ខេត្តកំពង់ឆ្នាំង៖ប្រជាពលរដ្ឋមានការលំបាកនិងជនចាស់ជរាគ្មានទីពឹងចំនួន៦គ្រួសារនៅក្នុងសង្កាត់ផ្សារឆ្នាំងក្រុងកំពង់ឆ្នាំង នៅព្រឹកថ្ងៃទី០១ ខែកញ្ញា ឆ្នាំ២០១៥ ត្រូវបានឯកឧត្តម អ៊ុនសំអុល ប្រធានគណៈកម្មាធិការសាខាកាកបាទក្រហមកម្ពុជាខេត្ត រួមដំណើរដោយ លោក ប្រាក់ សោភ័ណ្ឌ នាយកប្រតិបត្តិសាខាកាកបាទក្រហមខេត្ត និងសមាជិកសមាជិកាសាខាកាកបាទក្រហមខេត្ត អាជ្ញាធរដែនដីបានចុះសាកសួរសុខទុក្ខ និងយកអំណោយកាកបាទក្រហមខេត្ត ទៅចែកជូននៅសាលាសង្កាត់ផ្សារឆ្នាំង ក្រុងកំពង់ឆ្នាំង។
លោក ប្រាក់ សោភ័ណ្ឌ នាយកប្រតិបត្តិសាខាកាកបាទក្រហមខេត្តកំពង់ឆ្នាំងបានអោយដឹងថា៖
អំណោយដែលចែកជូនប្រជាពលរដ្ឋចំនួន៦គ្រួសារខាងលើនេះក្នុង១គ្រួសារៗទទួលបានអង្ករ៣០គីឡូក្រាម មី១កេះ, ត្រីខ១០កំប៉ុង, ភួយ១,ក្រ ម៉ា១និងសារ៉ុង១។
នៅក្នុងឱកាសនោះឯកឧត្តម អ៊ុនសំអុល ប្រធានគណៈកម្មាធិការសាខាកាកបាទក្រហមខេត្តកំពង់ឆ្នាំងបានពាំនាំនូវការផ្តាំផ្ញើ សាកសួរសុខទុក្ខពី សម្តេចកិត្តិព្រឹទ្ធបណ្ឌិតប៊ុន រ៉ានី ហ៊ុន សែន ប្រធានកាកបា
ទក្រហមកម្ពុជា ដែលសម្តេចលោកតែងតែនឹករលឹក គិតគូរពីសុខទុក្ខ និងផលលំបាកក្នុងការរស់នៅរបស់បងប្អូនក្រីក្រនៅគ្រប់ទីកន្លែងដែលមានទុក្ខលំបាក គឺសម្តេចតែងផ្តល់ជូននូវអំណោយជូនដល់បងប្អូនគ្រប់ៗគ្នាទាំងអស់ដោយមិនប្រកាន់ពូជសាសន៍ និងនិន្នាការនយោបាយឡើយ។ ប្រជាពលរដ្ឋដែលបានទទួលអំណោយទាំងអស់ខាងលើនេះ បានសម្តែងនៅទឹកចិត្តសប្បាយរីក
រាយយ៉ាងខ្លាំងចំពោះសម្តេចកិត្តិព្រឹទ្ធបណ្ឌិត ប៊ុនរ៉ានី ហ៊ុនសែន ដែលជានិច្ចជាកាលសម្តេចតែងតែយកចិត្តទុកដាក់និងយល់បានពីសុខទុក្ខប្រជាពលរដ្ឋរងគ្រោះ និងជនក្រីក្រទុរគត៌ កុមារកំព្រា ជនពិការ ស្ត្រីមេម៉ាយ គ្រប់ទីកន្លែងទាំងអស់។ដោយបយកកាត់ សូមគោរពជួនពរសម្តេចអគ្គមហាសេនាបតីតេជោ ហ៊ុន សែន សម្តេចកិត្តព្រឹទ្ធបណ្ឌិត ប៊ុនរ៉ានី ហ៊ុនសែន សូមទទួលបានជ័យជំនះគ្រប់ភារកិច្ច ដើម្បីដឹកនាំប្រទេសកម្ពុជា ប្រកបដោយសុខសន្តិភាព សុភមង្គល សំរាប់ប្រពលរដ្ឋគ្រប់រូប ដែលប្រជាពលរដ្ឋទាំងអស់និងគាំទ្រ សម្តេចនាយករដ្ឋមន្ត្រីដឹកនាំប្រទេសជាតិគ្រប់អណត្តិ ដើម្បីភាពសុខសាន្តរបស់ជាតិរបស់ប្រជាជន និងមានការអភិវឌ្ឍន៍រីកចំរើនរហូតតទៅ៕
