.សៀមរាប៖ នៅថ្ងៃទី០៩ខែសីហាឆ្នាំ២០១៥វេលាម៉ោង១០នឹង១៥នាទីព្រឹក មានគ្រោះថ្នាក់ចរាចរមួយយ៉ាងរន្ធត់ រថយន្តក្រុមហ៊ុនដឹកអ្នកដំណើរ ថោង ស៊ីនម៉ាកហ៊ីយ៉ាន់ដាយពណ៌សរលាយក្រហមពាក់ស្លាកលេខ(ភ្នំពេញ.)៣អា៤៣៨៨ទឹសដៅពីលិចទៅកើត បានប្រលេះជាមួយម៉ូតូម៉ាកវេវអាល់ហ្វាពណ៌ខ្មៅគ្មានស្លាកលេខនៅចំណុចភូមិកកោះ ឃុំគោគធ្លកក្រោម ស្រុកជីក្រែង បណ្តាលឲ្យម្ចាស់ម៉ូតូស្លាប់ភ្លាមៗនៅនឹងកន្លែង។
.លោកអនុសេនីយ៏ ឯកគង់ អឿននាយផ្នែកចរាចរនៃអធិការរដ្ឋាននគរបាលស្រុកជីក្រែង ប្រាប់អ្នកសារពត៌មានយើងថា ជនរងគ្រោះឈ្មោះ ពេញ ហឿនភេទប្រុសអាយុ៥១ឆ្នាំមានទីលំនៅ ភូមិកំពង់ម្កាក់ ឃុំគោគធ្លកក្រោម ស្រុកជីក្រែង ខេត្តសៀមរាប បានបរម៉ូតូដឹកស្រូវមួយ
ការរុងចេញពីផ្ទះកូនប្រសារឆ្លងកាត់ថ្នល់ជាតិពីជើងមកត្បូងត្រូវបានរថយន្តដឹកអ្នកដំណើរមានទឹសដៅពីលិចទៅកើតមានល្បឿនលឿនបុកចំពីក្រោយបណ្តាលឲ្យម្ចាស់ម៉ូតូស្លាប់ភ្លាមៗនៅនឹងកន្លែងកើតហេតុ។ អ្នកបើកបររថយន្តបានឈប់រថយន្តចុះរត់បាត់ស្រមោល ចំពោះសាកសពលោកបានប្រគល់ជូនក្រុមគ្រួសារយកទៅធ្វើបុណ្យតាមប្រពៃណី។ រីឯរថយន្តសមត្ថកិច្ចនាំយកទៅរក្សាទុកនៅអធិការរដ្ឋាននគរបាលស្រុក រង់ចាំការដោះស្រាយ។
