កំពង់ធំ= នៅមជ្ឈមណ្ឌលបណ្ដុះបណ្ដាលវីជ្ជាជីវះខេត្តកំពង់ធំនាព្រឹកថ្ងៃទី២៤ ខែកក្កដា ឆ្នាំ២០១៥ បានបើកសិក្ខាសាលាដើម្បីផ្សព្វផ្សាយជ្រើសរើសសិស្សអោយចូលរៀនថ្នាក់សញ្ញាប័ត្របច្ចេកទេសនិងវិជ្ជាជីវះ ដោយមានការចូលរួមពីលោក អៀង សុភាព ប្រធានមន្ទីរការងារនិងបណ្ដុះបណ្ដាវិជ្ជាជីវះខេត្តកំពង់ធំ ព្រមទាំងលោក អែក ហៀង នាយកមជ្ឈមណ្ឌល វិជ្ជាជីវះ ខេត្តកំពង់ធំ លោកគ្រូអ្នកគ្រូ នាយកសាលា មេភូមិ មេឃុំមកពីបណ្ដាឃុំ សង្កាត់ សរុប ជាង ៥០នាក់។លោក អៀង សុភាព បានមានមតិសំណេះសំណាលថា ការសិក្សាថ្នាក់សញ្ញាប័ត្របច្ចេកទេសនិងវីជ្ជាជីវះ កំរឹត ១ កំរឹត២ និងកំរឹត៣នេះគឺសិស្សអាចរៀនយក បរិញ្ញាប័ត្ររង អនុបណ្ឌឹត ឬបណ្ឌឹតបាន ហើយការរៀនបច្ចេកទេស ជំនាញ នេះអាចធ្វើអោយយើងរកការងារយ៉ាងស្រួល ទទួលបាននូវកំរៃប្រាក់ខែខ្ពស់ ប្រទេសជាតិរីកចំរើន លុះត្រាតែសំបូរទៅដោយ 
សាលាបច្ចេកទេស មានអ្នកជំនាញពិតប្រាកដ កាលណាមានជំនាញមានបច្ចេកទេសច្បាស់លាស់ ពេលក្រុមហ៊ុន ឬ រដ្ឋាភិបាលត្រូវការរើសបុគ្គលិកត្រូវជំនាញរបស់ខ្លួនគឺយើង ៗអាចមានលទ្ធភាពធ្វើការងារបាន ចុះបើយើងអត់សិក្សា គ្មានជំនាញគ្មានបច្ចេកទេសតើនរណាគេជ្រើសរើសយកយើង ដូច្នេះសុំសំណូមពរ អោយលោកគ្រូអ្នកគ្រូ នាយកសាលា មេភូមិ មេឃុំ ជួយផ្សព្វផ្សាយអោយប្អូនៗ យុវជន យុវនារី ដែលបានបោះបង់ការសិក្សាមករៀននៅសាលាបច្ចេកទេសនិងវិជ្ជាជីវះ ដើម្បីអនាគតន៍ ដើម្បីជីវភាពគ្រួសារ និងដើម្បីជួយប្រទេសជាតិ សង្គមជាតិអោយមានភាពរីកចំរើន គឺប្រទេសជាតិមានការរីកចំរើនលុះត្រាណាតែសំបូរដោយធនធានមនុស្សខាង
ចំណេះដឹង ចំណេះធ្វើ រួមទាំងបច្ចេកទេស ជំនាញនិងបទពិសោធន៍ពិតប្រាកដនេះអែង។លោក អែងហៀង បានអានរបាយការណ៍និង មានប្រសាសន៍ថា ដោយសារតែប្រជាពលរដ្នខ្មែរយើងនៅមានកំរឹតយល់ដឹងទាបជាងប្រទេសជិតខាងធ្វើអោយទទួលប្រាក់ខែក៏ទាបផងដែរ ដូច្នេះការជ្រើសរើសសិស្សនេះគឺក្នុងគោលបំណងបណ្ដុះបណ្ដាល សិស្ស ដែលឈប់ពីការសិក្សា ឬរត់ចោលការសិក្សារយះពេល២ឆ្នាំមកហើយដោយគ្មានលទ្ធភាពបង់លើការសិក្សារឬ ឪពុកម្ដាយមានជីវភាពក្រីក្រ អោយបានមកបន្ដការសិក្សារៀនសូត្រថ្នាក់បរិញ្ញាប័ត្របច្ចេកទេស និងបទ
ពិសោធន៍ដើម្បីប្រកបមុខរបរ ឬធ្វើការបំរើប្រទេសជាតិដែលកំពុងតែត្រូវការនូវធនធានមនុស្សខាងចំណេះដឹងស្របពេលដែលប្រទេសយើងកំពុងតែខ្វះអ្នកដែលមានបទពិសោធន៍ វិជ្ជាជីវះបច្ចេកទេស ក្នុងគោលបំណង់ លុបបំបាត់ភាពក្រីក្រជាមួយរាជរដ្ឋាភិបាល ក្នុងនោះលោក ក៏បានសំណូមពរ អោយលោកគ្រូអ្នកគ្រូ នាយកសាលា លោកភូមិមេឃុំ សង្កាត់ ជួយស្រង់ស្ថិតិ
សិស្សក្រៅសិក្សា ដើម្បីអោយក្រុមការងារយើងចុះដល់មូលដ្ឋានផ្សព្វផ្សាយ អោយសិស្សនោះបានមកចូលមករៀននៅក្នុងសាលាបណ្ដុះបណ្ដាលវិជ្ជាជីវះយើងនេះ ម្យ៉ាងផ្ដល់អោយសិស្សទាំងនោះ នូវចំណេះដឹង និងបទពិសោធន៍ បច្ចេកទេស អាចបំរើការងារជួយអោយប្រទេសយើងមានភាពរីកចំរើន ឬអាចប្រកបមុខរបរផ្សេងៗបានកំរៃយ៉ាងសមរម្យ អាចចិញ្ចឹមជីវិតដោយខ្លួនអែងបាន ចុងក្រោយលោកបានធ្វើបទបង្ហាញស្ដីអំពីវិស័យ TVET និង មានសំនួរចំលើយពាក់ព័ន្ធទៅនិងការបង់ថ្លៃសេវ៉ាក្នុងការសិក្សាទៅតាមលំដាប់ថ្នាក់ផ្សេងៗនិងអ្នកដែលអាចទទួលរបបអាហាររូបករណ៍ផងដែរ៕ ប៊ុនរិទ្ធី
