ខេត្តបន្ទាយមានជ័យ៖ នៅព្រឹកថ្ងៃទី១០ខែសីហាឆ្នាំ២០១៥ភ្នាក់ងារកាសែតកម្ពុជាថ្មីបានចុះទៅដល់ផ្ទះស្ត្រីទុរគតជនម្នាក់រស់នៅក្រោមស្ពានក្នុងអូរផ្លូវទឹកហូរយ៉ាងវេទនាបំផុតផ្ទះប្រកខ្យល់ដណ្តប់មេឃមុខរបរកសីុដើរបេះបន្លែលក់និងដើររើសអេតចាយលក់ដើម្បីចិញ្ចឹមជីវិត។
ស្ត្រីទុរគត់ជននោះមានឈ្មោះម៉ាសុខន អាយុ៦១ឆ្នាំ មានកូនចិញ្ចឹមម្នាក់ឈ្មោះ សៅ រើន ស្រីអាយុ១៤សព្វថ្ងៃរស់នៅក្រោមស្ពានទី១នៅក្នុងអូរផ្លូវទឹកហូរ នៅភូមិកំពង់ស្វាយ ក្រុងសិរីសោភ័ណ ខេត្តបន្ទាយមានជ័យ។បើតាមការអះអាងរបស់អ៊ុំស្រីម៉ាសុខនបាននិយាយប្រាប់អ្នកយកព៌ត័មានថាគាត់បានមករស់នៅក្នុងអូរនេះអស់រយះពេលជាង១០ឆ្នាំកន្លងមកហើយ។អ៊ុំស្រីបាននិយាយបន្តទៀតថាកាលពីមុនគាត់និងកូនចិញ្ចឹមពុំមានផ្ទះសំបែងរស់នៅឡើយទើបគាត់ដាច់ចិត្តមកសុំគេរស់នៅក្រោមស្ពានទី១នេះនៅរហូតមកការរកសីុចិញ្ចឹមជាវិតរបស់គាត់បានដើរបេះបន្លែលក់និងមុខរបមួយទៀតដើររើសអេតចាយលក់ក្នុងមួយថ្ងៃអាចរកចំណូលបានពី១មឺុនទៅ២មឺុនរៀលតែពេលខ្លះរកលុយមិនបានដេកអត់បាយក៏មាន។អ៊ុំស្រីបានបន្តទៀតថាពេលមានភ្លៀងធ្លាក់មកម្តងក្នុងផ្ទះរបស់ពួកគាត់លិចទាំងអស់ដូចរស់នៅហាលភ្លៀងអញ្ចឹងពេលដល់រដូវវស្សាផ្ទះរបស់គាត់លិចប្លឹបដល់កល់គ្រែឲ្យខ្ពស់ទើបអាចរស់នៅបានចំណែកកូនចិញ្ចឹមនោះវិញកើតរម៉ាស់ពេញខ្លួនដោយគ្មានលុយអាចយកទៅពេទ្យព្យាបាលបានទើបទុកឲ្យកើតរម៉ាស់ពេញខ្លួនរហូតមកដល់សព្វថ្ងៃនេះ។បើតាមការពិនិត្យជាក់ស្តែងនៅក្នុងផ្ទះរបស់គាត់គ្មានអ្វីជាដុំកំភួនឡើយដំបូលផ្ទះប្រកកៅស៊ូរហែកអស់មុងភួយសុតតែរបស់អេតចាយនៅរាយប៉ាយពេញផ្ទះ។អ៊ុំស្រីនិងកូនស្រីដែលកើតរម៉ាស់ពេញខ្លួននោះបានលើកម្រាមដៃ១០សុំឲ្យសប្បុរសជននៅក្នុងស្រុកនិងក្រៅស្រុកពិសេសលោកជំទាវគគិបណ្ឌិត ប៉ុនរ៉ានីហ៊ុនសែនសូមជួយឧបត្ថម្ភដល់គ្រួសារគាតផងទោះបីជួយតិចក្តីក៏គាត់ទទួលទាំងអស់៕
