ខេត្តបន្ទាយមានជ័យ
មណ្ឌលសុខភាពស្ពានស្រែងមួយខ្នងត្រូវរដ្ឋមន្ត្រីក្រសួងសុខាភិបាលចុះមកសម្ពោធដាក់ឲ្យប្រើប្រាស់ជាផ្លូវការនៅព្រឹកថ្ងៃទី៣០ ខែកក្តដា ឆ្នាំ២០១៥ ស្ថិតនៅភូមិរោគ ឃុំស្ពានស្រែង ស្រុកភ្នំស្រុក ខេត្តបន្ទាយមានជ័យ។ពិធីនេះមានការចូលរួមលោកវេជ្ជបណ្ឌិតជូយិនសីុម 
អនុរដ្ឋលេខាធិការក្រសួងសុខាភិបាល លោកអោមចន្ថាអភិបាលរងខេត្តបន្ទាយមានជ័យ លោកវេជ្ជបណ្ឌិត កែវសុភ័ត្រាប្រធានមន្ទីរសុខាភិបាលខេត្តបន្ទាយមានជ័យ។លោកកែវសុភ័ត្រាបានមានប្រសាសន៍ថាមណ្ឌលសុខភាពស្ពានស្រែងនេះគឺក្រុមហ៊ុនDKSH.GSKបានជួយឧបត្ថម្ភកសាងតាមរយៈក្រសួងសុខាភិបាល ដើម្បីចូលរួមគាំទ្រលើវិស័យសុខាភិបាល និងជួយដល់សុខភាពប្រជាពលរដ្ឋនៅតាមជនបទដែលនៅឆ្ងាយពីទីប្រជុំជន ។លោកអោមចន្ថាអភិបាលរងខេត្តបន្ទាយមានជ័យបានមានប្រសាសន៍ថ្លែងអំណគុណចំពោះក្រសួងសុខាភិបាលដែលបានជួយមណ្ឌលសុខភាពសម្រាប់បម្រើសុខភាពជូន
ប្រជាពលរដ្ឋនៅក្នុងស្រុកភ្នំស្រុកនេះ។លោកបានបន្តទៀតថាស្រុកភ្នំស្រុកមានមន្ទីពេទ្យបង្អែកមួយ និងមណ្ឌលសុខភាពចំនួន៥កន្លែងនិងប៉ុស្តិ៍សុខភាពចំនួន ២កន្លែងដែលមានបុគ្គលិកក្របខ័ណ្ឌសរុបចំនួន ៧២នាក់ និងបុគ្គលិកកិច្ចអនុរដ្ឋលេខាក្រសួងសុខាភិបាលសន្យា១៤នាក់ ។លោកវិជ្ជៈបណ្ឌិតជូយិនស៊ីមអនុរដ្ឋលេខាធិការក្រសួងសុខាភិបាលបានមានប្រសាសន៍ផ្លែងអំណគុណចំពោះក្រុមហ៊ុនឱសថ DKSH ,GSK ដែលបានជួយឧបត្ថម្ភកសាងមណ្ឌលសុខភាពស្ពានស្រែង និងបានដាក់ឲ្យប្រើប្រាស់ជាផ្លូវការ ដើម្បីបម្រើសេវ៉ាកម្មសុខភាពជូនប្រជាពលរដ្ឋតាមជនបទ ។លោកបានដាស់តឿនមន្ត្រីសុខាភិបាលខេត្តបន្ទាយមានជ័យទាំងអស់ត្រូវ
យកចិត្តទុកដាក់ក្នុងការព្យាបាលនិងថែទាំអ្នកជន្ងឺដែលមកសំរាកព្យាបាលក្នុងមណ្ឌលសុខភារបស់ខ្លួនមិនត្រូវនិយមបក្ខពួកនោះឡើយព្រោះមន្ត្រីសុខាភិបាលមានភារកិច្ចបម្រើសុខភាពជូនប្រជាពលរដ្ឋឲ្យបាន ២៤ម៉ោង ។ លើសពីនេះទៅទៀតលោកបានព្រមានដល់មន្ត្រីសុខាភិបាលមិនត្រូវឃើញលុយធំជាងអាយុជីវិតប្រជាពលរដ្ឋនោះឡើយហើយប្រសិនមាននៅខេត្តណាដែលមានមន្ត្រីសុខាភិបាលយកលុយពីអ្នកជម្ងឺដែលមានជីវភាពក្រីក្រនិងទុកជម្ងឺដល់ស្លាប់ មន្ទីរសុខាភិបាលនោះត្រូវទទួលខុសត្រូមុខច្បាប់ ៕ គង្គា
