.ឧត្តរមានជ័យ. កាលពីវេលាម៉ោង១២និង៣០នាទីថ្ងៃទី១៩ ខែសីហា ឆ្នាំ២០១៥ មានករណីជនសង្ស័យម្នាក់លួចកាច់សោករម៉ូតូ១គ្រឿងនៅចំណុចភូមិអូរជញ្ចៀន ឃុំអន្លង់វែង ស្រុកអន្លង់វែង ខេត្តឧត្តរមានជ័យ។លោកអនុសេនីយ៍ឯកយ៉ាង វាង ទីស្នាក់ការ២០២បានឲ្យដឹងថា ករណីខាងលើបង្កឡើងដោយជនសង្ស័យឈ្មោះប្រាជ សុីថុល ភេទប្រុសអាយុ៥១ឆ្នាំ មុខរបរធ្វើចំការរស់នៅភូមិពពេលសែនជ័យ ឃុំថ្លាត ស្រុកត្រពាំងប្រាសាទ ខេត្តឧត្តរមានជ័យ ជនរងគ្រោះឈ្មោះប្រាជ សុគុន ភេទប្រុសអាយុ៦០ឆ្នាំរស់នៅភូមិ ឃុំកើតហរតុខាងលើ ម៉ូតូម៉ាកហុង ដាឌ្រីមពណ៍ខ្មៅ សេរីឆ្នាំ២០០៦ ពាក់ស្លាកលេខ ភ្នំពេញ២H២៧៨៩ ត្រូវបានកម្លាំងស្នាក់ការសន្តិសុខ២០២ប្រចាំអូរកូនតឹង សហការជាមួយកងរាជអាវុធហត្ថស្រុកអន្លង់វែង ចាប់ឃាត់ខ្លួន នៅចំណុចអូរកូនតឹង នៅពេលជនសង្ស័យកំពុងជិះរត់គេចខ្លួននោះ ហើយនៅពេលបច្ចុប្បន្ន កម្លាំងកងរាជអាវុធហត្ថស្នាក់ការសន្តិសុខ២០២បញ្ជូនជនសង្ស័យ រួមទាំងវត្ថុតាងទៅកាន់សាលាដំបូងខេត្ត ដើម្បីចាត់ការទៅតាមនិតិវិធីច្បាប់៕
