អាមេរិក៖ នៅលើលោកយើងនេះ រឿងប្លែកៗនិង ហេតុការណ៍ដែលហួស ពីការស្មានរបស់យើង មានច្រើនណាស់ តួយ៉ាងដូចជាស្ត្រី ដែលមានផ្ទៃពោះ ម្នាក់នេះខុសពី ស្ត្រីដទៃដែល តែងតែសម្រាកនៅផ្ទះ ព្រោះថាសុខភាពទន់ខ្សោយ តែនារីម្នាក់នេះ បែរជាទៅ កន្លែងហាត់ប្រាណ លើកដុំដែកជា រៀងរាល់ថ្ងៃទៅវិញ។
នាងមានឈ្មោះថា Meghan Umphres អាយុ៣៣ឆ្នាំ រស់នៅរដ្ឋ Arizona សហរដ្ឋអាមេរិក បានបន្តការ ហាត់លើកដុំដែក ដ៏ធ្ងន់ៗជាប្រចាំ បើទោះជានាង មានផ្ទៃពោះ ជាច្រើនខែក៏ដោយ មិនត្រឹមតែប៉ុណ្ណោះ នាងបន្តសកម្មភាពនេះ រហូតដល់ពីរថ្ងៃមុន ពេលនាងសម្រាល ទៀតផង។
លើសពីនេះទៅទៀត នារីដែលមាន ការងារជាទីប្រឹក្សា ផ្នែកទីផ្សារនិង ទំនាក់ទំនងម្នាក់នេះ ជាញឹកញាប់បណ្តើរឆ្កែរបស់ នាងដើរលេង ប្រហែលជា៤គមរាល់ថ្ងៃ និងដើរលេងកាត់ ព្រៃភ្នំដែលមាន ចំងាយ៦គម ជារៀងរាល់សប្តាហ៍ ទៀតផង។ ទោះយ៉ាងណាក៏ដោយ នាងក៏បានបង្កើត កូនស្រីដែលមាន សុខភាពដ៏ល្អ កាលពីថ្ងៃ ទី៣ ឧសភានេះ ដែលមានទំងន់
ប្រហែលជា៣គក និងមានឈ្មោះថា Florence Germaine។ នាងបាននិយាយថា “ចំពោះរឿងទាំងអស់នោះ ខ្ញុំក៏ធ្លាប់ពិភាក្សា ជាមួយគ្រូពេទ្យផងដែរ ហើយគ្រូពេទ្យក៏បាន និយាយថាវា ប្រហែលជាមិន ប៉ះពាល់ដល់ទារក ក្នុងផ្ទៃឡើយ”។
នាងបានបន្ត ទៀតថា “ការធ្វើរបៀបនេះ វាបានធ្វើអោយ ខ្ញុំមានអារម្មណ៍ល្អ ហើយតើមានមូលហេតុអ្វី ខ្ញុំត្រូវឈប់ធ្វើ សកម្មភាពទាំងនេះ? ម្យ៉ាងវិញទៀតអ្វីដែល ខ្ញុំទទួលបាន នៅពេលនេះគឺ ទាំងកូននិងខ្ញុំ មានសុខភាពល្អ ទាំងពីរនាក់ ហើយខ្ញុំសង្ឃឹមថា បីសប្តាហ៍ក្រោយ ខ្ញុំនឹងអាចទៅ ហាត់ប្រាណសារឡើងវិញ”៕
