ខេត្តបន្ទាយមានជ័យ
នៅល្ងាចថ្ងែទី៣១ខែកក្កដាឆ្នាំ២០១៥នៅសាលប្រជុំសាលាខេត្តបន្ទាយមានជ័យក្រសួងមហាផ្ទៃបានប្រកាសលោកលីសារីប្រធានមន្ទីររៀបចំដែនដីនគរូបណីយ៍កម្មសំណង់ និងសូរិយោដីខេត្តបន្ទាយមានជ័យត្រូវបានប្រកាសឲ្យទៅទទួលមុខតំណែងថ្មីជាអភិបាលរងខេត្តបន្ទាយមានជ័យចាប់ពីថ្ងៃប្រកាសនេះតទៅ។ពិធីប្រកាសតែងតាំងនិងទទួលភារកិច្ចថ្មីរបស់លោកវិស្វ័ករលីសារីឲ្យទៅកាន់អភិបាលរងខេត្តនោះមានការចូលរួមឯកឧត្តមសក់សេដ្ឋារដ្ឋលេខាធិការក្រសួងមហាផ្ទៃ លោកគោស៊ុំសារឿតអភិបាលខេត្តបន្ទាយមានជ័យ និងមន្ត្រីជាន់ខ្ពស់ក្នុងខេត្តសរុបចូលរួមមានជិត៤០០នាក់។លោកអ៊ួងចន្ធី ប្រធាននាយកដ្ឋានបុគ្គលឹកនៃអគ្គនាយកដ្ឋានរដ្ឋបាលក្រសួងមហាផ្ទៃបានឡើងអានអនុក្រឹត្យលេខ ៨ ៤ ១ ធ ន ក្រ .ត ត ស្តីពីការផ្ទេភារភិច្ចនិងត្រូវតែងតាំងលោកលីសារីអតីតះជាប្រធាមមន្ទីររៀបចំដែនដីនគរូបណីយ៍កម្ម សំណង់ និងសូរិយោដីខេត្តបន្ទាយមានជ័យត្រូវទៅទទួលមុខតំណែងថ្មីជាអភិបាលរងខេត្តបន្ទាយមានជ័យចាប់ពីថ្ងៃប្រកាសនេះតទៅ។លោកលីសារីបានឡើងធ្វើប្តេជ្ញាចិត្តថានិងអនុវត្តតាមរដ្ឋធម្មនុញ្ញនៃព្រះរាជាណាចក្រកម្ពុជាបទបញ្ជានិងលិខិតបទដ្ឋាននានាឲ្យបានជាប់លាប់ដោយប្រកាន់ភ្ជាប់នូវឧត្តមប្រយោជន៍ជាតិមាតុភូមិនិងយកប្រជាពលរដ្ឋជាធំ។ឯកឧត្តមសក់សេដ្ឋារដ្ឋលេខាក្រសួងមហាផ្ទៃបានមានប្រសាសន៍ក្នុងការតែងតាំងនោះថាការតែងតាំងលោកវិស្វ័ករលីសារីជាអភិបាលរងខេត្តបន្ទាយមានជ័យនេះគឺជំនួសលោក អ៊ឹម ភាន់សុផល ដែលត្រូវផ្ទេរភារកិច្ចទៅបម្រើការងារនៅទីស្តីការក្រសួងមហាផ្ទៃហើយដោយសារលោកលីសារីមានស្នាដៃល្អៗយ៉ាងច្រើនក្នុងការបំពេញភារកិច្ចជាប្រធានមន្ទីរសូរិយោដីខេត្តអស់រយះពេលជាង២០ឆ្នាំកន្លងមកហើយទើបរាជរដ្ឋាភិបាលសំរេចឲ្យលោកទៅកាន់អភិបាលរងខេត្តជំនួសលោកអ៊ឹមភាន់សុផលយ៉ាងដូច្នេះ ៕ គង្គា