ខេត្តកំពង់ឆ្នាំង៖ សម្តេចចៅហ្វាវាំង គង់ សំអុល ឧបនាយករដ្ឋមន្ត្រី រដ្ឋមន្ត្រីព្រះបរមរាជវាំង និងជាអនុប្រ ធានអចិន្ត្រៃយ៍នៃគណៈកម្មាធិការកណ្តាលកាកបាទក្រហមកម្ពុជា តំណាងដ៏ខ្ពង់ខ្ពស់របស់សម្តេចកិត្តិព្រឹទ្ធបណ្ឌិតប៊ុនរ៉ានីហ៊ុនសែន ប្រធានកាកបាទក្រហមកម្ពុជា នៅព្រឹកថៃ្ងទី០២
ខែមករា ឆ្នាំ២០១៦បានអញ្ជើញជាអធិបតីក្នុងពិធីប្រគល់អណ្តូងទឹកស្អាតចំនួន៥៧អណ្តូង ជាអំណោយដ៏ថ្លៃថ្លារបស់សម្តេចកិត្តិព្រឹទ្ធបណ្ឌិតប៊ុនរ៉ានីហ៊ុនសែនប្រធានកាកបាទក្រហមកម្ពុជាជូនប្រជាពលរដ្ឋប្រើប្រាស់ក្នុងស្រុក៤និងក្រុង១របស់ខេត្តកំពង់ឆ្នាំង។
នៅក្នុងពិធីនេះក៏មានការអញ្ជើញចូលរួមពី ឯកឧត្តម គុយ សុផល ទេសរដ្ឋមន្ត្រីទទួលបន្ទុកកិច្ចការទូទៅអមក្រសួងព្រះបរមរាជវាំង,លោកជំទាវ ម៉ែន នារីសោភ័គ អគ្គលេខាធិការរងទី១កាកបាទក្រ
ហមកម្ពុជា ឯកឧត្ត ម ឈួរ ច័ន្ទឌឿន អភិបាលខេត្ត និងជាប្រធានកិត្តិយសគណៈកម្មាធិការសាខាកាក បាទក្រហមកម្ពុជាខេត្តកំពង់ឆ្នាំង លោកជំទាវ កែ ច័ន្ទមុនី អ្នកតំណាងរាស្ត្រមណ្ឌលកំពង់ឆ្នាំងនិងជាអនុប្រធានកិត្តិយសគណៈកម្មាធិការសាខាកាកបាទក្រហមកម្ពុជាខេត្ត, ឯកឧត្តម អ៊ុនសំអុល ប្រធានគណៈកម្មាធិការសាខាកាកបាទក្រហមខេត្ត ឯកឧត្តម លោកជំទាវ ក្រសួងព្រះបរមរាជវាំង កាកបាទក្រហមកម្ពុជាប្រធានអង្គភាពជុំវិញ ខេត្តអាជ្ញាធរដែនដី និងប្រជាពលរដ្ឋជាដែលមកទទួលអណ្តូងយ៉ាងច្រើនកុះករ។
ឯកឧត្តម ឈួរ ច័ន្ទឌឿន អភិបាលខេត្តនិងជាប្រធានកិត្តិយសគណៈកម្មាធិការសាខាកាកបាទក្រហមកម្ពុជាខេត្តកំពង់ឆ្នាំងបានបញ្ជាក់អោយដឹងថា៖ ការប្រគល់អណ្តូងទឹកស្អាតចំនួន៥៧អណ្តងដែលជាអំណោយដ៏ថ្លៃថ្លារបស់សម្តេចកិត្តិព្រឹទ្ធបណ្ឌិតប៊ុនរ៉ានីហ៊ុនសែន ប្រធានកាកបាទកម្ពជាជូនប្រជា ព លរដ្ឋប្រើប្រាស់នៅថៃ្ងនេះមានចំនួន៣ទីតាំង គឺទីតាំងទី១នៅភូមិកែឡាត ឃុំពន្លៃ ស្រុកបរិបូណ៌ អ្នកទទួលអណ្តូង១៥នាក់ជាប្រជាពលរដ្ឋក្រីក្រ ,ទីតាំងទី២នៅភូមិឡទឹកត្រី សង្កាត់កំពង់ឆ្នាំង អ្នកទទួលអណ្តូងមានចំនួន៦នាក់ , ទីតាំងទី៣នៅភូមិត្រពាំងបូន ឃុំស្វាយ ស្រុកសាមគ្គីមានជ័យ ប្រជាពលរដ្ឋ ទទួលអណ្តូងមានចំនួន១២នាក់ អ្នកទទួលអណ្តូងស្រុកកំពង់ត្រឡាចចំនួន៩នាក់ ។
ឯកឧត្តម ឈួរ ច័ន្ទឌឿន តាងនាមអោយប្រជាពលរដ្ឋដែលបានចូលរួមទទួលអណ្តូង សូមថ្លែងអំណរគុណយ៉ាងជ្រាវជ្រៅដល់សម្តេចកិត្តិព្រឹទ្ធបណ្ឌិត ប៊ុនរ៉ានី ហ៊ុនសែន ប្រធានកាកបាទក្រហមកម្ពុជាជានិច្ចកាលសម្តេចតែងតែជួយដោះស្រាយការលំបាកជូនប្រជាពលរដ្ឋជានិច្ច។
សម្តេចចៅហ្វាវាំង គង់ សំអុល ឧបនាយករដ្ឋមន្ត្រី រដ្ឋមន្ត្រីព្រះបរមរាជវាំង និងជាអនុប្រធានអចិ ន្ត្រៃយ៍នៃគណៈកម្មាធិការកណ្តាលកាកបាទក្រហមកម្ពុជា បានពាំនាំនូវព្រះរាជបណ្តាំសាកសួរសុខទុក្ខពីព្រះករុណាជីវិតតម្កល់លើត្បូង និងសម្តេចម៉ែ ដល់ប្រជារាស្ត្រដែលជាកូនចៅចៅទួតរបស់ព្រះអង្គដែលបានចូលរួមនៅក្នុងពិធីនេះ និងនៅទូទាំងខេត្តកំពង់ឆ្នាំងទាំងមូលដោយក្តីនឹករលឹកពីព្រះអង្គជានិច្ច។សម្តេចចៅហ្វាវាំងក៏បានពាំនាំប្រសាសន៍ផ្តាំផ្ញើសាកសួរសុខទុក្ខពីសំណាក់សម្តេចតេជោហ៊ុនសែននាយករដ្ឋមន្ត្រី និងសម្តេចកិត្តិព្រឹទ្ធិបណ្ឌិត ប៊ុន រ៉ានី ហ៊ុនសែន ប្រធានកាកបាទក្រហមកម្ពុជាថា៖សម្តេចតែងតែគិតគូរពីសុខទុក្ខនិងជួយប្រជាពលរដ្ឋរងគ្រោះដោយអគ្គីភ័យខ្យល់ព្យុះ ទឹកជំនន់ រន្ទះបាញ់ លង់ទឹក ចាស់ជរាគ្មានទីពឹង គ្រួសារទីទាល់ក្រ អ្នកផ្ទុកមេរោគអេដស៍ និងដោយឧប្បទ្ទវហេតុផ្សេងៗដោយមិនប្រកាន់ពូជសាសន៍និងនិន្នាការនយោបាយឡើយ។
សម្តេចចៅហ្វាវាំង គង់ សំអុល ក៏បានផ្តាំផ្ញើដល់ប្រជាពលរដ្ឋក្នុងស្រុកក្រុងទាំង៥ដែលបានចូលរួមនិងបានទទួលអំណោយអណ្តូង ដ៏ថ្លៃថ្លារបស់សម្តេចកិត្តិព្រឹទ្ធបណ្ឌិតប៊ុនរ៉ានីហ៊ុនសែន ប្រធានកាក បាទក្រហមកម្ពុជា សូមរួមសាមគ្គីគ្នាប្រើប្រាស់ជាសម្បត្តិសាធារណៈ អោយបានយូរអង្វែងនិងថែរក្សាអោយបានល្អទុកអោយកូនចៅជំនាន់ក្រោយបានប្រើប្រាស់បន្តទៅថៃ្ងអនាគតទៀត។
លោក ប្រាក់ សោភ័ណ នាយកប្រតិបត្តិសាខាកាកបាទក្រហមកម្ពុជាខេត្ត្តកំពង់ឆ្នាំង បានអោយដឹងថា៖ ប្រជាពលរដ្ឋដែលបានទទួលអំណោយមនុស្សធម៌ ពីកាកបាទក្រហមសរុបទាំង៣ទីតាំង មានចំនួន១០២គ្រួសារ ដែលក្នុងមួយៗគ្រួសារៗទទួលបាន អង្ករ ៣០គីឡូក្រាម , មី 0១កេស , ត្រីខ ១០កំ ប៉ុង , ឃីតមួយកញ្ចប់មាន (មុង 0១, ភួយ 0១, ក្រមា០១, សារុង ០១) និងថវិកា២ម៉ឺនរៀល ចំណែកយុវជនកាកបាទក្រហមកម្ពុជាចំនួន៣០នាក់ ក្នុងម្នាក់ៗទទួលបានថវិកា២ម៉ឺនរៀល ៕
