ខេត្តកំពង់ឆ្នាំង៖ ប្រជាពលរដ្ឋក្រីក្រមួយគ្រួសារដែលមានកូនច្រើនដល់ទៅ៩នាក់ និងកូន
ប្រុសម្នាក់មានជម្ងឺរាំរ៉ៃជាង៦ឆ្នាំព្យាលបាលមិនជា រស់នៅភូមិសេរីឆោម ឃុំច្រេស ស្រុកកំពង់ត្រឡាច នៅព្រឹកថ្ងៃទី២៦ ខែសីហា ឆ្នាំ២០១៥ បានទទួលអំណោយមនុស្សធម៌ ពីលោកជំទាវកែ ច័ន្ទមុនី អ្នកតំណាងរាស្ត្រមណ្ឌលកំពង់ឆ្នាំង និងលោកជំទាវ តុង ណារី សមាជិកក្រុមប្រឹក្សាខេត្តកំពង់ឆ្នាំង។ លោក ប៉ែន ប៊ន សមាជិកក្រុមប្រឹក្សាឃុំច្រេស ស្រុកកំពង់ត្រឡាច បានអោយដឹងថា៖ដោយពិនិត្យឃើញការលំបាកខ្វះខាត របស់ក្រុមគ្រួសារប្រជាពលរដ្ឋ១គ្រួសារ ប្តីមាន
ឈ្មោះ គឹម រ៉ន អាយុ៦៦ឆ្នាំ ប្រពន្ធឈ្មោះ អ៊ុំ ណេន មានកូន៩នាក់ក្នុងបន្ទុក និងកូនប្រុ
សម្នាក់ ឈ្មោះ អំ ហៃ អាយុ៣៦ឆ្នាំ មានជម្ងឺញ័រដៃជើង ព្យាលបាលជាង៦ឆ្នាំ លក់គោលក់ដីស្រែអស់នៅតែមិនជា លោកក៏បានរាយការណ៍ទៅថ្នាក់ខេត្តសុំណោយសង្គ្រោះ។
ដោយក្តីមេត្តានិងទឹកចិត្តមនុស្សធម៌ នៅព្រឹកថ្ងៃទី២៦ ខែសីហា ឆ្នាំ២០១៥ លោកជំ
ទាវ កែ ច័ន្ទមុនី អ្នកតំណាងរាស្ត្រគណៈប្រជាជនកម្ពុជា មណ្ឌលកំពង់ឆ្នាំង និងលោកជំ
ទាវ តុង ណារី សមាជិកក្រុមប្រឹក្សាខេត្តកំពង់ឆ្នាំង បានចុះមកសួរសុខទុក្ខ ដល់ផ្ទះក្រុមគ្រួសារខាងលើនេះដោយផ្ទាល់ និងបានយកអំណោយរួមមានអង្គរ៥០គីឡូ ទឹកត្រីមួយយួរ ស្ករស២គីឡូ ខ្ទឹមស២គីឡូ ត្រីខ១យួរ និងថវិកា១៩ម៉ឺនរៀល ( ក្នុងនោះ៥ម៉ឺនរៀលជាថវិការបស់លោកចន្ធី អភិបាលរងស្រុកកំពង់ត្រឡាច ) ទៅចែកជូនផ្ទាល់ដៃផងដែរ។
លោកជំទាវទាំង២ ក៏បានពាំនាំនូវការសួរសុខទុក្ខពីសំណាក់ប្រមុខរាជរដ្ឋាភិបាល
ថ្នាំដឹកនាំសភាជាតិ និងសម្តេចគតិព្រឹទ្ធបណ្ឌិតប្រធានកាកបាទក្រហមកម្ពុជាផងដែរ ដែ
លជានិច្ចជាកាល សម្តេចតែងតែជួយដោះស្រាយរាល់ក្តីលំបាករបស់ប្រជាពលរដ្ឋក្រីក្រ និងរងគ្រោះដោយគ្រោះថ្នាក់ផ្សេងគ្រប់ៗរូប ដោយមិនប្រកាន់និន្នាការនយោបាយឬរើសអើងវណ្ណៈអ្វីនោះឡើយ។
លោកជំទាវ ក៏បានផ្តាំផ្ញើផងដែរដល់អាជ្ញាធរឃុំស្រុក សូមជួយពិនិត្យមើលការលំ
បាករបស់ប្រជាពលរដ្ឋក្រីក្រក្នុងមូលដ្ឋាន និងរាយការណ៍អោយបានទាន់ពេលវេលាដល់
ថ្នាក់ខេត្ត ដើម្បីរួមគ្នាជួយដោះស្រាយនិងសង្គ្រោះពួកគាត់អោយបានទាន់ពេលវេលា សម
ស្របនិងអនុសាសន៍របស់សម្តេចនាយយករដ្ឋមន្ត្រី បានលើកឡើងថា មិនត្រូវទុកអោយ
ប្រជាពលរដ្ឋណាម្នាក់អត់បាយស្លាប់នោះឡើយ៕
