ខេត្តព្រះសីហនុ=មនុស្ស២នាក់បានស្លាប់ភ្លាមៗយ៉ាងអាណោចអាធ័មនៅគៀបជាប់ក្រោមរថយន្តក្នុងករណីគ្រោះថ្នាក់ចរាចរណ៌ម៉ូតូនិងរថយន្តបុកគ្នាក្នុងទឹសដៅបញ្ច្រាស់គ្នា។ហេតុការណ៌គ្រោះថ្នាក់ចរាចរណ៌ដែលមើលទៅគួរឲ្យរន្ធត់នេះបានកើតមានឡើងនៅម៉ោងប្រមាណ៩
យប់ថ្ងៃទី២១មករាលើកំណាត់ផ្លូវជាតិលេខ៤ត្រង់ចន្លោះគីឡូម៉ែត្រលេខ១២៦-១២៧ស្ថិតនៅភូមិចាំស្រីឃុំកំពង់សីលាស្រុកកំពង់សីលាខេត្តព្រះសីហនុ។នៅកន្លែងកើតហេតុគេឃើញរថយន្តឈប់នៅខាងស្តាំដៃដោយមានមូ៉តូនិងសពជនរងគ្រោះទាំង២នាក់ស្លាប់នៅគៀបជាប់ពីក្រោមរថយន្ត។សមត្ថកិច្ចបានសន្និដ្ឋានថាមុនពេលកើតហេតុជនរងគ្រោះអាចបើកម៉ូតូវ៉ារថយន្តមួយគ្រឿងទៀតហើយជ្រុលចូលទៅខាងចំនែកផ្លូវរថយន្តហើយក៌បុកនឹងរថយន្តដែលបើកមកពីមុខពេញទំហឹងបណ្តាលឲ្យស្លាប់នៅក្នុងថ្លុកឈាមភ្លាមៗនៅកន្លែងកើតហេតុ។សមត្ថកិច្ចកងរាជអាវុធហត្ថស្រុកបានប្រាប់ថាសពជនរងគ្រោះមានឈ្មោះ១ ឈ្មោះម៉ន ស្រស់ភេទប្រុស អាយុ២៤មុខរបរជាងម៉ូតូ ២ ឈ្មោះអែម សុប៉ាន់ភេទប្រុសអាយុ២០ឆ្នាំមុខរបរជាងផ្សាដែកអ្នកទាំងពីមានទីលំនៅភូមិក្រាំងអាត់ឃុំកំពង់សីលាស្រុកកំពង់សីលាខេត្តព្រះសីហនុ។ សមត្ថកិច្ចកងរាជអាវុធហត្ថស្រុកបានឲ្យដឹងថារថយន្តគ្រោះថ្នាក់ចរាចរណ៌ប្រភេទកូរ៉េ ហុីយ៉ាន់ដាយពាក់ស្លាកលេខភ្នំពេញ 2c4782មានទិសដៅពីក្រុងព្រះសីហនុទៅភ្នំពេញចំនែកមូ៉តូមា៉កសេ១០០សេរីឆ្នាំ២០០៩ពាក់ស្លាកលេខតាកែវ ១សេ៩៤៤៥។ក្រោយកើតហេតុអ្នកបើកបររថយន្តបានចុះរត់គេចខ្លួនបាត់ស្រមោល។បច្ចុប្បន្នកំម្លាំងកងរាជអាវុធហត្ថស្រុកនឹងប៉ូលីសបានសហការគ្នាជួយធ្វើចរាចរនឹងការពារកន្លែងកើតហេតុ។ចំនែកសពបានប្រគល់ឲ្យក្រុមគ្រួសារយកទៅធ្វើបុណ្យតាមប្រពៃណីខ្មែរ។