ខេត្តកណ្តាលៈ ប៉ូលិសស្រុកកៀនស្វាយក្រសោបបានមុខសញ្ញចែកចាយនិងប្រើប្រាស់
គ្រឿងញៀនខុសច្បាប់បាន3នាក់ ក្នុងចំណោមបក្ខពួក5នាក់ ។ ករណីឃាត់ខ្លួនជន
សង្ស័យបាន3នាក់ពាក់ព័ន្ធគ្រឿងញៀននៅវេលាម៉ោង22និង10នាទី ថ្ងៃទី 18ខែកក្កដា
ឆ្នាំ2015នៅចំណុចផ្ទះឈ្មោះឡេង សុភណ្ឌស្ថិតក្នុងភូមិកំពង់ស្វាយឃុំកំពង់ស្វាយស្រុក
កៀនស្វាយ ខេត្តកណ្តាល ។ប៉ូលិសព្រហ្មទណ្ឌស្រុកកៀនស្វាយបានឲ្យដឹងថា ជនសង្ស័យដែលឃាត់ខ្លួនទី1ឈ្មោះសេង រ៉ាវី ភេទប្រុស អាយុ25ឆ្នាំមុខរបរកម្មករមានទីលំនៅភូមិរោងគោឃុំព្រងិល ស្រុកភ្នំក្រវាញខេត្តពោធិសាត់ទី2ឈ្មោះថៃ ស្រ៊ីមភេទប្រុសអាយុ31ឆ្នាំមុខរបរកម្មករសំណង់ទី3ឈ្មោះ ម៉ាន់ រិទ្ធ ភេទប្រុស អាយុ 17ឆ្នាំមុខរបរកម្មកររោងចក្រ អ្នកទាំងពីរនាក់នេះមានទីលំនៅភូមិកំពង់ស្វាយ ឃុំកំពង់ស្វាយស្រុកកៀនស្វាយ ខេត្តកណ្តាល ដកហូត
បានវត្ថុតាងម្សៅក្រាមពណ៌សថ្លាមេតំហ្វេតាមីន(ម៉ាទឹកកក)ចំនួន3កញ្ចប់តូច ម៉ូតូម៉ាក
កុបជ្រុងសេ50មួយគ្រឿពាក់ស្លាកលេខភ្នំពេញ1AN2435 ទូរស័ព្ទដៃ2គ្រឿង និងសំភារៈប្រើប្រាស់គ្រឿងញៀនមួយចំនួនទៀត។ចំណែកបក្ខពួក2នាក់ទៀតរត់គេចខ្លួនឈ្មោះ
ឡេង សុភណ្ឌ ភេទប្រុស អាយុ 25ឆ្នាំម្ចាស់ផ្ទះនិងឈ្មោះ វង្ស វឿន ភេទប្រុស អាយុ33ឆ្នាំមុខរបរកសិករ មានទីលំនៅភូមិ- ឃុំកើតហេតុខាងលើ ។ នៅរសៀលថ្ងៃទី22ខែកក្កដា នេះជនសង្ស័យ3នាក់នេះបញ្ជូនទៅស្នងការខត្តកណ្តាល ចាត់ការបន្តតាមច្បាប់ ។លោក ម៉ែន សុផល នាយរងប៉ុស្តិរដ្ឋបាលកំពង់ស្វាយបានឲ្យដឹងថា នៅថ្ងៃកើតហេតុកម្លាំងប៉ូលិសប៉ុស្តិក្តាប់បានមុខសញ្ញាគ្រឿងញៀនកំពុងធ្វើសកម្មភាពសេពនិងចែកចាយសារធាតុញៀនខុសច្បាប់ ពេលនោះកម្លាំងប៉ូលិសមូលដ្ឋានចុះទៅធ្វើការឡោមព័ទ្ធក្របួចបានជនសង្ស័យបាន3នាក់ ។ រីឯ2នាក់ទៀតរត់គេចខ្លួន ៕