ខេត្តកំពង់ឆ្នាំង៖ ស្ត្រីមេម៉ាយកូន៣ម្នាក់ បានដាក់ពាក្យប្តឹងទៅតុលាការខេត្ត នៅល្ងាចថ្ងៃទី២៤ ខែកក្កដាឆ្នាំ២០១៥ ដោយចោទប្រកាន់ថា លោកនាយការិយាល័យនគរបាលព្រហ្មទណ្ឌ័កំរិតស្រាលខេត្តកំពង់ឆ្នាំង ដែលធ្លាប់មានទំនាក់ទំនងស្នេហាយូរខែមកហើយ បានដាល់នាង៣ដៃប៉ោងមុខដោយសារតែការប្រចណ្ឌ័ថានាងមានប្រុសថ្មី និងបានប្តឹងទាមទារសំណងជម្ងឺចិត្ត២០លានរៀល។ ហេតុការណ៍នេះបានកើតឡើងនៅម៉ោង១និង៤០នាទីរសៀលថ្ងធទី២៤ ខែកក្ដដា ឆ្នាំ២០១៥ ស្ថិតនៅក្នុងដីឡូត៍ ភូមិប្អេរ សង្កា ត់ប្អេរ ក្រុងកំពង់ឆ្នាំង។
ស្ត្រីរងគ្រោះឈ្មោះ ឌុក ឌីឡុម អាយុ៤២ឆ្នាំ មានកូន៣នាក់ រស់នៅភូមិកណ្តាល សង្កាត់កំពង់ឆ្នាំង ក្រុងកំពង់ឆ្នាំង បច្ប្បន្នស្នាក់នៅកន្លែងកើតហេតុភូមិប្អេរ នៅព្រឹកថ្ងៃទី២៥ ខែកក្កដា ឆ្នាំ២០១៥ បាននិយាយអោយអ្នកយកព័ត៌មានយើងដឹងថា៖ នាងនិងលោក ទេព សារ៉ាត់ នាយការិយាល័យនគរបាលព្រហ្មទណ្ឌ័កំរិតស្រាលខេត្តកំពង់ឆ្នាំង បានមានទំនាក់ទំនងស្នេហាគ្នាជាង៧ខែមកហើយ។នៅថ្ងៃកើតហេតុ វេលាម៉ោង១១និង៤០នាទី មិត្តភ័ក្រនាង៣នាក់បានមកលេងដល់ផ្ទះ ក្រោយពេលហូបបាយរួច មិត្តភ័ក្រ២នាក់បានត្រឡប់ទៅវិញ នៅសល់ម្នាក់ឈ្មោះ ផូ ធីរ៉ាក់ នៅជិះអង្រឹងលេងក្រោមដើមស្វាយក្នុងភូមិ។
នៅម៉ោង១និង៤០នាទី លោក ទេព សារ៉ាត់ បានមកដល់ហៅអោយនាងបើកទ្វាររបងភូមិ ហើយពេលនោះក៏បានដាល់នាង៣ដៃជាបន្តបន្ទាប់ចំភ្នែក និងច្រមុះ ពេលនាងដួលក៏បានចាប់បោចសក់នាងអោយក្រោកឈរហើយដាល់នាងបន្ថែមទៀត គឺពិតជាសាហាវណាស់ដោយសារតែក្តីប្រចណ្ឌ័ថារូបនាងមានសាហាយក្បត់រូបគេ។នៅក្នុងពេលនោះដែរ លោក ផូ ធីរ៉ាក់ ជាមន្ត្រីស៊ីម៉ាក់ ក៏បានស្ទុះមកឃាត់ ក៏ត្រូវលោក ទេព សារ៉ាត់ ក្របួចក៏អាវប្រុងវាយគេទៀត តែត្រូវលោក ផូ ធីរ៉ាក់ រើបំរះរួច។
ក្រោយពេលកើតហេតុ នាងក៏បានទៅដាក់ពាក្យបណ្តឹងនៅតុលាការខេត្ត ភ្លាមៗនៅល្ងាចថ្ងៃទី២៤ខែកក្កដា ឆ្នាំ២០១៥ ដោយប្តឹងទាមទារសំណងចំនួន២០លានរៀល និងប្តឹងសុំអោយតុលាការផ្តន្ទាទោសលោក ទេព សារ៉ាត់ តាមផ្លូវច្បាប់ ព្រោះនាងមានការឈឺចាប់ខ្លាំងណាស់ ដោយត្រូវគេវាយធ្វើបាបដូចសត្វធាតុបែបនេះ។ ម្យ៉ាងទៀតកន្លងមកនាងធ្លាប់សុំចែកផ្លូវគ្នា ដោយសារតែលោក ទេព សារ៉ាត់ ស្រឡា ញ់បានខ្លួនប្រាណនាងមិនដែលអោយអ្វីនាងទេ ហើយគេក៏មានប្រពន្ធមានកូន នាងខ្លាចប្រពន្ធកូនគេមកធ្វើបាប តែលោក ទេព សារ៉ាត់ មិនព្រមបែកទេ បែរជាសង្ស័យថានាងមានសាហាយក្បត់គេទៅវិញ។
ដោយឡែក លោក ទេព សារ៉ាត់ នៅព្រឹកថ្ងៃទី២៥ ខែកក្កដា ឆ្នាំ២០១៥ លោកបាននិយាយអោយ
ដឹងថា៖ លោកធ្លាប់មានទំនាក់ទំនងជាមួយនាង ឌុក ឌីឡុម ជាង២ឆ្នាំមកហើយ រស់នៅជាមួយគ្នាដូចប្តី
ប្រពន្ធអញ្ចឹង។រឿងហេតុខាងលើនេះ លោកបានទះកំភ្លៀងនាងតែមួយដៃគត់ ចំណែកមុខនិងភ្នែកជាំនោះ គឺដោយសារលោកកញ្ឆក់ទាញដៃនាងខ្លាំងពេក ពេលបើកទ្វាររបងភូមិចូលក្នុងផ្ទះ ធ្វើអោយនាងដួលចំបង្គោលឈើមួយដើម ទើបជាំភ្នែកនិងមុខបែបនេះ។
ស្ត្រីរងគ្រោះបានអោយដឹងថា៖នៅព្រឹកថ្ងៃទី២៥ ខែកក្កដា ឆ្នាំ២០១៥នេះដែរ នាងត្រូវបានមន្ត្រីការិ
យាល័យបុគ្គលិកស្នងការនគរបាលខេត្ត ហៅនាងទៅសាកសួរដំណើររឿងហេតុរួចហើយ និងនៅល្ងាចថ្ងៃនេះ នាងនិងធ្វើពាក្យបណ្តឹងដាក់ជូនលោកស្នងការខេត្ត អោយជួយផ្តល់យុត្តិធម៌ដល់នាង។ប៉ុន្តែបើលោកស្នងការខេត្ត និងតុលាការខេត្តមិនផ្តល់យុត្តិធម៌ដល់នាងទេនោះ នាងនិងដាក់បណ្តឹងទៅឯកឧត្តម អគ្គស្នងការនគរបាលជាតិ ជាបន្តទៀត។ដោយឡែក លោក ទេព សារ៉ាត់ វិញមកដល់រសៀសថ្ងៃទី២៥ នេះមិនទាន់សមត្ថកិច្ចណាចាត់ការនៅឡើយទេគឺនៅមានសេរីភាពជាធម្មតា៕
