ខេត្តបន្ទាយមានជ័យ៖នៅសាលប្រជុំសាលាខេត្តបន្ទាយមានជ័យនាព្រឹកថ្ងៃទី២១ខែកក្កដាឆ្នាំ២០១៥នេះបានបើកប្រជុំផ្សព្វផ្សាយស្តីពីឯកសារព៌តមានអំពីស្ថានភាពពិន្ទុវិស័យដល់មន្ត្រីថ្នាក់ខេត្ត។ពិធីនេះមានការចូលរួម លោកគោស៊ុំសារឿតអភិបាលខេត្តបន្ទាយមានជ័យ លោកសួនបវរ អភិបាលរងខេត្ត លោកអុីឡុងសមាជិកក្រុមប្រឹក្សាខេត្ត លោកស្រីព្រំស៊ីណា ប្រធានមន្ទីផែនការខេត្តនិងមន្ត្រីថ្នាក់ខេត្ត ស្រុក ឃុំនិងសមិត្តកិច្ចជាច្រើននាក់ទៀត។លោកស្រីព្រំសីុណាបានឡើងធ្វើបទបង្ហាញអំពីឯកសារព៌តមានស្ថានភាពពិន្ទុវិស័យថាពិន្ទុវិស័យថ្នាក់ខេត្តមាន៩វិស័យ១ភាពក្រីក្រ កសិកម្ម អាជីវកម្ម អប់រំ សុខភាព ភាពងាយរងគ្រោះ បរិស្ថាន រដ្ឋបាលសន្តិសុខ និងយេឌ័រ។លោកស្រីបានបន្តថាវិស័យទាំង៩នោះមានជាតារាងពិន្ទុតាមបណ្តាវិស័យសម្រាប់ខេត្ត និងក្រុងស្រុកក្នុងខេត្តវាជាឧបករណ៍ប្រើប្រាស់សម្រាប់ការរៀបចំផែនការអភិវឌ្ឈន៍និងកម្មវិធីវិនិយោគ៣ឆ្នាំរំកិលប្រចាំឆ្នាំរបស់ខេត្តក្រុងស្រុកសំរាប់ផ្សារភ្ជាប់ជាមួយនិងកម្រងឯកសារព៌ត័មានស្ថានភាពខេត្តដែលបានផលិតចេញពីទិន្នន័យមូលដ្ឋាន ឃុំ សង្កាត់ CDB ដែលមេភូមិស្មៀន ឃុំ សង្កាត់ ធ្វើការស្រង់ជារៀងរាល់ឆ្នាំ។លោកស្រីបាន្តថារាល់តម្លៃសូចនាករក្នុងសមាសភាគវិស័យនិមួយៗត្រូវបានគណនាពិន្ទុដោយផ្អែកលើទិន្នន័យគោលគ្រប់ពិន្ទុសម្រាប់សូចនាករទាំងអស់មានភាពខុសគ្នាតាមទិសដៅរៀងខ្លួន។លោកគោស៊ុំសារឿតបានមានប្រសាសន៍ក្នុងកិច្ចប្រជុំនោះដែរថាឯកសារព៌ត័មានស្ថានភាពស្តីពីពិន្ទុវិស័យនេះវាមានសារះសំខាន់ណាស់សំរាប់វិស័យទាំង៩នេះវាអាចផ្តល់លទ្ធភាពឲ្យយើងបានឃើញអំពីចំណុចខ្លាំងនិងចំណុចខ្សោយក្នុងវិស័យនិមួយៗរបស់ខេត្តនិងស្រុកក្រុងដោយធ្វើប្រៀបធៀបទៅស្រុកក្រុងផ្សេងៗនៅក្នុងខេត្តបន្ទាយមានជ័យយើងនេះ៕