ឧត្តរមានជ័យ៖ កាលពីវេលាម៉ោង៨និង៣០ ថ្ងៃទី១៣ ខែមករា ឆ្នាំ២០១៦ លោកវរសេនីយ៍ទោ សឿម ផ្នើក មេបញ្ជាការរងនគរបាលការពារព្រំដែនគោកលេខ៩០៥ បានដឹកនាំ កម្លាំងចូលរួមបុណ្យនិងដង្ហែសព លោកពលបាលឯក ឯក សូណា ជាមន្ត្រីនគរបាល ដែលបានទទួលមរណះភាព កាលពីថ្ងៃទី១២ ខែមករា ឆ្នាំ២០១៦ ដោយជំងឺ នៅក្នុងភូមិព្រៃធំ ឃុំចុងកាល់ ស្រុកចុងកាល់ ខេត្តឧត្តរមានជ័យ។ក្នុងនោះ លោកវរសេនីយ៍ទោ សឿម ផ្នើក មេបញ្ជាការរងនគរបាលវរះសេនាតូច ការពារព្រំដែនគោកលេខ៩០៥ បាននាំយកបច្ច័យ ទេយ្យវត្ថុ របស់លោកឧត្តម សេនីយ៍ ម៉ែន លី ស្នងការនគរបាលខេត្តឧត្តរមានជ័យ ចូលរួមរំលែកទុក្ខដល់គ្រួសារសព រួមមាន ថវិកា៨០មុឺនរៀល អង្ករ១បេ ទឹកត្រី២យូរ ទឹកសុីអ៊ីវ២យូរ លោកវរសេនីយ៍ទោ សឿម ផ្នើក មេបញ្ជាការរងនគរបាលការពារព្រំដែន បានមានប្រសាសន៍ថា អំណោយដែលលោកយកមកនេះ គឺជាថវិកា របស់លោកស្នងការខេត្ត គ្រាន់ចូលរួមរំលែកទុក្ខ គឺនៅមានថវិកា សង្គ្រោះបន្ទាន់ចំនួន៤លានរៀល ទៀត លោកឧត្តមសេនីយ៍ ម៉ែន លី ស្នងការនគរបាលខេត្ត យកមកជូននៅ ពេលក្រោយទៀត៕