ខេត្តព្រះសីហនុ លោកវរសេនីយទោ សៅ ស៊ាន នាយការិយាល័យនគរបាលស្ថិតិ និងអត្តសញ្ញាណបណ្ណ័ នៃស្នងការដ្ឋាននគរបាលខេត្តព្រះសីហនុបានឲ្យដឹងថា រាជរដ្ឋាភបាលកម្ពុជាបានចាប់ផ្តើម ធ្វើអត្តសញ្ញាណប័ណ្ណគំរូថ្មីចាប់ពី ខែមេសា ឆ្នាំ២០១២ ដែលរហូតមកដល់ ខែសីហា ឆ្នាំ២០១៥នេះ ការិយាល័យអត្តសញ្ញាណប័ណ្ណ បានបំពេញបែបបទធ្វើអត្តសញ្ញាណបណ័្ណសញ្ជាតិខ្មែរជូនប្រជាពលរដ្ឋក្នុងខេត្តព្រះសីហនុបានចំនួន ៨០.០២៨នាក់ ប្រុស ៣៩.៤៩៤នាក់ ស្មើនឹង ៦០% និងប្រជាពលរដ្ឋមិនទាន់បានផ្តល់អត្តសញ្ញាណប័ណ្ណគំរូថ្មីមានចំនួន ៧១.៧៥០នាក់ ប្រុស ៣៥.៥៩៥នាក់ ក្នុងចំណោមប្រជាពលរដ្ឋសរុបដែលមានអាយុចាប់ពី ១៥ឆ្នាំឡើង នៅទូទាំងខេត្តព្រះសីហនុចំនួន ១៥១.៧៧៨នាក់ ប្រុស ៧៥.០៨៩នាក់ ។
លោកវរសេនីយ៌ទោ សៅ ស៊ាន បានបន្តថា ក្នុងនោះក្រុងព្រះសីហនុមានប្រជាពលរដ្ឋមានគ្រប់អាយុ ១៥ឆ្នាំឡើង ត្រូវផ្តល់អត្តសញ្ញាណប័ណ្ណចំនួន ៥០.៩៥៩នាក់ ប្រុស ២៥.៤០៨នាក់ បានផ្តល់អត្តសញ្ញាណប័ណ្ណគំរូថ្មីរួច និងមកប្តូរអត្តសញ្ញាណប័ណ្ណគូរូថ្មីបានចំនួន២៦.០៦៩នាក់ ប្រុស ១២.៩៤៦នាក់ និងមិនទាន់ផ្តល់អត្តសញ្ញាណប័ណ្ណគំរូថ្មីចំនួន ២៤.៨៩០នាក់ ប្រុស ១២.៤៦២នាក់ ។ ស្រុកព្រៃនប់ប្រជាពលរដ្ឋមានអាយុ ១៥ឆ្នាំឡើងមានចំនួន ៧៧.៤៦២នាក់ ប្រុស ៣៧.៨៨៦នាក់ អ្នកបានផ្តល់អត្តសញ្ញាណប័ណ្ណគំរូថ្មីបានចំនួន ៣៧.៧១១នាក់ ប្រុស ១៨.២៩៥នាក់ និងមិនទាន់ផ្តល់អត្តសញ្ញាណបណ័្ណគំរូថ្មីចំនួន ៣៩.៧៥១នាក់ ប្រុស ១៩.៥៩១នាក់ ។ ស្រុកស្ទឹងហាវ ប្រជាពលរដ្ឋអាយុ ១៥ឆ្នាំឡើងមានចំនួន ១២.៩៤៤នាក់ ប្រុស ៦.៥០៦នាក់ បានផ្តល់អត្តសញ្ញាណបណ័្ណគំរូថ្មីចំនួន ៨.៨៧៧នាក់ ប្រុស ៤.៥១៨នាក់ អ្នកមិនទាន់បានផ្តល់អត្តសញ្ញាណប័ណ្ណគំរូថ្មីចំនួន ៤.០៦៧នាក់ ប្រុស ១.៦៨៨នាក់ ។ ស្រុកកំពង់សិលា ប្រជាពលរដ្ឋអាយុ១៥ឆ្នាំឡើង មានចំនួន ១០.៤១៣នាក់ ប្រុស ៥.២៨៩នាក់ អ្នកផ្តល់អត្តសញ្ញាណប័ណ្ណគំរូថ្មីមានចំនួន ៧.៣៧១នាក់ ប្រុស ៣.៧៣៥នាក់ និងអ្នកមិនទាន់បានផ្តល់អត្តសញ្ញាណប័ណ្ណគំរូថ្មីមានចំនួន ៣.០៤២នាក់ ប្រុស ១.៥៥៤នាក់ ។
លោកប្រធានការិយាល័យបានបន្តថា យើងបានរៀបចំគណះកម្មការសហការជាមួយឃុំ សង្កាត់ទាំង២៧ក្នុងខេត្តព្រះសីហនុ ចុះផ្សព្វផ្សាយស្រង់ស្ថិតិប្រជាពលរដ្ឋដែលមានអាយុចាប់ពី១៥ឆ្នាំឡើង និងប្រជាពលរដ្ឋមិនទាន់ធ្វើអត្តសញ្ញាណប័ណ្ណគំរូថ្មី និងអ្នកមានអត្តសញ្ញាណប័ណ្ណគំរូចាស់ មកផ្តូរយកអត្តសញ្ញាណបណ័្ណគំរូថ្មីនៅតាមឃុំ សង្កាត់ ដែលនៅជិតផ្ទះ ។ យើងបានបង្កើតក្រុមការងារ ០៦ក្រុម ដើម្បីចុះទៅធ្វើអត្តសញ្ញាណប័ណ្ណគំរូថ្មីជូនប្រជាពលរដ្ឋនៅតាមក្រុង ស្រុកនិមួយៗដោយក្នុងមួយក្រុង ឬមួយស្រុកមានពីរក្រុមចុះទៅធ្វើនៅតាមឃុំ សង្កាត់ ដើម្បីជួយសម្រួលការចំណាយពេលវេលាធ្វើដំណើរឆ្ងាយ ក៌ប៉ុន្តែសង្កាត់កោះរុងនៅឆ្ងាយពីទីប្រជុំជនក្រុងព្រះសីហនុប្រមាណជា ៤០គីឡូម៉ែត្រ គឺយើងសហការជាមួយអាជ្ញាធរសង្កាត់ និងប៉ូលីលប៉ុស្តិរដ្ឋបាល ដើម្បីចុះទៅធ្វើអត្តសញ្ញាណប័ណ្ណជូនពួកគាត់ដល់ទីកន្លែង ចៀសវាងចំណាយពេលជិះទូកមកកាន់ដីគោកធ្វើអត្តសញ្ញាណបណ័្ណ ឬប្តូរយកអត្តសញ្ញាណប័ណ្ណគំរូថ្មី ។
លោកបានបន្តថា មន្ត្រីជំនាញបាន និងកំពុងមមាញឹកក្នុងការបំពេញបែបបទផ្តល់អត្តសញ្ញាណប័ណ្ណគំរូថ្មី ដល់ប្រជាពលរដ្ឋដែលមានអាយុ១៥ឆ្នាំឡើង និងប្រជាពលរដ្ឋ ដែលមានអត្តសញ្ញាណប័ណ្ណចាស់ហួសសុពលភាពប្រើប្រាស់ និងប្រជាពលរដ្ឋដែលមិនទាន់មកធ្វើអត្តសញ្ញាណប័ណ្ណគំរូថ្មី អាចមកប្តូរធ្វើអត្តសញ្ញាណប័ណ្ណគំរូថ្មី ព្រោះអត្តសញ្ញាណប័ណ្ណគំរូថ្មី មានអត្ថប្រយោជន៍សំខាន់ណាស់ សម្រាប់ការប្រើប្រាស់តាមតម្រូវការរដ្ឋបាលផ្សេងៗ និងគ្រប់គ្រងទិន្នន័យប្រវត្តិរូបទីកន្លែងស្នាក់នៅ ក្រយៅដៃ អត្តសញ្ញាណ ស្ថានភាពផ្ទាល់ខ្លួនរបស់ មនុស្សម្នាក់ៗ ការធ្វើអត្តសញ្ញាណបណ្ណ័គំរូថ្មី តាមប្រព័ន្ឋបច្ចេកវិទ្យាទំនើបតាមស្តង់ដារអន្តរជាតិ ។ វាមានសភាពជាប់ស្វិត មិនបាក់ រហែក ឬឆេះភ្លើង និងមានសុពលភាពរហូត ១០ឆ្នាំ ។ ការធ្វើអត្តសញ្ញាណបណ័្ណគំរូថ្មី គឺត្រូវបញ្ចាប់នៅត្រឹមត្រីមាសទី១ ដើមឆ្នាំ២០១៦ខាងមុខនេះ ៕