ខេត្តបន្ទាយមានជ័យ៖ ផ្លូវការផ្លូវចាក់បេតុង ៤ខ្សែដែលមានប្រវែង ២.៧១៣ម៉ែត្រនិងផ្លូវកៅស៊ូ៣ខ្សែ ប្រវែង២០៣០មែ៉ត្រ ស្ថិតក្នុងភូមិឬស្សីក្រោក ឃុំឬស្សីក្រោក ស្រុកមង្គលបូរី ខេត្តបន្ទាយមានជ័យបន្ទាប់ពីស្ថាបនារួចជាស្ថាពរត្រូវបានដាក់សម្ពោធដាក់ឲ្យប្រើប្រាស់ជាផ្លូវការនា ថ្ងៃទី២៧ខែមករាឆ្នាំ២០១៦។
ឯកឧត្ដម អ៊ុង អឿន ប្រធានក្រុមប្រឹក្សាខេត្តបន្ទាយមានជ័យ ឯកឧត្ដម គោ ស៊ុំសារឿតអភិបាលខេត្តបន្ទាយមានជ័យ លោកលីសារីអភិបាលរងខេត្តបន្ទាយមានជ័យ រដ្ឋបាលស្រុកមង្គលបូរី ប្រជាពលរដ្ឋនិងសិស្សសាលាជាច្រើននាក់ទៀតបានចូលរួម។
លោកឡុង ពុនអភិបាលស្រុកមង្គលបូរី រាយការណ៍ការថា: ដោយមានការយកចិត្តទុកដាក់ពីសំណាក់រដ្ឋាភិបាលដែលដឹកនាំដោយសម្តេចតេជោហ៊ុនសែនទើបស្រុកមង្គលបូរីមានការរីកចំរើនឥតឈប់ឈរមានដូចជាសលារៀន ប្រឡាយទឹក និងផ្លូវជាច្រើនខ្សែខ្វាត់ខ្វែងពេញ ស្រុកមង្គលបូរីតែម្តងជាក់ស្តែងនៅថ្ងៃនេះផ្លូវចាក់បេតុង៣ខ្សែដែលមានប្រវែង២.៧១៣ម៉ែត្រជាថវិការរបស់ខេត្តព្រមទាំងផ្លូវចាក់បេតុង១ខ្សែទៀតមានប្រវែង១.០៥០ម៉ែត្រនិងផ្លូវចាក់កៅស៊ូ៣ខ្សែមានប្រវែង ២.០៣០ម៉ែត្រដែលជាថវិការរបស់រដ្ឋាភិបាលអនុវត្តដោយនាយកដ្ឋានវិស្វ័កម្មនៃក្រសួងការពារជាតិ។
ឯកឧត្ដម គោ ស៊ុំសារឿតអភិបាលខេត្តបន្ទាយមានជ័យមានប្រសាសន៍ថា: ផ្លូវទាំង៣ខ្សែដែលកំពុងដាក់ឲ្យប្រើប្រាស់ជាផ្លូវការនេះគឺជាចំណងដៃរបស់រាជរដ្ឋភិបាលដែលខិតខំធ្វើប្រឹងប្រែងធ្វើផ្លូវទាំង៣ខ្សែនេះដែលចំណាយអស់ទឹកប្រាក់រាប់សែនដុល្លាសំរាប់ឲ្យប្រជាពលរដ្ឋធ្វើដំណើរទៅមកឲ្យបានស្រួលនេះសបញ្ជាក់ឲ្យឃើញថារាជរដ្ឋាភិបាលតែងយកចិត្តទុកដាក់ដល់ប្រជាពលរដ្ឋជារៀងរហូតមិនដែលភ្លេចម្តងណាឡើយ។
ឯកឧត្ដម គោ ស៊ុំសារឿត សំណូមពរប្រជាពលរដ្ឋក្នុងស្រុកនេះក្រោយពេលបានផ្លូវស្រួលដើរហើយត្រូវយកចិត្តទុកដាក់ចេះថែទាំផ្លូវទាំងអស់នេះឲ្យបានល្អប្រើប្រាស់ឲ្យបានយូរអង្វែង និងទុកឲ្យក្មេងជំនាន់ក្រោយបានដើរបន្ត។
ឯកឧត្ដមគោ ស៊ុំសារឿតបានឲ្យប្រជាពលរដ្ឋចូលរួមការប្រើបាស់ទឹកឲ្យចេះសន្សំសំចៃព្រោះចូលខែ២នេះទឹកជិតអស់ពីស្ទឹងហើយដោយសារមូមដាក់ស្រែប្រាំង មិនត្រូវបូមបឹង ប្រឡាយ ព្រែក ដើម្បីចាប់ត្រីលក់ព្រោះវាបាត់ពូជត្រីនិងខ្វះទឹកប្រើប្រាស់នៅតាមមូលដ្ឋាន។ ប្រជាពលរដ្ឋត្រូវចេះគោរពច្បាប់ចរាចរណ៍ផ្លូវគោកថ្មីត្រូវពាក់មួកសុវត្តិភាពជាប្រចាំព្រោះវាអាចជួយការពារអាយុជីវិតអ្នកពាក់មួកទាំងអសគ្នា។ប្រជាពលរដ្ឋទាំងអស់ត្រូវចេះរាប់អានគ្នា អធ្យាស្រ័យគ្នាមានទំនាក់ទំនងល្អនិងគ្នា ត្រូវចេះគោរពច្បាប់ឲ្យមានក្រមសីលធម៌ល្អក្នុងការរស់នៅជាមួយគ្នាដើម្បីប្រទេសជាតិរុងរឿង៕ដោយ:ឃិន គន្ធា
Ads
