ឧត្តរមានជ័យ៖កាលពីវេលាម៉ោង៩និង១៥នាទីថ្ងៃទី២៣ ខែមករា ឆ្នាំ២០១៦ កម្លាំងនគរបាលស្រុកអន្លង់វែង ដឹកនាំដោយលោកវរសេនីយ៍ទោសុីម វណ្ណះ អធិការនគរបាលស្រុក បានសហការជាមួយកម្លាំងនគរបាលស្រុកចិត្របុរី ខេត្តក្រចេះ បានចាប់ឃាត់ខ្លួនជនសង្ស័យ ម្នាក់ឈ្មោះ ប៉េង សុីណុយ ខ្មុយ ភេទប្រុសអាយុ២៣ឆ្នាំ រស់នៅភូមិថ្នល់ទទឹង ឃុំអន្លង់វែង ស្រុកអន្លង់វែង ខេត្តឧត្តរមានជ័យ។លោកវរសេនីយ៍ទោ សុីម វណ្ណះ អធិការនគរបាលស្រុកបានបន្តទៀតថា កាលដែលឃាត់ខ្លួនជនសង្ស័យរូបនេះ តាមដីកាបញ្ជាអោយចូលខ្លួន លេខ០៩.ដប.ចខ ចុះថ្ងៃទី២២ ខែមករា ឆ្នាំ២០១៦ របស់លោក គង់ រតនា ព្រះរាជអាជ្ញារង នៃអយ្យការអមសាលាដំបូងខេត្តឧត្តរមានជ័យ ពីបទរំលោភសេពសន្ថវះ(បានសម្រេច)លើអនិតិជនកុមារី កាលពីថ្ងៃទី២២ ខែធ្នូ ឆ្នាំ២០១៦ នៅចំណុចបឹងស្មាច់ ភូមិតាដេវ ឃុំត្រពាំងតាវ ស្រុកអន្លង់វែង ខេត្តឧត្តរមានជ័យ នៅពេលបច្ចុប្បន្ន កំពុងឃុំខ្លួននៅអធិការនគរបាលស្រុកអន្លង់វែង ពីពោះមកដល់ម៉ោង៦ល្ងាចទៅហើយ ស្អែកបានធ្វើការសាកសួរបន្ថែមនឹងកសាងសំណុំរឿងទៅតាមនិតិវិធីច្បាប់៕
