បន្ទាយមានជ័យពលករខ្មែរចំនួន១៣នាក់ ដែលអាជ្ញាធរថៃ បានចាប់ឃាត់ខ្លួន តាំងពីខែមិថុនាកន្លងមក (២ខែ១០ថ្ងៃ) បានមកដល់ទឹកដីកំណើតវិញហើយ នៅថ្ងៃទី១១ ខែសីហា ឆ្នាំ២០១៥ នៅវេលាម៉ោង១៣៖១០នាទី នៅចំណតរថយន្ដផ្សារមង្គល ភូមិក្បាលកោះសង្កាត់ និងក្រុងប៉ោយប៉ែត ខេត្តបន្ទាយមានជ័យ។
ប្រាប់អ្នកយកព័តមាននៅថ្ងៃដែល ពលករទាំង១៣នាក់ថា ពួកគេទៅធ្វើការនៅប្រទេសថៃ គឺដោយសារមេខ្យល់ ដែលពុំស្គាល់អត្តសញ្ញាណ បាននាំទៅរកការងារធ្វើនៅប្រទេសថៃ ក្នុងម្នាក់២៥០០បាត ទៅដល់ប្រទេសថៃ នៅថ្ងៃទី២៨ ខែឧសភា ឆ្នាំ២០១៥ រហូតដល់ថ្ងៃទី០២ ខែមិថុនា ឆ្នាំ២០១៥ ត្រូវបានតម្រួតថៃ ចាប់ខ្លួនតែម្ដង។ រហូតមកដល់ថ្ងៃទី០៦ ខែសីហា ឆ្នាំ២០១៥ ទើបក្រុមគ្រួសារ នៅភូមិដូនទ្រ ឃុំល្វា ស្រុកពួកខេត្តសៀមរាប បានទទួលព័ត៌មាន ហើយបានសុំឲ្យក្រុមអ្នកសារព័ត៌មានផ្សព្វផ្សាយ ហើយក្រុមគ្រួសារពលករ បានបង់ប្រាក់ក្នុងមួយនាក់ ចំនួន៦៥០០បាត ឲ្យទៅសមត្ថកិច្ទថៃទើបគេព្រមដោះលែង។
សូមជំរាបថា ថ្មីៗនេះឪពុកជនរងគ្រោះក្នុងចំណោមពលករទាំង ១៣នាក់ បានអំពាវនាវសុំការអន្តរាគមន៍ ដើម្បីជួយរំដោះកូនគាត់ចេញពីទឹកដីថៃ និងចៀសវាងការបង់ប្រាក់ ៨០០០បាត ទៅឲ្យតម្រួតថៃ ហើយនៅពេលពលករទាំងនោះ បានមកដល់កម្ពុជាដោយសុវត្ថិភាព។
បញ្ជាក់ថា ក្នុងចំណោមពលករទាំង ១៣នាក់ កំពុងជាប់ឃុំនៅខេត្តផាធូមថានី ប្រទេសថៃនោះ ត្រូវបានគេស្គាល់ឈ្មោះតែ៦នាក់ទេ ទី១ ឈ្មោះ គឹម តែម ភេទប្រុស អាយុ ២២ឆ្នាំ, ទី២ ឈ្មោះ ទាវ រ៉ាន់ ភេទស្រី អាយុ ១៩ឆ្នាំ, ទី៣ ឈ្មោះ កែវ ស្រស់ ភេទស្រី អាយុ ២៥ឆ្នាំ, ទី៤ ឈ្មោះ កែវ ស្រី ភេទស្រី អាយុ ១៨ឆ្នាំ, ទី៥ ឈួន គង់ ភេទប្រុស អាយុ ១៦ឆ្នាំ និងទី៦ ឈ្មោះ ឌឹង ភេទប្រុស អាយុ ១៧ឆ្នាំ អ្នកទាំងអស់នេះ រស់នៅភូមិដូនទ្រ ឃុំល្វា ស្រុកពួក ខេត្តសៀមរាប៕