កំពត៖ ករណីអំពើឃាតកម្មរំលោភសម្លាប់កុមារីជាសិស្សសាលាឈ្មោះឃុនណាន អាយុ១៤ឆ្នាំដែលឃាតករបានសម្លាប់បំបិទភស្ថុតាងកាលពីយប់ថ្ងៃទី១៨ខែមករាឆ្នាំ២០១៦ស្ថិតនៅភូមិត្រពាំងគុយ ឃុំល្បើក ស្រុកឈូកនោះពេលនេះសមត្ថកិច្ចនគរបាលស្នងការខេត្តដោយ
បានសហការជាមួយនគរបាលបច្ចេកទេសក្រសួងមហាផ្ទៃ បានស្រាវជ្រាវនិងស៊ើបអង្ក
តយ៉ាងដុតដៃដុតជើងចាប់តាំងពីថ្ងៃកើតហេតុរហូតដល់ថ្ងៃទី២៥ ខែមករានេះ សមត្ថកិច្ចបានវែកមុខជនជាឃាតករឃើញហើយគឺដើមហេតុមកពីរឿងគុំនុំរវាងជនសង្ស័យនិងជនរងគ្រោះ។
លោកវរសេនីយឯក គង់ សុខន នាយការិយាល័យព្រហ្មទណ្ឌ័កំរឹតធ្ងន់នៃស្នងការដ្ឋាននគរបាលខេត្តបានមានប្រសាសន៍ថាៈ ជុំវិញករណីរំលោភសម្លាប់លើកុមារីជាសិស្សសាលាអាយុ១៤ឆ្នាំនៅភូមិឃុំខាងលើនាពេលកន្លងមកថ្មីៗនេះ ជាជំហ៊ានដំបូង ក្រោយពីកើតហេតុកំ
លាំងសមត្ថកិច្ចបានឃាត់ខ្លួនមនុស្សពីរនាក់នាំមកកាន់ស្នងការខេត្តដើម្បីធ្វើការសាកសួរគឺឈ្មោះថន រ៉ាត់ ភេទប្រុស អាយុ១៧ឆ្នាំ និងឈ្មោះ ទូច ចន្ថា ភេទប្រុស អាយុ១៨ឆ្នាំ ការឃាត់ខ្លួនមនុស្សទាំងពីរនាក់ជាបន្តបន្ទាប់នាំមកកាន់ស្នងការខេត្តនេះ ដោយផ្អែកលើវត្ថុតាងរបស់ជនទាំងពីរនាក់នេះ ម្នាក់ជាម្ចាស់ស្បែកជើងម្ខាងដែលចោលនៅជិតកន្លែងកើតហេតុ រីឯម្នាក់ទៀតបងស្រីជនរងគ្រោះថាមុនកើតហេតុមនុស្សហ្នឹងមានបារីហ្វីននៅហោប៉ៅ ហើយឃើញកញ្ចប់បារីហ្វីននៅកន្លែងកើតហេតុ។
លោកបន្តថាៈមនុស្សពីរនាក់ដែលសមត្ថកិច្ចនាំមកស្នងការធ្វើការសាកសួរនោះឃើញថាមិនមានពាក់ពន្ឋ័ក្នុងករណីខាងលើនេះទេ ហើយលោកឧត្តមសេនីយត្រី ម៉ៅ ចន្ទ័មធុរិទ្ឋ ស្នងការខេត្តក៍បានសុំយោបល់ទៅព្រះរាជអាជ្ញាសុំឲ្យវិលត្រឡប់ទៅផ្ទះវិញ។ លោក គង់ សុខន នាយការរិយាល័យព្រហ្មទណ្ឌ័កំរិតធ្ងន់បានឲ្យដឹងទៀតថាៈដោយការខិតខំប្រឹងប្រែងពីលោកឧត្តមសេនីយ ម៉ៅ ចន្ទ័មធុរិទ្ឋស្នងការខេត្តនិងចូលរួមពីព្រះរាជអាជ្ញា
អមសាលាដំបូងខេត្ត លោកបានដឹកនាំបញ្ជាក្នុងការស៊ើបអង្កេតស្រាវជ្រាវវែកមុខឃាតករបន្តរទៀត ការបើករបាំងវែកមុខឃាតករសម្លាប់កុមារីរងគ្រោះខាងលើ ដោយសមត្ថកិច្ចនគរបាលខេត្តបានសហការជាមួយកំលាំងបច្ចេកទេសនគរបាលក្រសួងមហាផ្ទៃ ដឹកនាំដោយលោកឧត្តមសេនីយទោ ទឹត ប៊ុណ្ណា អនុប្រធាននាយកដ្ឋានបច្ចេកទេសក្រសួងមហាផ្ទៃនិងការចូលរួម
សហការល្អពីអង្គការការពារកុមារTU ទើបយើងឈានទៅវែកមុខឃាតករបានយ៉ាងជាក់លាក់បើទោះបីជនជាឃាតករដែលសមត្ថកិច្ចឃាត់ខ្លួនមកកាន់ស្នងការខេត្តមិនផ្តល់ចម្លើយពិស្តារប្រាប់សមត្ថកិច្ចពីទង្វើរដែលខ្លួនប្រព្រឹត្តទៅលើជនរងគ្រោះក្តី ក៍សមត្ថកិច្ចប្រមូលវត្ថុតាងនិងមានសាក្សីបំភ្លឺសមត្ថកិច្ចយ៉ាងច្បាស់ផងដែរ។
លោកបន្តទៀតថាៈក្នុងករណីនេះសាក្សីបានបំភ្លឺជាបន្តបន្ទាប់មានទាំងប្រពន្ឋរបស់ជនសង្ស័យក៍បានបំភ្លឺជូនសមត្ថកិច្ចផងដែរថាៈនៅយប់ថ្ងៃកើតហេតុជនរងគ្រោះចេញពីសាលាមិនទាន់ចូលផ្ទះទេបានចូលមកលេងផ្ទះជនសង្ស័យឈ្មោះ សាត ណូ ភេទប្រុស អាយុ២៤ឆ្នាំដែលផ្ទះនៅជិតគ្នាមានចម្ងាយប្រមាណជាង១០០ម៉ែត្រពីគ្នា ពេលនោះជនរងគ្រោះនិងជនសង្ស័យបាននិយាយបន្តុះបង្អាប់គ្នា ប្រពន្ឋជនសង្ស័យក៍នៅទីនោះដែរ លុះបង្អាប់គ្នាចុះឡើងត្រូវកុមាររងគ្រោះបង្អាបជនសង្ស័យ៏ថាៈ ពូណូ ឯងមុខអាក្រក់បែបនេះគ្មានអ្នកណាស្រឡាញ់ទេ បើមើលទៅមាត់វិញបិទតែធ្មេញមិនជិតផង។ ពេលនោះជនសង្ស័យក៍មានចិត្តខឹងនិងជនរងគ្រោះ ក្រោយមកប្រពន្ឋជនសង្ស័យក៍ប្រាប់ប្តីថា ឯងខឹងនិងវាធ្វើអី វាក្មេង វាមិនដឹងអីទេប៉ុន្តែជនសង្ស័យនៅតែប្រកាន់ខឹង រួចហើយកុមារីរងគ្រោះក៍ដើរទៅផ្ទះបងស្រីដែលនៅចម្ងាយពីផ្ទះប្រមាណជិតមួយគីឡូម៉ែត្រ។
លោកគង់ សុខន បន្តទៀតថាៈលុះវេលាម៉ោងជិត៨យប់ថ្ងៃដដែលមានសាក្សីម្នាក់ឈរបបក់ត្រីនៅត្រពាំងក្បែរកន្លែងកើតហេតុឮសូរសំឡេងធាងត្នោតក្រោកក្រាក ក៍គ្រវាសពឹលមើលទៅកន្លែងកើតហេតុអត់មានឃើញអីក៍ឈរបបក់ត្រីទៀត លុះមួយសន្ទុះក៍ឮស្នូរដូចមុនទៀតអ្នកបបក់គ្រវាសភ្លើងពឹលម្តងទៀតស្រាប់តែឃើញមានមនុស្សរត់សំដៅទៅផ្ទះជនសង្ស័យ។ ពេលបានចំណុចសាក្សីបំភ្លឺយ៉ាងនេះទើបសមត្ថកិច្ចឈានទៅពិនិត្យដល់ផ្ទះជនសង្ស័យ ឃើញមានបង្គោលរបងបាក់មួយកំណាត់ដែលមួយកំណាត់នៅកន្លែងកើតហេតុដែលជនល្មើសយកទៅចាក់មុខជនរងគ្រោះយ៉ាងសុះសាច់ពេលសមត្ថកិច្ចយកបង្គោលរបងមួយកំណាត់ដែលយកពីផ្ទះជនសង្ស័យទៅផ្គុំគ្នាឃើញថាត្រូវគ្នានិងមុខតំណរដែលបាក់នោះ ទើបសមត្ថកិច្ចសន្និដ្ឋានថាពិតជាវត្ថុតាងចេញពីផ្ទះជនសង្ស័យខាងលើយ៉ាងពិតប្រាកដក៍ឈានទៅឃាត់ខ្លួន ហើយពិនិត្យខោអាវឃើញមានប្រឡាក់ឈាម រីឯក្រចកដៃ សមត្ថកិច្ចបានធ្វើតេស្ត ឃើញមានឈាមប្រឡាក់ក្រចកដៃផងដែរ។
សមត្ថកិច្ចសន្និដ្ឋានថាគឺពិតជាឃាករសម្លាប់កុមារីរងគ្រោះយ៉ាងពិតប្រាកដ ទោះបីមិនទាន់បានចម្លើយពីជនសង្ស័យក៍សមត្ថកិច្ចអាចទទួលស្គាល់នូវវត្ថុតាងដែលឃាតកររូបនេះបានប្រព្រឹត្តទៅលើជនរងគ្រោះដោយសារតែគំនុំយ៉ាងពិតប្រាកដ៕
