កំពង់ធំៈ គ្រួសារទីទាល់ក្ររមួយគ្រួសារ មានកូននៅក្នុងបន្ទុកចំនួន ១០នាក់ បានជួននូវវិបត្តិក្រីក្ររ លំបាកគ្មានទីជម្រករស់នៅក្នុងខ្ទមកំសត់ ត្រូវបានយកចិត្តទុកដាក់ ពីសំណាក់ឯកឧត្តម ប៉ាន់ខែម ប៊ុនថន ជំនួយការស្តេចអគ្គមហាសេនាបតីតេជោ ហ៊ុន នាយករដ្ឋមន្ត្រីនៃព្រះរាជាណាចក្រកម្ពុជា និងជាប្រធានប្រត្តិបិ្តក្រុមសម្ព័ន្ឋយុវជនសេនានាគបានប្រគល់ភារៈកិច្ចឲ្យឯកឧត្តម ឧត្តមសេនីយ៍ត្រី សោម ស៊ុន មេបញ្ជាការ តំបន់ប្រតិបត្តិកាសឹករងកំពង់ធំ ដឹកនាំមន្ត្រីក្រោមឳវាទចំនួន ១៧រូប ចុះទៅសាងសង់លំនៅដ្ឋានជូនគ្រួសាតទីទាល់ក្ររ ។
ឯកឧត្តម ឧត្តមសេនីយ៍ត្រី សោម ស៊ុន ព្រមទាំងលោក កុល សុធា នាយរងសេនាធិការនិង លោក សៀងហុកឃាន់ មេបញ្ជាការផ្នែកសឹករងក្រុងស្ទឹងសែន បានដឹកនាំកម្លាំងយោធិនចំនួន១៧ នាក់បានសាងសង់ផ្ទះមួយខ្នងដែលមានទំហំ៥ម គុណ៦ម ធ្វើអំពីឈើ ប្រកស័ង្ខសីជូនដល់គ្រួសារទីទាល់ក្ររ ស្ថិតនៅភូមិបឹងលាស សង្កាត់អូរកន្ឋរ ក្រុងស្ទឹងសែន ខេត្តកំពង់ធំ នៅព្រឹកថ្ងៃទី៥ ខែ មករា ឆ្នាំ២០១៦ ឯកឧត្តម សោម ស៊ុន ថ្លែងអំណរគុណ ចំពោះការឧបត្ថម្ភថវិកា សម្រាប់ការជួយសាងសង់លំនៅដ្ឋានជូន ពលរដ្ឋក្រីក្រ ខណៈពេលដែលគ្រួសារនេះ មានកូន១០នាក់ ហើយមានជីវភាពក្រីក្ររ លំបាកនិងខ្វះខាតទីជម្រក ដើរជ្រកក្រោមសម្យាបផ្ទះអ្នកដ៏ទៃ តែពេលនេះគឺបានទទួលផ្ទះថ្មី ដែលជាទឹកចិត្តរបស់ ឯកឧត្តម ប៉ាន់ខែម ប៊ុនថន។
គ្រួសារដែលទទួលបានផ្ទះថ្មីត្រូវបានដឹងឈ្មោះលោក នៅ ឆែ និងប្រពន្ធ គ្រួសារទីទាល់ក្ររ បានថ្លែងអំណរគុណសម្រាប់ទឹកចិត្តសប្បុរសធម៍ របស់ ឯកឧត្តម ប៉ាន់ខែម ប៊ុនថន និងឯកឧត្តម សោម ស៊ុន មេបញ្ជាការតំបន់សឹក ដែលបានជួយសាងសង់ផ្ទះ ជូនដល់គ្រួសាររបស់គាត់ ខណៈពេលដែលកំពុងតែជួយប្រទះនិងការខ្វះខាត យ៉ាងខ្លាំងនិងសូមជូនពរឲ្យ ជួបតែនិងសេចក្តីសុខ ឈ្នះអស់មាសត្រូវ ។
ឯកឧត្តមសោមស៊ុន បានឲ្យដឹងថា នេះជាការយកចិត្តទុកដាក់របស់ ឯកឧត្តម ប៉ាន់ខែម ប៊ុនថន ប្រធាន ប្រត្តិបិ្តក្រុមសម្ព័ន្ឋយុវជនសេនានាគ ដោយមើលឃើញទុក្ខលំបាក់និងភាពក្ររខ្សត់របស់ប្រជាពលរដ្ឋ បានជួយតាមរយះឯកឧត្តម ដើម្បីទិញជាសម្ភារៈសម្រាប់សាងសង់លំនៅដ្ឋានជូនគ្រួសារក្រីក្រនេះ ។
ដោយ ប៊ុន រដ្ឋា