កំពង់ឆ្នាំង៖សំណុំរឿងលោក ហ៊ុល វាសនា អធិការនគរបាលស្រុកកំពង់ត្រឡាច ចាប់រំលោភនារីជាសិ ស្សវិទ្យាល័យម្នាក់នៅក្នុងអធិការដ្ឋាននគរបាលស្រុកកំពង់ត្រឡាច នៅរសៀលថ្ងៃទី២៣ ខែកក្កដា ឆ្នាំ២០១៥នេះ នារីរងគ្រោះបានដាក់បណ្តឹងជាផ្លូវការចូលទៅសាលាដំបូងខេត្តកំពង់ឆ្នាំង ទាមទារសំណងរដ្ឋប្បវេណីនិងជំងឺចិត្តចំនួន៣ម៉ឹនដុល្លា ដោយចោទពីបទៈចាប់រំលោភសេពសន្ថវៈមានស្ថានទម្ងន់ទោស ដោយប្រើហឹង្សា និងដោយប្រើអាវុធ។
យោងតាមពាក្យបណ្តឹងចុះថ្ងៃទី២២ ខែកក្កដា ឆ្នាំ២០១៥ យុវនារីឈ្មោះ យ ស ភ អាយុ១៩ឆ្នាំជាសិស្សរៀនថ្នាក់តិ១២នៅក្នុងវិទ្យាល័យមួយក្នុងស្រុកកំពង់ត្រឡាច មានទីលំនៅក្នុងស្រុកជលគីរី ខេត្តកំពង់ឆ្នាំង បានរៀបរាប់អំពីហេតុការណ៍ដែលកើតឡើងចំពោះរូបនាង ក្នុងករណីចាប់រំលោភខាងលើនេះថា៖លោក ហ៊ុល វាសនា បានសុំរាប់អាននាងជាពូនិងក្មួយកាលពីថ្ងៃទី២៦ ខែមិថុនា ឆ្នាំ២០១៥ តាមការបង្ហោះរូបភាពក្នុងហ្វេសបុក បន្ទាប់មកក៏បានសុំឪពុកម្តាយនាងធ្វើជាបងធម៌។ លោក ហ៊ុល វាសនា បានធ្វើសកម្មភាពចាប់រំលោភនាងចំនួន៣ដង លើកទី១. នៅម៉ោង១២ថ្ងៃត្រង់ ថ្ងៃទី៣០ ខែមិថុនា ឆ្នាំ២០១៥ លើកទី២.នៅម៉ោង១២ថ្ងៃត្រង់ដូចគ្នាថ្ងៃទី០៥ ខែកក្កដា ឆ្នាំ២០១៥ នៅក្នុងបន្ទប់របស់លោក ក្នុងអធិការដ្ឋាន ដោយប្រើហឹង្សានិងអាវុធខ្លីភ្ជុងចាប់បង្ខំរំលោភប៉ុ ន្តែមិនបានសម្រេចដោយបាននាងរើបំរះ រួច លើកទី៣.នៅម៉ោង១២ថ្ងៃត្រង់ ថ្ងៃទី១១ ខែកក្កដា ឆ្នាំ២០១៥ នាងបានទៅយកម៉ូតូពីលោក ហ៊ុល វាសនា ជិះបំណងទៅសួរសុខទុក្ខយាយឈឺនៅផ្ទះ ពេលនោះលោក ហ៊ុល វាសនា បានចាប់រូបនាងរំលោភដោយប្រើហឹង្សា វាយដំនិងប្រើអាវុធភ្ជុងគំរាមរហូតបានសម្រេច ហើយគំរាមថាបើហ៊ាននិយាយប្រាប់គេ និងតាមបាញ់សម្លាប់មួយគ្រួសារ ហើយរូបនាងក៏បានបង្ហាញខោលីអូ និងអាវរហែក ដែលជាភស្តុ័តាងក្នុងសកម្មភាពចាប់រំលោភផងដែរ។នៅក្នុងពាក្យបណ្តឹងនោះដែរនារីរងក្រោះបានប្តឹងទាមទារសុំអោយតុលាការខេត្ត ផ្តន្ទាទោសលោក ហ៊ុល វាសនា ទៅតាមផ្លូវច្បាប់ និងអោយលោក ហ៊ុល វាសនា បង់សំណងរដ្ឋប្បវេណី និងជម្ងឺចិត្តចំនួន៣ម៉ឹនដុល្លា។ដោយឡែកនារីរងគ្រោះក៏បានបង្ហាញពាក្យបណ្តឹងមួយទៀត ចុះថ្ងៃទី២២ ខែកក្កដា ឆ្នាំ២០១៥ ដាក់ជូនឯកឧត្តមអគ្គស្នងការនគរបាលជាតិ ដោយបានបញ្ជាក់ថា លោក ហ៊ុល វាសនា ជាអធិការនគរបាលស្រុកកំពង់ត្រឡា ច មានឥទ្ធិលពលទៅលើសាក្សី ទៅលើមន្ត្រីនគរបាលនៅក្នុងស្រុក និងនៅស្នងការដ្ឋាននគរបាលខេត្ត ដោយមានបងថ្លៃម្នាក់ជាស្នងការរងនគរបាលខេត្ត ទទួលបន្ទុលសន្តិសុខ មានឥទ្ធិពលទៅលើមន្ត្រីចុះកសាងសំណុំរឿង និងក៏មានភាពស្និតស្នាលជាមួយមន្ត្រីសាលាដំបូងខេត្តផងដែរ។ដោយហេតុផលខាងលើនេះ ទើបនាងស្នើសុំឯកឧត្តមអគ្គស្នងការនគរបាលជាតិ មេត្តាចាត់បញ្ជារនាយកដ្ឋាននគរបាលព្រហ្មទណ្ឌក្រសួង ចុះស្រាវជ្រាវ កសាងសំណុំរឿងរបស់នាង ទើបនាងមានទំនុកចិត្ត។នៅក្នុងសមាគមសិទ្ធមនុស្សអាដហុកខេត្តកំពង់ឆ្នាំង ក្រុមគ្រួសារនារីរងគ្រោះបានអោយដឹងថា៖ សំណុំរឿងនេះបើតុលាការខេត្តមិនផ្តល់យុត្តិធម៌អោយទេនោះ ពួកគាត់និងប្តឹងដឹតចិត្ត ស្នើសុំអោយតុលាការរាជធានីភ្នំពេញ ស៊ើបអង្កេតស្រាវជ្រាវ និងជំនុំជំរៈសំណុំរឿងនេះវិញ។
ចំណែកការស្រាវជ្រាវបឋមក្នុងសំណុំរឿងនេះរយៈពេល២ថ្ងៃ សមត្ថកិច្ចជំនាញបានបញ្ចប់នៅល្ងាចថ្ងៃទី២២ ខែកក្កដា ឆ្នាំ២០១៥ ដោយបានរកឃើញកំហុសលោក ហ៊ុល វាសនា មាន២ចំណុចដែលអាចដាក់បន្ទុកបានគឺ៖ ១.រំលោភទៅលើវិន័យកងកម្លាំងនគរបាលជាតិលេខ០០៦ ដោយយកនារីភេទមករស់និងចាប់រំលោភនៅក្នុងកន្លែងធ្វើការ យកម៉ូតូអង្គភាពដោះស្លាកលេខនគរបាលចេញ ប្រគល់អោយស្រីស្នេហ៏ប្រើប្រាស់ ទី២.រកឃើញ ស្លាកស្នាមរបួសនៅលើចង្កេះខាងស្តាំរបស់លោក ហ៊ុល វាសនា ដែលជនរងគ្រោះបានខ្វាចពេលលោកចាប់រំលោ ភនាងដែលអាចដាក់បន្ទុកបាន។ទាក់ទងនិងរឿងខាងលើនេះ នៅព្រឹកថ្ងៃទី២៣ ខែកក្កដា ឆ្នាំ២០១៥ លោក ហ៊ុល វាសនា ត្រូវបានលោកស្នងការខេត្ត ដកបញ្ឈរជើងមកនៅក្នុងស្នងការខេត្ត ហើយបានប្រកាសលោកវរៈសេនីយត្រី មាស សុភិន ជាអធិការរង ឡើងជាអធិការស្តីទីទទួលរួម នៃអធិការដ្ឋាននគរបាលស្រុកកំពង់ត្រឡាច។ទាក់ទងនិងស្លាកស្នាមរបួសនៅលើចង្កេះ លោក ហ៊ុល វាសនា បានបញ្ជាក់អោយដឹងថា៖គឺជាស្នាមខ្វារដែលនាងនិងលោកបានប្រឡែងគ្នាលេងពេលថ្ងៃនៅក្រៅបន្ទប់លោក ដោយពេលនោះគឺមានកូនចៅលោកជាច្រើននាក់បានឃើញនិងដឹងឮ និងអាចធ្វើជាសាក្សីបាន៕