ខេត្តព្រះសីហនុ=រថយន្តដឹកត្រីជីមួយគ្រឿងដោយសារតៃកុងបើកលឿនហើយគេចជាមួយម៉ូតូបណ្តាលឲ្យរថយន្តរ៉េចង្កូតហើយក្រឡាប់ចាក់ត្រីចោលពាសពេញផ្លូវ។ករណីគ្រោះថ្នាក់ចរាចរណ៌នេះបានកើតមានឡើងនៅព្រឹកថ្ងៃទី១៩សីហាលើផ្លូវជាតិលេខ៤ត្រង់បង្គោលគីឡូម៉ែត្រលេខ១៦៩ស្ថិតនៅចំណុចភូមិក្មេងវត្កឃំុជើងគោស្រុកព្រៃនប់ខេត្តព្រះសីហនុ។ករណីនេះមិនមានមនុស្សរងគ្រេាះថ្នាក់ទេ។ដោយឡែកបុរសអ្នកបើកម៉ូតូបន្ទាប់ពីឃើញរថយន្តក្រឡាប់ដោយសារមូលហេតុបើកគេចខ្លួននោះក៌បានបើករត់គេចបាត់ស្រមោលភ្លាមៗដែរ។សមត្ថកិច្ចប៉ូលិសបាននិយាយថារថយន្តចំណុះ២តោនកន្លះនេះពាក់ស្លាកលេខព្រះសីហនុ៣អេ-២៤៥០ រថយន្តនេះមើលទៅមិនដឹងជាម៉ាកស្អីនោះទេព្រោះថានៅក្បាលរថយន្តនេះបានបិទតែមស្តិកគ័រជារូបភាពរាហូរចាប់ច័ន្ទពីលើម៉ាករថយន្តនិងបាញ់ថ្នាញ់ពណ៌ពីលើទៀត។សមត្ថកិច្ចបានឲ្យដឹងទៀតថាអ្នកបើករថយន្តដឹកត្រីជីមានឈ្មោះថា ផារិនភេទប្រុសអាយុ២២ឆ្នាំមានរង្វាស់កំពស់១ម៉ែត្រ៧០ស្នាក់នៅផ្ទះលេខ១៩សេអឺ១ផ្លូវលេខ២០៦ភូមិ១៤សង្កាត់ផ្សារដើមគរខណ្ឌទូលគោករាជធានីភ្នំពេញ។សមត្ថកិច្ចបានឲ្យដឹងទៀតថាអ្នកបើកបរក្រោយពេលរថយន្តក្រឡាប់ក៌បានរត់គេចខ្លួនបាត់ដែរ។យោងតាមប្រភពព័ត៌មានពីសាក្សីបាននិយាយថាមុនពេលកើតហេតុគេបានឃើញរថយន្តនេះធ្វើដំណើក្នុងល្បឿនលឿនទឹសដៅចេញពីក្រុងព្រះសីហនុទៅភ្នំពេញស្រាប់តែមកដល់ចំណុចកើតហេតុរថយន្តនោះទំនងជាចង់វ៉ារថយន្តផ្សេងទៀតហើយវ៉ាក់អើជាមួយម៉ូតូអ្នកបើកបរភ័យគេចហើយយកចង្កូតមិនទាន់បណ្តាលឲ្យរថយន្តក្រឡាប់ជះត្រីជីចោលពេញផ្លូវ៕