ខេត្តបន្ទាយមានជ័យ នៅព្រឹកថ្ងៃទី២៥ខែសីហាឆ្នាំ២០១៥លោកឧត្ដមសេនីយ៍ ត្រីអាត់ខែមស្នងការនគបាលខេត្តបន្ទាយមានជ័យនិងលោកសានស៊ានហូអភិបាលស្រុកអូរជ្រៅ ស្នងការង អធិការ នគបាល និងប្រជាពលរដ្ឋបានចូលរួមកាត់ខ្សែបូសម្ពោធដាក់ឲ្យប្រើប្រាស់ជាផ្លូវការនូវអធិការដ្ឋាននគរបាលថ្មីមួយខ្នងរបស់ស្រុកអូរជ្រៅ ដែលបានសាងសង់ឡើងក្រោមគំនិតផ្ដួចផ្ដើមរបស់លោកអធិការដោយមានការចូលរួមបរិច្ចាគថវិការពីសប្បុរសជននានា អាជីវករ និងប្រជាពលរដ្ឋចំណាយការកសាងអស់ជាទឹកប្រាក់ប្រមាណ៣,៧០០០ដុល្លារ សម្រាប់ផ្ដល់
ភាពកក់ក្ដៅ និងផាសុខភាពជូនដល់កងកម្លាំងនគរបាលស្រុកអូរជ្រៅដើម្បីបម្រើប្រជាពលរដ្ឋ។លោកអាត់ខែមបានមានប្រសាសន៍ថាកន្លងមកក្នុងស្រុកអូរជ្រៅនេះពុំមានប៉ុស្តិ៍រដ្ឋបាលនគបាលបំរាប់បំរើតាមសេចក្តីត្រូវការរបស់ប្រជាពលរដ្ឋបានឡើយទើបលោកអធិការ និងសប្បុរសជនបានផ្តួចផ្តើមសាសង់អគាររដ្ឋបាលនេះឡើងដើម្បីងាយស្រួលបំរើតាមសេចក្តីត្រូវការរបស់ប្រជា
ពលរដ្ឋ។លោកអាត់ខែមបាននិយាយបន្តទៀតថាថ្ងៃនេះលោកក៏បានចូលរួមកាត់ខ្សែបូដាក់សម្ពោធប៉ុស្ដិ៍រដ្ឋបាលស្រុកអូរជ្រៅនេះផងដែរដែលត្រូវបានសាងសង់ឡើងក្រោមគំនិតផ្ដួចផ្ដើម របស់អធិការ ក្រុងប៉ោយប៉ែត និងនាយ នគរបាលប៉ុស្ដិ៍ក្រោមការចូលរួមឧបត្ថម្ភពីសប្បុរសជននិងអាជីវករជាច្រើននាក់ផងដែរ។នៅទីបញ្ចប់កម្មវិធីប្រជាពលរដ្ឋចំនួន២២០នាក់នេះបានទទួល
បានថវិកា ១ម៉ឺនរៀលនិងត្រីងៀតមួយកញ្ចប់សារុងមួយ និងថវិការ១ម៉ឺនរៀលព្រមទាំងហូបបាយសាមគ្គីជាមួយគ្នាបង្ហាញពីភាពស្និទ្ធស្នាលទៀតផង។ជាមួយគ្នានេះលោកឧត្តមសេនីយ៍ អាត់ ខែម ក៏បានបំពាក់សម្លៀកបំពាក់ជូនក្រុមប្រជាការពារ នៅសង្កាត់និម្មិត្តផងដែរ។ 
លោកឧត្ដមសេនីយ៍ស្នងការ បានជំរុញ ឱ្យកងកម្លាំង នគរបាលទាំងអស់ ត្រូវបានបង្កើនសកម្មភាព ចុះល្បាតតាមមូលដ្ឋាន ទាំងយប់ទាំងថ្ងៃ ដើម្បីបង្ក្រាបបទល្មើស និងទប់ស្កាត់បទល្មើស រក្សាសន្ដិសុខឱ្យ បានជូនប្រជាពលរដ្ឋ មានភាពកក់ក្ដៅ និងមានជំនឿមកលើកងកម្លាំងនគបាលទាំងអស់ផងដែរ៕
