ខេត្តព្រះសីហនុនៅព្រឹកថ្ងៃទី២២ ខែ មករា ឆ្នាំ២០១៦នេះលោក ទៀ សុខា ប្រធានក្រុមចលនាយុវជនកម្ពុជា (ក្រុម១៥៧) សាខាខេត្តព្រះសីហនុរួមនិងសមាជិកក្រុមការងារជាច្រើនបាននាំយកអំណោយមនុស្សធម៌ ជាគ្រឿងឧបភោគ បរិ ភោគ និងថវិកាទៅចែកជូនប្រជាពលរដ្ឋក្រីក្រមួយគ្រួសារឈ្មោះ ឌុល ការីម ដែលជាខ្មែរអ៊ីស្លាមដែលរងគ្រោះដោយសារអគ្គីភ័យឆាបឆេះបំផ្លាញផ្ទះនិងទ្រព្យសម្បត្តិអស់ទាំងស្រុងកាលពីយប់ ថ្ងៃទី២០ ខែមករា ឆ្នាំ២០១៦ ។លោក ទៀ សុខា បានមានប្រសាសន៌ថាផ្ទះជនរងគ្រោះដែលត្រូវព្រះអគ្គីឆាបឆេះកន្លងមកនេះមានទំហំ ៤មx៥ម(ធ្វើពីឈើប្រកស័ង្កសី)ស្ថិតក្នុងភូមិបន្ទាយប្រិយ៍ ឃុំអណ្តូងថ្មរ ស្រុកព្រៃនប់ ខេត្តព្រះសីហនុ។
នៅក្នុងពិធីចុះសួរសុខទុក្ខនិងចែកអំណោយជូនក្រុមគ្រួសារជនរងគ្រោះដោយផ្ទាល់នៅកន្លែងកើតហេតុ លោក ទៀ សុខា បានមានប្រសាសន៌សំណេះសំណាល និងចូលរួមសំដែងការសោកស្តាយដល់ក្រុមគ្រួសារជនរង គ្រោះដោយអគ្គីភ័យឆាបឆេះពេលកន្លងមក។លោកប្រធានសាខា បានមានប្រសាសន៌ទៀតថា ដោយសារតែទទួលបានព័ត៌មានពីគ្រោះអកុសលខាងលើនេះលោកនិងសមាជិកក្រុម១៥៧ បានគៀងគររកថវិកា និងសម្ភារះដើម្បីជួយសម្រួលក្នុងជីវភាពប្រចាំថ្ងៃ ព្រម ទាំងបានផ្តាំផ្ញើនិងលើកទឹកចិតដល់ក្រុមគ្រួសារជនរង គ្រោះត្រូវខិតខំបន្តទៀត ដើម្បីក្រុមគ្រួសារ ថ្វីត្បិតអំណោយដែលយកមក ផ្តល់ជូននាពេលនេះវាអាចជួយសម្រួលដល់ការខ្វះខាតបានមួយរយះតែប៉ុណ្ណោះ ។
អំណោយមនុស្សធម៌ដែលនាំយកទៅចែកជូននៅពេលនេះមានដូចជា៖ – អង្ករ ៥០គីឡូ- មី ២កេស- ត្រីខ ២យួ- ទឹកត្រី ២យួ- ទឹកស៊ីអ៊ីវ ២យួ- ប្រេងឆា ២ដប- អំបិល ២គីឡូ- ស្ករស ២គីឡូ
– ប៊ីចេង ២កញ្ចប់ និងថវិកាចំនួន ៨០០,០០០៛ (ប៉ែតសិបម៉ឺនរៀល)
