ខេត្តបន្ទាយមានជ័យឯកឧត្ដម លី សារី អភិបាលរងខេត្តបន្ទាយមានជ័យនិងជាប្រធានក្រុមការងារថ្នាក់ខេត្តចុះជួយក្រុងសិរីសោភ័ណនិងក្រុមការងារ ផ្តល់អំណោយដល់ស្ត្រីទុរគតជន ១គ្រួសាររស់នៅក្រោមស្ពាន ក្នុងអូរផ្លូវទឹកហូរយ៉ាងវេទនាបំផុត ខ្ទមប្រកខ្យល់ដណ្តប់មេឃ ចិញ្ចឹមជីវិតដោយដើរបេះបន្លែលក់ និងដើររើសអេតចាយលក់។
ស្ត្រីទុរគត់ជននោះមានឈ្មោះ ម៉ា សុខន អាយុ៦១ឆ្នាំ មានកូនចិញ្ចឹមម្នាក់ឈ្មោះ សៅ រើន ស្រីអាយុ១៤សព្វថ្ងៃរស់នៅក្រោមស្ពានទី១ ខ្ទមសង់លើអូរ ក្នុងភូមិកំពង់ស្វាយ ក្រុងសិរីសោភ័ណ ខេត្តបន្ទាយមានជ័យ។
ស្ត្រីទុគ៏តបាននិយាយបន្តទៀតថាកាលពីមុនគាត់និងកូនចិញ្ចឹមពុំមានផ្ទះសំបែងរស់ នៅឡើយទើបគាត់ដាច់ចិត្តមកសុំគេរស់នៅក្រោមស្ពានទី១នេះ ហើយចិញ្ចឹមជីវិតដោយដើរបេះបន្លែលក់ និងមុខរបមួយទៀតដើររើសអេតចាយលក់ក្នុងមួយថ្ងៃអាចរកចំណូលបានបន្តិចបន្ទួច តែពេលខ្លះរកលុយមិនបានដេកអត់បាយក៏មាន។
ឯកឧត្ដម លី សារី អភិបាលរងខេត្តបន្ទាយមានជ័យនិងជាប្រធានក្រុមការងារថ្នាក់ខេត្តចុះជួយក្រុងសិរីសោភ័ណ លោក អ៊ឹង វិសាល ប្រធានភូមិបាលក្រុងសិរីសោភ័ណ និងក្រុមការងារ ចុះផ្ទាល់ដោយនាំយក អង្ករ ៥០គ.ក្រ ទឹកស៊ីអីវ១ យួរ ទឹកត្រី១យួរ ទឹកក្រូច១ កេះ មី ២កេះ សាប៊ូ បោកខោអាវ ១ថង់៥ គ.ក្រ សាប៊ូកក់សក់ សាប៊ូដុះខ្លួន ថ្នាំដុសធ្មេញ និងថវិការ ១០០ពាន់រៀល ជូនដល់គ្រួសារទុរគត់ជន នេះ។
ឯកឧត្ដម លី សារី មានប្រសាសន៍ថា: នេះជាអំណោយបឋម អាចជួយបានបណ្ដោះអាសន្នប៉ុណ្ណោះ តែឯកឧត្ដម និងក្រុមការងារ និងអំពាវនាវរកសប្បរសជនក្នុងខេត្តជួយរកទីតាំង និងសង់លំនៅដ្ឋាន ជូនគ្រួសារក្រីក្រ១នេះ ដើម្បីបានរស់នៅសមរម្យ៕
