បន្ទាយមានជ័យ: ឯកឧត្ដម អ៊ុង អឿន ប្រធានគណះបក្សប្រជាជន ខេត្តបន្ទាយមានជ័យមាន ប្រសាសន៍ថា: យុវជនជាទំពាំងស្នងឬស្សី ជាកម្លាំងចលក បំផុសនិងអប់រំយុវជនដើម្បីយល់ដឹងកាន់តែច្បាស់ ពីគោលនយោបាយបក្ស ការអភិវឌ្ឍន៍ប្រទេសជាតិ សមិទ្ធផលដែលបក្សនិងរាជរដ្ឋាភិបាល បង្កើតឡើង និងរួមចំណែកអនុវត្តគោលនយោបាយភូមិឃុំមានសុវត្តិភាពមូលដ្ឋាន ដើម្បីសុវត្តិភាពសង្គម។
លើកឡើងដូច្នេះក្នុងពិធីចុះសួរសុខទុក និងសំណេះសំណាលជាមួយ សមាជិកបក្ស ឃុំទាំង៣និងក្រុមយុវជន គឺឃុំរហាត់ទឹក ឃុំចំណាម និងឃុំសឿ ស្រុកមង្គល បូរីខេត្តបន្ទាយមានជ័យ កាលពីថ្ងៃទី១២សីហា២០១៥ ក្នុងទីធ្លាវត្តស៊ិនសួន្នារាម (ចំណោម)។
ឯកឧត្ដម ប៉ាល់ សំអឿន លោកជំទាវ នួម សោភ័ណ អ្នកតំណាងរាស្ត្រមណ្ឌុល បន្ទាយមានជ័យ សមាជិកបក្សឃុំ និងក្រុមយុវជនទាំង៣ចូលរួម។
លោក បេ ឪគីម អនុប្រធានគណបក្សស្រុកមង្គលបូរីថ្លែងថា: ក្រុមការងារបក្សស្រុក បានរៀបចំខ្នងផ្ទះ ក្រុមការងារយុវជនពីថ្នាក់ស្រុកដល់ភូមិ បំផុសចលនានិងគោលនយោបាយបក្ស ដើម្បីបង្កើនការជឿជាក់ រដ្ឋាភិបាលនិងគាំទ្រសម្ដេចតេជោ នាយករដ្ឋមន្ត្រី តែនៅមានសកម្មគណបក្សប្រឆាំង បំផុសចលនាបំប៉ោងសភាពការ ធ្វើអោយពលរដ្ឋ នៅមានមន្ទិលដែលត្រូវអោយក្រុមការងារបក្សស្រុក ឃុំ និងយុវជនពង្រឹងបន្ថែម។
ឯកឧត្ដម អ៊ុង អឿនប្រធានគណះបក្សប្រជាជនខេត្តបន្ទាយមានជ័យ បានលើឡើងពីសមិទ្ធផលជាច្រើននិងការអភិវឌ្ឍន៍សុទ្ធសឹងតែកើតឡើងពីស្នាដៃរដ្ឋាភិបាល និងគាំទ្រសម្ដេចតេជោ ហ៊ុន សែន នាយករដ្ឋមន្ត្រី
ឯកឧត្ដម អ៊ុង អឿនបន្តថា:ការពង្រឹងសាមគ្គីភាព ឯកភាពផ្ទៃក្នុងគ្រប់មូលដ្ឋានផ្សារភ្ជាប់ប្រជាពលរដ្ឋគ្រប់ស្រទាប់ បន្តអនុវត្តកម្មវិធីនយោបាយចតុកោណដំណាក់កាលទី៣ របស់រាជរដ្ឋាភិបាល និងការបោះឆ្នោតនៅអណត្តិក្រោយៗ ឱយសម្រេចបានជោគជ័យ៕
