.ឧត្តរមានជ័យ.កាលពីវេលាម៉ោង១១និង៣០នាទីថ្ងៃទី១៣ ខែសុីហា ឆ្នាំ២០១៥ រថយន្តក្រុង៣៥កៅអី មួយគ្រឿង បានចុះពីភ្នំដងរែកច្រកអន្តរជាតិជាំ សាងុាំ.មកដល់ផ្លូវកោងខ្លាំង ជាន់ប្រាំងមិនសុីធ្លាក់ជ្រុះក្រឡាប់ជាច្រើនត្រឡប បណ្តាលអោយមនុស្សចំនួន១៦នាក់បានស្លាប់បាត់បង់ជីវិត្តនឹង២៣នាក់ទៀតរងរបួសយ៉ាងធ្ងន់ធ្ង នៅចំណុចចង្កេះភ្នំដងរែក ផ្លូវជាតិលេខ៦៧B ស្ថិតនៅក្នុងភូមិជើងភ្នំ ឃុំត្រពាំងប្រិយ៍ ស្រុកអន្លង់វែង ខេត្តឧត្តរមានជ័យ។លោកវរសេនីយ៍ត្រីងួន ទ្ធីរិទ្ធ មេបញ្ជាការកងរាជអាវុធហត្ថស្រុកបានឲ្យដឹងថា គ្រាន់តែមានករណីគ្រោះថ្នាក់ចរាចរណ៍ ដ៏រន្ធត់កើតឡើងភ្លាមៗនោះ លោកបានបញ្ជាកម្លាំងរបស់រួមជាមួយរថយន្តចេញទៅកន្លែងកើតេហតុដើម្បីជួយសង្គ្រោះដឹកបញ្ជូនមកកាន់មន្ទីរពេទ្យបង្អែកស្រុកអន្លង់វែង ក្នុងនោះក៏មានអាវុធហត្ថស្នាក់ការ២០២ ប៉ូលិសការពារព្រំដែនលេខ៩០៥និងប៉ូលិសស្រុកចុះទៅជួយផងដែរ។លោកវរសេនីយ៍ត្រីងួន ទ្ធីរិទ្ធ មេបញ្ជាការអាវុធហត្ថស្រុកបានឲ្យដឹងទៀតថា ប្រជាពលរដ្ឋទាំងនោះ មកពីទីក្រុងភ្នំពេញហែលទានវស្សាចូលទៅប្រាសាទតាមាន់ ក្នុងស្រុកបន្ទាយអំពិល ខេត្តឧត្តរមានជ័យ លុះព្រឹកឡើងប្រជាពលរដ្ឋទាំងអស់នោះ បានមកដល់ស្រុកអន្លង់វែង ក៏នាំគ្នាឡើងទៅច្រកអន្តរជាតិជាំ សាងុាំ ទៅក្នុងផ្សារថៃ ដើម្បីរបស់របរនៅក្នុងផ្សារថៃនោះ យកមកប្រើប្រាស់ ហើយក៏បានចុះមកវិញក៏ជួបនិងហេតុការដ៏រន្ធត់ រថយន្តរបស់ពួកគាត់បានធ្លាក់ជ្រុះបណ្តាលឲ្យស្លាប់នឹងរបួសជាច្រើននាក់តែម្តងទៅ បច្ចុប្បន្នជនរងគ្រោះបានបញ្ជូនទៅមន្ទីរពេទ្យបង្អែកស្រុកអន្លង់វែង ចំណែកសាកសពបានដឹកយកទៅដំកល់ទុក នៅវត្តអន្លង់វែង ហៅវត្តជ័យទឹកជុំ ឃុំ ស្រុកអន្លង់វែង ខេត្តឧត្តរមានជ័យ៕