ស្ទឹងត្រែង៖គូរស្វាមីភរិយាមួយគូរដែលទើបនិងរៀបអាពាហ៍ពិពាហ៍បានរយៈពេលត្រឹមតែ៤ថ្ងៃក៍ជួបនិងគ្រោះអកុសលស្លាប់ទាំង២នាក់ កាលពីវេលាម៉ោង២១និង១៥នា ទីយប់ថ្ងៃទី១១មករា២០១៦លើកំណាត់ផ្លូវជាតិលេខ៧៨អាស្ថិតក្នុងភូមិរាជានុកូលសង្កាត់ស្ទឹងត្រែងក្រុងស្ទឹងត្រែង
ចម្ងាយពីផ្លូវបំបែកអូរពង់មាន់ជាងមួយគីឡូម៉ែត្រ។
មន្ត្រីនគរបាលចរាចណ៍ជើងគោកបានឲ្យដឹងថាជនរងគ្រោះត្រូវជាប្តីប្រពន្ធទើបរៀបការបានរយៈពេល៤ថ្ងៃ ប្តីមានឈ្មោះ សន សុខខេង អាយុ២៥ឆ្នាំរីឯប្រពន្ធឈ្មោះ ម៉ៃ ស្រីម៉ីអាយុ២៣ឆ្នាំអ្នកទាំង២រស់នៅភូមិកាតូត ឃុំកំភុន ស្រុកសេសាន ខេត្តស្ទឹងត្រែង។
តាមប្រភពព័ត៌មានឲ្យដឹងថាមុនពេលកើតហេតុជនរងគ្រោះបានជិះម៉ូតូម៉ាកហុងដាស៊េរីឆ្នាំ២០១៣ពណ៌ខ្មៅពាក់ស្លាកលេខភ្នំពេញ១BM.៤២៧៣ក្នុងទិសដៅពីកើតទៅលិចក្នុងល្បឿនលឿនក៍ជ្រុលទៅបុករថយន្តកែឆ្នៃចតលើផ្លូវស្របទិសគ្នាបណ្តាលជនរងគ្រោះ ទាំង២ស្លាប់ភ្លាមៗមួយរំពេច។
ពាក់ព័ន្ធករណីគ្រោះថ្នាក់ចរាចណ៍ដែលបង្ករឲ្យមនុស្សចំនួន២នាក់បានស្លាប់នៅនិងកន្លែងនោះគឺបានបង្ករឡើងដោយរថយន្តកែឆ្នៃចំនួន២គ្រឿងចតលើដងផ្លូវទយគូតដាក់គ្នានៅខាងស្តាំដៃលើដងផ្លូវរបស់ជនរងគ្រោះធ្វើដំណើរនិងមិនបានដាក់សញ្ញាណាមួយបញ្ជាក់ឲ្យអ្នកដំណើរមានការប្រុងប្រយ័ត្នឡើយខណៈដែលពួកគេកំពុងសាងឈើក្តាពីរថយន្តមួយទៅដាក់រថយន្តមួយគ្រឿងទៀតនោះ។
ទាក់ទិនក្នុងករណីគ្រោះថ្នាក់ចរាចណ៍ខាងលើនោះមន្ត្រីនគរបាលចរាចណ៍បានចុះធ្វើការវាស់វែងនិងសន្និដ្ឋានថារថយន្តកែឆ្នៃ គឺជាភាគីខុសទាំងស្រុងដោយមិនអាចលើកលែងបាន។ក្រោយកើតហេតុមន្ត្រីចរាចណ៍ជើងគោកបាននាំយករថយន្តកែឆ្នៃចំនួន២គ្រឿងរួមនិងម៉ូតូរងការខូចខាត់របស់ជនរងគ្រោះយកទៅរក្សាទុកនៅការិយាល័យចរាចណ៍ជើងគោកនៃស្នងការដ្ឋាននគរបាលខេត្តចំណែកសពជនរងគ្រោះទាំង២ជំនាញបានប្រគល់ជូនគ្រួសារឪពុកម្តាយនាំយកទៅធ្វើបុណ្យតាមប្រពៃណី។
នេះជាគ្រោះថ្នាក់ចរាចណ៍មួយដ៍គួរអាសូរមួយទៀតបន្ទាប់ពីស្ត្រីមានជម្ងឺរួចវិកលចរិកម្នាក់ត្រូវរថយន្តបុកនិងកិនស្លាប់ហើយសពត្រូវរថយន្តជាច្រើនគ្រឿងទៀតកិនបន្ថែមធ្វើឲ្យសពបែករៀងកាយមើលស្ទើរមិនយល់ថាជាមនុស្សប្រុសឬជាមនុស្សស្រី៕
