. ឧត្តរមានជ័យ. កាលពីវេលាម៉ោង៣រសៀលថ្ងៃទី១៨ ខែសីុហាឆ្នាំ២០១៥ លោកប្រធានក្រុមហ៊នសាមនខេមរះអភិវឌ្ឍន៍ បានឲ្យដឹងថា ល្បែងកាំជ្រួចបាញ់ភ្នាល់ដាក់លុយ ជាមុខរបរថ្មីសំរាប់កម្ពុជា របរនេះ ជាលើកទី១ ទើបរដ្ឋាភិបាលអនុញ្ញាតិអោយមានការសាកល្បងពី៣ខែទៅ៦ខែសិន មូលហេតុអ្វីបាន ជាយើងបង្កើតរបរនេះ ហើយមានការគ្រប់គ្រងហ្មត់ចត់ទាំងក្រុមហ៊ុនទាំងអាជ្ញាធរនិងសមត្ថកិច្ច លោកប្រធានក្រុមហ៊ុនសាមនខេមរះអភិវឌ្ឍន៍បានបន្តទៀតថាល្បែងនេះគេលេងរាល់ថ្ងៃរាល់ឆ្នាំនៅស្រុកថៃ ដែលប្រជាពលរដ្ឋថៃគេនិយមលេងរហូតដាក់ជាល្បែងភ្នាល់សុីសង ដោយមានអ្នកឈ្នះនិងអ្នកចាញ់ ប៉ុន្តែគេលេងក្នុងខែ៥និងខែ៦ជារៀងរាល់ឆ្នាំ។កាំជ្រួចនៅស្រុកខ្មែរគេអុជក្នុងពិធីបុណ្យទានផ្សេងៗ នៃប្រពៃណីរនៅក្នុងប្រទេសកម្ពុជាយើង។ដោយឡែកកាំជ្រួចសំរាប់អុជភ្នាល់ដែលក្រុមហ៊ុនរៀបចំឡើងនេះ គេលេងនៅប្រទេសថៃគេអុជជាប្រពៃណីសុំទឹកភ្លៀងផង និងលេងជាល្បែងភ្នាល់សុីសងផង ហើយវាខុសគ្នានឹងកាំជ្រួចរបស់ប្រទេសកម្ពុជានៅត្រង់ណា?ឆ្លងតាមការត្រួតពិនិត្យរបស់សមត្ថកិច្ច ឃើញថាកាំជ្រួចដែលយកអុជដើម្បីជាល្បែងភ្នាល់សុីសងនោះ ជាប្រភេទកាំជ្រួចធម្មតា គ្មានបង្កសំលេងផ្ទុះ មានតែ សម្លេងខ្យល់បែកចេញជាផ្សែង អ្នកលេងគេបានកំណត់យកផ្សែងកាំជ្រួចជាល្បែងភ្នាល់។តាមន័យនេះអគ្គស្នងការនគរបាលជាតិយល់ឃើញថា គួអនុញ្ញាតអោយក្រុមហ៊ុនសាមនខេមរះអភិវឌ្ឍន៍ ដំណើរការរបស់ខ្លួនតាមសំណើ ក្រោមការគ្រប់គ្រងរបស់ឯកឧត្តមអភិបាលនៃគណះអភិបាលខេត្ត នគរបាលខេត្តធ្វើជាសេនាធិការ។លោកបន្តទៀតថាផលិតផលនេះពេលលេងវាមានបញ្ហាប្រឈមឫទេ?ហើយវាបង្កផលប៉ះពាល់យ៉ាងណា?វាប៉ះពាល់តិចតួចណាស់នៅពេលដែលអុជបង្ហោះឡើងនិងពេលធ្លាក់ចុះមកក្រោមរហូតដល់អស់ផ្សែង ព្រោះរូបមន្តនៃការធ្វើកាំជ្រួចមាន ក្រាម ធ្យូងនិងស្រាសំរាប់លាយបញ្ចូលគ្នាកែច្នៃជាតួកាំជ្រួច ដូច្នេះវត្ថុធាតុដើមនេះវាមិនមែនជាធាតុគីមី ហើយទីតាំងក្រុមហ៊ុនបង្កើតអោយមានល្បែងលេងនេះ ជាកន្លែងទូលាយ ស្រឡះល្អ នៅឆ្ងាយពីទីតាំងរបស់ប្រជាជន ហើយកម្មវិធីលេងគឺក្នុងមួយសប្តាហ៍លេងបានតែពីថ្ងៃ ព្រោះជនជាតិថៃគេសំរាកចុងសប្តាហ៍ ចាប់ពីម៉ោង២រសៀលដល់ម៉ោង៥ល្ងាច។ក្នុងនោះវិធីគ្រប់គ្រងលេងល្បែងកាំជ្រួចហ្មត់ចត់ដោយមានសេចក្តីសម្រេចបង្កើតគណះកម្មការគ្រប់គ្រងល្បែងបាញ់កាំជ្រួចភ្នាល់សុីសងស្របច្បាប់ អភិបាលខេត្ត ស្នងការខេត្ត អភិបាលស្រុក ប្រធានស្នាក់ការច្រកទ្វារអន្តរជាតិជាំ នាយការិយាល័យគ្រប់គ្រងអាវុធជាតិផ្ទុះនិងមេឃុំត្រពាំងប្រិយ៍ ធ្វើរបាយការណ៍បូកសរុបប្រចាំសប្តាហ៍ រាល់សភាពការណ៍កើតឡើងដែលពាក់ពន្ធ័លើការលេងបាញ់កាំជ្រួចជាល្បែងសុីសង ជូនក្រសួងមហាផ្ទៃ និងទីស្តីការគណះរដ្ឋមន្ត្រី។លោកប្រធានក្រុមហ៊ុនសាមនខេមរះអភិវឌ្ឍន៍ បានបន្តថា តើវាមានផលប្រយោជន៍យ៉ាងណាដល់សង្គម?អ្នកដែលមកលេងល្បែងកាំជ្រួចគឺជាជនជាតិថៃ បង្កអោយមានភាពអ៊ូអរ អាចរកផលប្រយោជន៍ដល់អាជីវករ តាមរយះការទិញ ការស្នាក់នៅ ការហូបចុកនិងអាចរកចំណូលដល់ប្រព័ន្ធច្រកអន្តរជាតិជាំ សាងុាំតាមរយះពន្ធអាករនិងពីការចូលមកលេងរបស់ជនជាតិថៃ ចំពោះប្រាក់ចំណូលដែលទទួលបានពីការលក់សំបុត្រ ក្រុមហ៊ុនឧបត្តម្ភ១០%គឺត្រូវបានជួយដល់កុមារកំព្រា ជនក្រីក្រនិងស្ត្រីឆ្លងទន្លេ ដល់គីលានដ្ឋានទាំង៥នៅក្នុងស្រុកអន្លង់វែង ធ្វើអោយអតិថិជនក្នុងប្រទេសកម្ពុជាមានចំណាប់អារម្មណ៍ ហើយតំបន់ច្រកអន្តរជាតិជាំនឹងក្លាយជាការធ្វើចរាចរពង្រឹងទំហំអភិវឌ្ឍន៍ ជាកត្តាមួយដែលមានឥទ្ធិពលលើតម្រូវការទីផ្សារ ពេលនោះក៏មានការងារធ្វើ។យល់ឃើញទៅតាមផលប្រយោជន៍ដូចចំណុចខាងលើ ទើបប្រជាជននៅតំបន់នោះក៏មានការគាំទ្រហើយផ្តល់ភាពកក់ក្តៅដល់ក្រុមហ៊ុនអោយបន្តដំណើរការលេង ទៅតាមច្បាប់របស់រាជរដ្ឋាភិបាលដែលបានកំណត់ ហើយផ្តិតមេដៃនិងធ្វើញ្ញត្តិគាំទ្រដែលមានប្រជាពលរដ្ឋចំនួន១៥៣គ្រួសារ៕