ភ្នំពេញ៖ កម្លាំងអាវុធផ្ទៃប្រទេសម្នាក់បានរងរបួសធ្ងន់ត្រួវបានបញ្ជូនទៅសង្គ្រោះនៅមន្ទីរពេទ្យកាល់ម៉ែត្រភ្លាមៗខណៈរួបគាត់និងមិត្តភ័ក្រចេញពីផឹកស៊ីហើយត្រូវជនមិនស្គាល់មុខបើករថយន្តតាមពីក្រោយដកកាំភ្លើងបាញ់ចំនួន២គ្រាប់ បង្កឲ្យមានការភ្ញាក់ផ្អើលកាលពីវេលាម៉ោង១និង៣០នាទីរំលងអាធ្រាត ឈានចូលថ្ងៃទី២០ ខែមករា ឆ្នាំ២០១៦ នៅចំណុចមុខច្រកចូលវត្តនាគវ័ន តាមបណ្តោយផ្លូវមហាវិថីសហព័ន្ធរុស្ស៊ី ស្ថិតក្នុងសង្កាត់ផ្សារដេបូ៣ ខណ្ឌដូលគោក។
តាមសាក្សីនៅដែលជាកម្លាំងអាវុធហត្ថដែលធ្វើដំណើរជាមួយគ្នាបានឲ្យដឹងថា នៅមុនពេលកើតហតុហេតុពួកគេបាននាំគ្នាផឹកស៊ីនៅហាង ភូមិខ្មែរ នៅជិតទីបញ្ជាការកងរាជអាវុធហត្ថលើផ្ទៃប្រទេស ហើយបាននាំគ្នាជិះម៉ូតូមួយគ្រឿងម៉ាកស៊ីរុស ឌុបគ្នាធ្វើដំណើរតាមបណ្តោយផ្លូវមហាវិថីសហព័ន្ធរុស្ស៊ី ក្នុងទិសដៅលិចទៅកើតខណៈមកដល់ចំណុចកើតហេតុស្រាប់តែមានរថយន្តមួយគ្រឿងមិនចាំស្លាកលេខ បើកបរដោយបុរសម្នាក់ ធ្វើដំណើរស្រាបទិសគ្នាហើយបានដកកាំភ្លើងខ្លីមិនចាំម៉ាកបានបាញ់ប្រហាទៅលើជនរងគ្រោះចំនួន២គ្រាប់បណ្តាលឲ្យចំនាក់ដែលអង្គុយខាងក្រោយរបួសដៃខាងឆ្វេងមួយគ្រាប់និងជើងឆ្វេងមួយគ្រាប់។
សាក្សីដដែលបានបន្តថាបន្ទាប់ពីខ្មាន់កាំភ្លើងបាញ់រួចបានបើកគេចខ្លួនបាត់ស្រមោល ចំណែកជនរងគ្រោះត្រូវបានមិត្តភ័ក្តដឹកទៅមន្ទីរពេទ្យកាល់ម៉ែត្រដើម្បីសង្គ្រោះតាមការសន្ថានរបស់សមត្ថកិច្ចទាក់ទងនិងករណីខាងលើនេះសង្ស័យជារឿងគុំនំ៕
