ព្រះវិហារដើមចមនៃអំពើឃាតកម្មបាញ់រះស្លាប់មន្ដ្រីរដ្ឋបាលព្រៃឈើម្នាក់,នគរបាលស្រុកឆែបម្នាក់និងនគរបាលព្រំដែនគោកលេខ១០៥នៅអូរជុញម្នាក់ទៀតរងរបួសធ្ងន់កាលពីវេលាម៉ោង២យប់ឈានចូលថ្ងៃទី០៧វិច្ឆិការ២០១៥នៅស្រុកជាំក្សាន្តគឺមកដល់ពេលនេះអាជ្ញាធរមានសមត្ថកិច្ចប្រើធម៌ក្ដៅបញ្ជូនបុរសជាជនសង្ស័យជាប់ចោទកាប់រានបំផ្លាញព្រៃឈើរខុសច្បាប់រួមទាំងវត្ថុតាងរណាយន្ត៥គ្រឿងទៅកាន់តុលាការខេត្ត។ជនសង្ស័យទាំង៦នាក់ត្រូវបានលោកចៅក្រមស៊ើបសួរសំរេចចេញដីកាឃុំខ្លួនដាក់ពន្ធនាគារបណ្តោះអាសន្ន។
លោកហេងហួនប្រធានពន្ធនាគារខេត្តព្រះវិហារបានអោយអ្នកសារព័ត៌មានដឹងនៅព្រឹកថ្ងៃទី១៣វិច្ឆិការថាពិតជាមានការឃុំខ្លួនជនសង្ស័យទាំង៦នាក់ខាងលើដាក់ពន្ធនាគារខេត្តប្រាកដមែនកាលពីថ្ងៃទី១១វិច្ឆិការ២០១៥។ពួកគេជាជនស៊ីវិលទាំងអស់មិនឃើញមានទាហានណាម្នាក់នោះទេ។ជនសង្ស័យទាំង៦នាក់នេះជាប់ចោទក្នុងសំណុំរឿងកាប់រានបំផ្លាញព្រៃឈើដោយខុសច្បាប់បង្ក្រាបដោយក្រុមសមត្ថកិច្ចល្បាត។លោកថ្លែងថាមកដល់នេះខាងពន្ធនាគារទើបតែទទួលជនសង្ស័យបានចំនួន៦នាក់ប៉ុណ្ណោះហើយពួកគេមិនមែនជាប់ពាក់ព័ន្ធអំពើឃាតកម្មនោះទេ។
តាមប្រភពព័ត៌មានបានអោយដឹងថាកាលពីថ្ងៃទី១១វិច្ឆិការ២០១៥ថ្មីៗនេះនគរបាលបានឃាត់ខ្លួនបុរសជនសង្ស័យបានចំនួន៣នាក់បន្ថែមទៀតនាំខ្លួនមកស៊ើបសួរចំលើយនៅក្នុងស្នងការដ្ឋាននគរបាលខេត្តព្រះវិហារដែលនគរបាលជំនាញមានការសង្ស័យខ្លាំងបំផុតទៅនឹងសកម្មភាពបាញ់រះយ៉ាងចាស់ដៃបណ្តាលអោយស្លាប់មន្ដ្រីសមត្ថកិច្ច២នាក់នៅនឹងកន្លែងកើតហេតុ។
បុរសជាជនសង្ស័យម្នាក់ក្នុងចំណោម៣នាក់ត្រូវគេស្គាល់ឈ្មោះថាចាន់លឿងហៅទ្បឹងជាទាហានក្នុងកងពលតូចអន្តរាគមន៏លេខ៩ដែលមានមូលដ្ឋាននៅតំបន់អូរជុញហើយគាត់ក៍ជាអ្នកកាប់ឈើច្រើនឆ្នាំមកហើយក្នុងព្រៃការពារនិងអភិរក្សគ្រប់គ្រងដោយអង្គការអន្តរជាតិWCS។សេចក្ដីរាយការណ៍មិនបានប្រាប់ឈ្មោះបុរសជាជនសង្ស័យ២នាក់ផ្សេងទៀតនោះទេ។ពាក់ព័ន្ធការឃាត់ខ្លួនជនសង្ស័យ៣នាក់នេះនគរបាលជំនាញមិនផ្តល់ព័ត៌មានអ្វីបន្ដិចសោះដល់អ្នកកាសែតកម្ពុជាថ្មីប្រចាំខេត្តព្រះវិហារខណះគាត់លើកទទួលទូរស័ព្ទហើយចុចបិទទៅវិញ។
លោកលីលន់ព្រះរាជអាជ្ញាអមសាលាដំបូងខេត្តព្រះវិហារបានមានប្រសាសន៍អោយដឹងថានៅថ្ងៃទី១៣វិច្ឆិការនេះសមត្ថកិច្ចនគបាលបានបញ្ជូនជនសង្ស័យម្នាក់ទៀតឈ្មោះចាន់លឿងអាយុជាង៥០ឆ្នាំមកកាន់សាលាដំបូងខេត្ត។លោកព្រះរាជអាជ្ញាបន្តថាជនសង្ស័យម្នាក់នេះសមត្ថកិច្ចឃាត់ខ្លួនតាមដីកាក្នុងសំណុំរឿងព្រហ្មទណ្ឌចាស់តាំងពីឆ្នាំ២០០១មកម្លេះនៅពេលនោះគាត់មានអាយុជាង៣០ឆ្នាំប៉ុណ្ណោះ។លោកព្រះរាជអាជ្ញាអមសាលាដំបូងខេត្តថ្លែងថាការឃាត់ខ្លួនជនសង្ស័យឈ្មោះចាន់លឿងនេះមិនទាន់ដឹងថាមានការជាប់ពាក់ព័ន្ធទៅនឹងការបាញ់រះនៅទ្បើយទេ។
គួររំលឹកថាលទ្ធផលស្រាវជ្រាវស៊ើបអង្កេតករណីខ្មាន់កាំភ្លើងបាញ់រះដោយអាវុធAK៤៧សម្លាប់ជនរងគ្រោះជាមន្ដ្រីសមត្ថកិច្ចចំនួន២នាក់ហើយសមត្ថកិច្ចម្នាក់ទៀតរងរបួសធ្ងន់ស្ថិតនៅភូមិរបុញឃុំមរកតស្រុកជាំក្សាន្តនោះសមត្ថកិច្ចនគរបាលជំនាញបានឃាត់ខ្លួនមនុស្ស៦នាក់ជាម្ចាស់វត្ថុតាងរណាយន្តដើម្បីស៊ើបសួរពាក់ព័ន្ធទៅនឹងអំពើឃាតកម្មដ៍សាហាវនោះ។
កាលពីថ្ងៃទី០៩វិច្ឆិការកំលាំងនគរបាលនៃស្នងការដ្ឋាននគរបាលខេត្តបានបញ្ជូនម្ចាស់វត្ថុតាងរណាយន្តពាក់ព័ន្ធចំនួន៥នាក់រួមទាំងរណាយន្តដែលក្រុមការងារល្បាតទទួលរងគ្រោះក្នុងករណីបាញ់រះដែលចាប់បង្ក្រាបបានកាលពីថ្ងៃទី០៦វិច្ឆិកា២០១៥ទៅអោយជំនាញមេព្រៃខេត្តបន្តនិតិវិធីស៊ើបសួរ។នេះជាពន្លឺក្នុងការស៊ើបអង្កេតឈានទៅចាប់ជនដៃដល់ជាខ្មាន់កាំភ្លើងបាញ់រះសម្លាប់មនុស្សរីឯម្នាក់ទៀតក្នុងចំណោម៦នាក់ត្រូវសមត្ថកិច្ចជំនាញឃាត់ខ្លួនក្នុងស្នងការដ្ឋានសិនព្រោះសង្ស័យជាប់ពាក់ព័ន្ធនឹងបក្ខពួកជនដៃដល់។
សមត្ថកិច្ចបានអោយដឹងថាបុរសជាម្ចាស់រណាយន្តទាំង៥នាក់រួមមានទី១ឈ្មោះមួនជួនអាយុ២៧ឆ្នាំទី២ឈ្មោះណុបប្រុសអាយុ២៩ឆ្នាំទី៣ឈ្មោះរីយេសអាយុ៥១ឆ្នាំទី៤ឈ្មោះស៊ុនរិនអាយុ៤៤ឆ្នាំនិងទី៥ឈ្មោះសុខជាអាយុអាយុ២១ឆ្នាំគឺជនទាំង៥នាក់នេះត្រូវជំនាញមេព្រៃស៊ើបសួរចម្លើយដាច់ដោយទ្បែកពីគ្នា។រីឯជនសង្ស័យកំពុងឃាត់ខ្លួនក្នុងស្នងការដ្ឋាននគរបាលឈ្មោះសុខប៊ុនរឿនភេទប្រុសអាយុ៤៧ឆ្នាំអតីតទាហានខ្មែរក្រហម។ជនសង្ស័យទាំង៦នាក់នេះហើយដែលត្រូវសមត្ថកិច្ចនាំទៅឃុំខ្លួនដាក់ពន្ធនាគារកាលពីថ្ងៃទី១១វិច្ឆិការ២០១៥តាមដីកាសំរេចរបស់តុលាការដែលរំលងបាន២ថ្ងៃបន្ទាប់ពីស៊ើបសួរចម្លើយរួច។
ជនរងគ្រោះជាសមត្ថកិច្ចដែលបានស្លាប់បាត់បង់ជីវិតយ៉ាងវេទនាក្នុងបេសកកម្មដើរល្បាតជាក្រុមដើម្បីការពារព្រៃឈើរដ្ឋហាមឃាត់ត្រូវខ្មាន់កាំភ្លើងទុច្ចរិតបាញ់រះនៅពេលយប់ងងឹតដោយកាំភ្លើងអាការមានទី១ឈ្មោះសៀងណារ៉ុងភេទប្រុសអាយុ៤២ឆ្នាំមន្ដ្រីរដ្ឋបាលព្រៃឈើបំរើការងារក្នុងអង្គការWCSមានទីលំនៅឯរាជធានីភ្នំពេញនិងទី២ឈ្មោះសាប់យស់ភេទប្រុសអាយុ៣១ឆ្នាំមន្ដ្រីនគរបាលស្រុកឆែប។
រីឯម្នាក់ទៀតជាមន្ដ្រីនគរបាលវរព្រំដែនគោកលេខ១០៥រងរបួសចំកំប៉េសគូទចំនួន១គ្រាប់និងទាហានម្នាក់ទៀតខំរត់គេចខ្លួនដើម្បីសុវត្ថិភាព។ប្រភពព័ត៌មានដកស្រង់ខ្លះៗពីសមត្ថកិច្ចបានអោយដឹងថាខ្មាន់កាំភ្លើងលបចូលទៅបាញ់រះជាច្រើនគ្រាប់ចម្ងាយត្រឹមតែ២ម៉ែត្រប៉ុណ្ណោះពីអង្រឹងដែលជនរងគ្រោះកំពុងដេកលង់លក់ហើយបានយកកាំភ្លើងអាការស្វាយបត់១ដើមរបស់ក្រុមល្បាតទៅជាមួយថែមទៀត។
តាមរយះការស្រាវជ្រាវនិងស៊ើបអង្កេតយ៉ាងស្វិតស្វាញរបស់សមត្ថកិច្ចនគរបាលជំនាញគ្រប់ជាន់ថ្នាក់ក្នុងសំណុំរឿងឧក្រិដ្ឋដោយខ្មាន់កាំភ្លើងមិនស្គាល់អត្តសញ្ញាណបាញ់រះស្លាប់សមត្ថកិច្ច២នាក់និងរបួសធ្ងន់ម្នាក់អស់រយះពេល៧ថ្ងៃមកនេះជាលទ្ធផលនៅស្រពិចស្រពិលគឺនគរបាលជំនាញមិនទាន់កំណត់មុខសញ្ញាច្បាស់ដើម្បីឈានទៅចាប់ខ្លួនជនដៃដល់ជាឃាតកឃោរឃៅមកផ្តន្ទាទោសបាននៅទ្បើយទេ៕
