ភ្នំពេញ៖ បុរសម្នាក់បានរងរបួសស្រាលខណះពេលដែលរូបគាត់កំពង់ជិះម៉ូតូVivaមួយគ្រឿងត្រូវរថយន្ដRangRoverបើកបុកចំពីមុខពេញទំហឹងអូសម៉ូតូជាប់ក្រោមរថយន្ដប្រហែល២០ម៉ែត្រទើបរថយន្ដឈប់ទៅមុខលែងរួច។
ហេតុការណ៍នេះបានកើតឡើងកាលពីវេលាម៉ោង២២និង៣០នាទីយប់ថ្ងៃទី២០ ខែមករា ឆ្នាំ២០១៦ នៅចំណុចផ្លូវលេខ១១៣កែងនឹងផ្លូវលេខ២៤២ ស្ថិតក្នុងសង្កាត់ បឹងព្រលឹត ខណ្ឌ៧មករា រាជធានីភ្នំពេញ។
ប្រភពព័ត៌មានពីកន្លែកើតហេតុបានអោយដឹងថានៅមុនពេលកើតហេតុគេបានឃើញបុរសម្នាក់ជិះម៉ូតូVivaពណ៍ខ្មៅពាក់ស្លាកលេខ ត-3526 ភព1 បើកបរដោយបុរសម្នាក់ធ្វើដំណើរតាមបណ្ដោយផ្លូវលេខ១១៣អិសដៅពីត្បូងទៅជើងលុះមកដល់ចំណុចកើតហេតុមានរថន្ដម៉ាកRangRover មួយគ្រឿងពណ៍ខ្មៅពាក់ស្លាកលេខ ភ្នំពេញ2V-9959 ធ្វើដំណើរបញ្ច្រាសទិសគ្នាបានជ្រុលបុកគ្នាពេញទំហឹងបណ្ដាលបុរសជាម្ចាស់ម៉ូតូខ្ទាតចេញពីម៉ូតូរងរបួសស្រាល។
ប្រភពដដែលបានបន្តថាក្រោយពីបុករួចហើយម៉ូតូបានកល់ជាប់ក្រោមរថយន្ដហើយម្ចាស់រថយន្ដបានព្យាយាមបើករត់គេចខ្លួនបានប្រហែល២០ម៉ែត្រទើបរថយន្ដទៅមុខលែងរួច។ ក្រោយមកកម្លាំងសមត្ថកិច្ចបានចុះដល់កន្លែងកើតហេតុនិងធ្វើកាសម្របសម្រួលដោយភាគីខាងរថយន្ដព្រមសងថ្លៃការខូចខាតនិងព្យាបាលរបួសអោយទៅខាងម្ចាស់ម៉ូតូដើម្បីបញ្ចប់រឿងនៅកន្លែងកើតហេតតែម្ដង៕
