើរធ្វើសកម្មភាព ដៃម្ខាងហិតកាវ ដៃម្ខាងសុំលុយ ចំណែកអ្នកខ្លះដើរទាញទ្វារឡាន បើប៉ះចំឡានណាមិនបានចាក់សោរ ពួកគេនិងលួច លុយ ទូរស័ព្ទ និងអាយផេត ទង្វើទាំងនេះបានធ្វើសកម្មភាពជារៀងរាល់ថ្ងៃ ចំណែករបស់មានតំលៃដូចជាអាយផេត និងលុយមានចំនួនច្រើន បើរដឹងខ្លួនថាបាត់ បើទំនាក់ទំនងទៅប៉ុស្តិ៍រដ្ឋបាលភ្លាមៗ វត្ថុទាំងនោះនឹងរកឃើញវិញ ដោយសារតែកន្លងមក អ្នកបាត់ទ្រព្យសម្បត្តិបានរកឃើញវិញ ដោយសារតែប៉ុស្តិ៍បានហៅក្រុមហិតកាវទាំងនេះ មកសួរនាំ ហើយចេញរបស់ដែលលួចទៅ។
សកម្មភាពដ៏អាម៉ាសបែបនេះ បានគ្របដណ្តប់ប្រជាប្រិយភាព ខេត្តកំពង់ធំ ក៏ដូចជាក្រុងស្ទឹងសែនទាំងមូលហើយ ក៏នៅតែអាជ្ញាធរខេត្តកំពង់ធំ និងសមត្ថកិច្ចនៃស្នងការនគរបាល ខេត្តកំពង់ធំ នៅតែរក្សា និងអភិរក្សក្រុមហិតកាវទាំងនេះ ដោយមិនមានចំណាត់ការ ក្នុងការលុបបំបាត់នោះទេ បញ្ហាទាំងនេះមិនទាន់គោរពបានផង ចុះទំរាំគោរពគោល នយោបាយភូមិ ឃុំ មានសុវត្តិភាពទាំង៩ចំនុចទៀតនោះ តែឲ្យប្រជាពលរដ្ឋរំពឹងអ្វី។
សមត្ថកិច្ចប៉ូលិស ដែលត្រូវបានគេដឹងថា ជាអ្នកដឹងចិត្តដឹងថ្លើមជាមួយក្មេងហិតកាវ បានឲ្យដឹងថា លោកមិនដឹងថាត្រូវចាប់យកក្មេងទាំងនេះទៅទុកនៅទីណា បើគ្មានបណ្ឌលកែប្រែ តែបើចាប់យកទៅទុកនៅខេត្តផ្សេងៗ វារត់មកវិញ ដដែលៗ ។
ប្រជាពលរដ្ឋបានសំណូមពរឲ្យ លោកចៅហ្វាយខេត្តកំពង់ធំ និង លោកស្នងការ មេត្តាកំបន្លាចភ្ញៀវទេសចរណ៍ ដោយ ប្រើរូបភាព សកម្មភាពក្មេងហិតកាវ យ៉ាងពពាក់ពពូនដូចច្នេះ សូមឲ្យមានវិធានការទប់ស្កាត់ និងលុបបំបាត់ខ្លះផង ព្រោះប្រជាពលរដ្ឋមានភាពភ័យខ្លាច ក្មេងហិកាវទាំងនេះ ហើយក៏មិនចង់ឲ្យមានរូបភាពនេះ ឌិតដាមជាប់ក្នុងកេរ្តិ៍ឈ្មោះរបស់ខេត្តកំពង់ធំដែរ ។
ដោយ ផន សុជាតិ 
