កំពង់ធំ. ក្រោយពីក្រុមការងារថា្នក់ក្រសួង និងថ្នាក់ខេត្តកំពង់ធំ បានបំពេញប៉េសកម្មចុះត្រួត ពិនិត្យការងារជនអន្តោប្រវេសន្ត ដែលកំពុងតែស្នាក់នៅទាំងស្រប និងខុសច្បាប់នៅក្នុងភូមិសាស្ត្រទឹកដីឃុំផាត់សណ្តាយ ស្រុកកំពង់ស្វាយ ខេត្តកំពង់ធំ ដោយមានការចូលរួម ឯកឧត្តម គង់វិមាន អភិបាលរងខេត្តកំពង់ធំ ឯកឧត្តម ឧត្តមសេនីយ៍ឯក ម៉េង គឹមឈឿន និតិកម្មក្រសួងមហាផ្ទៃ និងលោក ឧត្តមសេនីយ៍ត្រី ផន ផល្លី អនុប្រធាននាយកដ្ឋានជនបរទេសអន្តោប្រវេសន្ត ព្រមទាំងក្រុមការងារ នៅរសៀលថ្ងៃទី ១៣ ខែសីហា ឆ្នាំ ២០១៥។លោក. លោក វរះ:សេនីយ៍ត្រី ទូច សុខុម. ស្នងការង ទទួលការងារអន្តោប្រវេសន្ត បានឲ្យដឹងថាក្នុងរយះពេល១អាទិត្យនេះ ក្រុមការងារបានសហការ ជាមួយអាជ្ញាធរមូលដ្ឋាន និងកងកម្លាំង ក្នុងឃុំពាមបាង បានត្រួតពិនិត្យជនអន្តោប្រវេសន្ត ជនជាតិវៀតណាម ដែល កំពុងតែប្រកបមុខ នេសាទ និងធ្វើងជីវកម្ម ទទួលលទ្ធផលការងារគឺ ចាប់ពីថ្ងៃទី០៩ដល់ថ្ងៃទី១២ខេសីហាឆ្នាំំ២០១៥ បាន៧៨គ្រួសារ ប្រុស ៥៦៣ ស្រី ២៦៥ នាក់ ក្នុងនោះរកឃើញស្រីម្នាក់ដែល រស់នៅដោយខុសច្បាប់ និងពុំមានឯកសារទាំងអស់ ចំនួនម្នាក់ និងត្រូវបានចាត់បញ្ជូនទៅក្រសួងមហាផ្ទៃដើម្បីបញ្ចូនទៅប្រទេសកំណើតវិញ។
ឯកឧត្តម ឧត្តមសេនីយ៍ឯក ម៉េង គឹមឈឿន និតិកម្មក្រសួងមហាផ្ទៃ បានថ្លែងអំណរគុណ ចំពោះអាជ្ញាធរ និងកងកម្លាំងទាំងអស់ដែលបានសហការបានល្អ ក្នុងកិច្ចការត្រួតពិនិត្យ និងសូមផ្តាំ ផ្ញើរឲ្យប៉ុស្តិ៍រដ្ឋបាលយកចិត្តទុកដាក់ ក្នុងកិច្ចការត្រួតពិនិត្យជនអន្តោប្រវេសន្ត ដោយមានការសាមគ្គីគ្នាបន្តធ្វើការឲ្យមានតម្លាភាព មិនត្រូវឃុបឃិតគ្នា ឬចេញលិខិតច្បាប់ផ្សេងៗឲ្យជនបរទេស ដែលចូលមកស្នាក់នៅដោយខុសច្បាប់នោះទេ. ចាប់ពីថ្ងៃនេះតទៅការងារចុះបញ្ជីរសៀវភៅគ្រួសារក្តី ត្រូវមានគល់បញ្ជីត្រឹមត្រូវ មិនត្រូវចេះតែសរសេរចូលទៅវាបង្ករផលពិបាកដល់ក្រុមការងារ តែបើយើងវាយតំលៃត្រូវវាជាការងាររីកចម្រើនសម្រាប់ជាតិយើង តែបើវាយតំលៃខុសវាធ្វើឲ្យមានការបាត់បង់ផល្របយោជន៍ជាតិយើង សូមឲ្យប្រតិបត្តិនេះជាការងារស្នូល ការងារជាតិរបស់យើង។
ឯកឧត្តម គង់វិមាន អភិបាលរងខេត្តកំពង់ធំ. បានណែនាំឲ្យកងកម្លាំងសមត្ថកិច្ចពាក់ព័ន្ឋទាំងអស់ បន្តការត្រួតពិនិត្យឲ្យបានច្បាស់លាស់ ធ្វើការឲ្យបានម៉ត់ចត់ នូវអត្តសញ្ញាណប័ណ្ណសញ្ញាតិខ្មែរ និងស្រាវជ្រាវពិដើមកំណើតដែលបង្ករឲ្យជនអន្តោប្រវេសន្តទទួលបានអត្តសញ្ញាណ ប័ណ្ណខ្មែរ ថាអ្នកណាជាអ្នកចេញអោយ ហើយមិនមែនគ្រាន់តែអត្តសញ្ញាណប័ណ្ណតែមួយសន្លឹក បានន័យថាអ្នកនោះជាសញ្ញាតិខ្មែរនោះទេ ព្រោះអ្នកដែលអាចទទួលសិទ្ធិស្របច្បាប់លុះត្រាតែ ទទួលបានព្រះរាជក្រិត្យតាមរយះនាយករដ្ឋមន្ត្រី ស្នើរឲ្យព្រះមហាក្សត្រចេញឲ្យតែប៉ុណ្ណោះ សមត្ថកិច្ចទាំងអស់ត្រូវ ដាក់កម្លាំងស្រាវជ្រាវមុខសញ្ញាដែលចេញចូល មកស្នាក់នៅក្នុងភូមិឃុំ ត្រួតពិនិត្យឯកសារផ្សេងៗដែលមកស្នាក់នៅក្នុងភូមិសាស្ត្រ ហើយប៉ុស្តិ៍រដ្ឋបាល មេភូមិ មេឃុំមិនត្រូវចេញលិខិតស្នាម អះអាងឲ្យជនអន្តោប្រវេសន្ត ដែលមកស្នាក់នៅដោយខុសច្បាប់ជាដាច់ខាត ហើយត្រូវបន្តស្រាវជ្រាវបន្តនូវជនអន្តោប្រវេសន្ត ដែលកំពុងតែគេចខ្លួនដើម្បីធ្វើការងារឲ្យបានចប់ចុងចប់ដើម។
ដោយ ប៊ុន រដ្ឋា.