បុរសវ័យកណ្ដាលម្នាក់ដែលអនាថាដេកតាមជញ្ចើមផ្លូវបានដេកស្លាប់ព្រោះតែអត់ មានអាហារគ្រប់គ្រាន់សំរាប់បរិភោគ។ នៅវេលាម៉ោងប្រមាណ ៣ និង៤០ នាទីល្ងាចថ្ងៃទី២៩ ខែមេសា ឆ្នាំ២០១៤ នៅតាមជញ្ចើមផ្លូវលេខ៧២ កែងនិងផ្លូវលេខ៤៥ សង្កាត់ស្រះចក ខណ្ឌដូនពេញ ។
តាមប្រភពពត៌មាននៅកន្លែងកើតហេតុបានប្រាប់អោយដឹងថា ៖ សពដែលស្លាប់មិនមាននណាម្នាក់ស្គាល់ថាឈ្មោះអ្វីទេអាយុប្រមាណ ៣៥ ឆ្នាំ ស្នាក់នៅតាមសំយាបផ្ទះគេ មិនមានបងប្អូនអ្វីទាំងអស់។ តាមសំដីប្រជាពលរដ្ឋដែលរស់ទីនោះបានប្រាប់អោយដឹងថា គេតែងតែ ឃើញបុរសរូបនោះដើរសុំលុយគេយកមកទិញចំណីយកមកហូប ប៉ុន្តែមិនដែលរករឿងអ្នកណា
ទេ រូបគេតែងតែដើរទៅដើរមក នៅម្ដុំៗក្បែរនិងកន្លែងកើតហេតុមិនដែលដើរទៅណាទេ។ មុនពេលកើត ហេតុគេឃើញបុរសរូបនោះអង្គុយតែម្នាក់ឯង និងមិនបានដើរទៅណាទេដេកដូចសព្វដង ស្រាប់តែដល់ពេលថ្ងៃអ្នកជិតខាងឃើញក៏យកនំប័ុងទៅអោយហូបស្រាប់តែគេឃើញបុរសរូបនោះបានដេកស្លាប់បាត់ទៅហើយ។ សពត្រូវបានមន្ត្រីចៅសង្កាត់ យកម៉ូតូដឹកសពយកទៅបូជានៅវត្តទួលអស់លោក៕
