ខេត្តបន្ទាយមានជ័យ បុគ្គលឹកអគ្គីសនីម្នាក់ត្រូវបានខ្សែភ្លើងឆក់ស្លាប់ដោយសារតែចុះទៅកត់កុងទ័រភ្លើងនៅក្នុងទឹក។ហេតុការណ៍បុគ្គលឹកត្រូវខ្សែភ្លើងឆក់ស្លាប់នេះកើតឡើងនៅវេលាម៉ោង២រសៀលថ្ងៃត្រង់នៅថ្ងៃទី១៣ខែសីហាឆ្នាំ២០១៥នៅចំណុចត្រង់បង្គោលភ្លើងលេខpo១៩នៅក្នុងភូមិកំពង់ស្វាយ សង្កាត់កំពង់ស្វាយ ក្រុងសិរីសោភ័ណ ខេត្តបន្ទាយមានជ័យ។បើតាមលោកចិនតារ៉ា ប្រធានអគ្គីសនីខេត្តបន្ទាយមានជ័យបានប្រាប់ឲ្យដឹងថាជនរងគ្រោះមានឈ្មោះ ផានម៉ារ៉ាឌីប្រុសអាយុ២២ឆ្នាំរស់នៅជួលផ្ទះសំណាក់ផ្លូវលេខ៤នៅក្នុងភូមិកំពង់ស្វាយ សង្កាត់កំពង់ស្វាយ ក្រុងសិរីសោភ័ណ ខេត្តបន្ទាយមានជ័យ ស្រុកកំណើតនៅស្រុក
គិរីវង់ ខេត្តតាកែវឯណោះ ។លោកប្រធានអគ្គីសនីបានបន្តទៀតថាបុគ្គលឹកឈ្មោះផានម៉ារ៉ាឌីនេះទើបតែប្រឡងជាប់ចូលបំរើការងារជាបុគ្គលឹកអគ្គីសនីនេះបានកន្លះឆ្នាំតែប៉ុណ្ណោះ។លោកបានបញ្ជាក់ទៀតថាមុនពេលកើតហេតុឈ្មោះផានម៉ារ៉ាឌីនេះនិងបុគ្គលឹកអគ្គីសនីមួយក្រុមបាននាំគ្នាទៅកត់កុងទ័រនៅចំណុចភូមិកំពង់ស្វាយលុះទៅដល់បង្គោលភ្លើងលេខpo១៩ក៏ឃើញមានទឹក
លិចបង្គោលប្រហែលកន្លះម៉ែត្រពេលនោះឈ្មោះផានម៉ារ៉ាឌីបានចុះទៅកត់កុងទ័រទឹកលិចត្រឹមចង្កេះពេលនោះក៏ឡើងតាមកាំបង្គោលភ្លើងទៅកត់កុងទ័រនៅគុបភ្លើងពេលនោះក៏បានលូកដៃទៅប៉ះចំខ្សែភ្លើងស្រាតក៏ឆក់ធ្លាក់មកក្នុងទឹកដោយសារអំណាចទឹកនិងភ្លើងវាឡើងវ៉ុលខ្លាំងបណ្តាលឲ្យជនរងគ្រោះដាច់ខ្យល់ស្លាប់តែក្រុមការក៏បានជួយដឹកជនរងគ្រោះទៅកាន់មន្ទីរពេទ្យដើម្បីសង្គ្រោះជីវិតដែរតែជនរងគ្រោះបានស្លាប់តាំងពីនៅកន្លែងកើតហេតុ មកម្លេះ។សពជនរងគ្រោះត្រូវដឹកមកតម្កល់ទុកនៅការិយាល័លអគ្គីសនីខេត្ត។ក្រោយពីកើតហេតុរួចមន្ត្រីនគបាលបានចុះមកពិនិត្យសពរួចធ្វើការសន្និដ្ឋានថាសពនោះពិតជាស្លាប់ដោយសារឆក់ខ្សែភ្លើងពិតប្រាកដពំុ មានករណីឃាតកម្មនោះឡើយ។សពត្រូវបានដឹកយកទៅបូជានៅឯស្រុកជនរង
គ្រោះនៅស្រុគិរីវង់ ខេត្តតាកែវឯណោះ។បញ្ជាក់ក្នុងខេត្តបន្ទាយមានជ័យនេះបើនិយាយអំពីរឿងខ្សែភ្លើងវិញរាយប៉ាយពេញតែភូមិ ឃុំ ស្រុក យ៉ាងអាណាធិបតេយ្យខ្សែភ្លើងខ្លះធ្លាក់ដល់ដីមានទាំងខ្សែស្រាតទៀតផង ពិសេសនៅតាមដងស្ទឹងលិចផ្លឹបតែម្តង។ខ្សែភ្លើងទាំងអស់នេះមិនដែលឃើញមានបុគ្គលឹកអគ្គីសនីណាចុះធ្វើការត្រួតពិនិត្យឡើងឆក់អ្នកណាស្លាប់ក៏ស្លាប់ទៅប្រធានអគ្គីសនីមិនរវាល់ទេទើបបណ្តាលឲ្យឆក់ស្លាប់បុគ្គលឹកខ្លួនឯងយ៉ាងដូច្នេះ៕
