បន្ទាយមានជ័យ:ក្នុងសន្និបាតបូកសរុបលទ្ធផលការងារអប់រំ យុវជននិងកីឡានៅមន្ទីរអប់រំខេត្តបន្ទាយមានជ័យ ឆ្នាំសិក្សា២០១៤-២០១៥ និងលើកទិសដៅ ឆ្នាំ២០១៥-២០១៦ រយ:ពេល២ថ្ងៃ ២៩-៣០ មករា ២០១៦ អនុវិស័យទាំង៦ របស់វិស័យអប់រំត្រូវបានលើកំពស់។
លោក អ៊ុ រាត្រី អភិបាលរងខេត្តបន្ទាយមានជ័យ លោកឈើយ ចាន់ណាប្រធានមន្ទីអប់រំយុវជននិងកីឡា មន្ទីរអង្គភាពជុំវិញខេត្ត និងការិយាល័យអប់រំស្រុកក្រុងទាំង៩ ចូលរួម។
លោក ឈើយ ចាន់ណាប្រធានមន្ទីអប់រំយុវជននិងកីឡាខេត្ត មានប្រសាសន៍ថា: ខ្លឹមសានៅក្នុងសន្និបាតគឺ ការអប់រំកុមារតូច ការអប់រំបឋមសិក្សា ការអប់រំមធ្យមសិក្សា ការអប់រំក្រៅប្រព័ន្ធ ការអប់រំយុវជននិងកីឡា។
លោក ឈើយ ចាន់ណា ប្រាប់អោយដឹងទៀតថា: ការអប់រំកុមារតូចផ្ដោតលើកុមាក្រោមអាយុ៦ឆ្នាំ អោយបានចូលរៀននៅមតេយ្យសិក្សារដ្ឋឯកជន និងសហគមន៍ ការអប់បឋមសិក្សាប្រមូលកុមារគ្រប់អាយុ៦ឆ្នាំ អោយបានចូលរៀនគ្រប់ៗគ្នាទប់ស្កាត់ការបោះបង់ និងបញ្ចប់បឋមឈានទៅបន្តនៅមធ្យមសិក្សា ការអប់រំមធ្យមសិក្សា ផ្ដល់ការអប់រំប្រកបដោយសមធម៏ ផ្ដល់ជំនាញវិជ្ជាជីវ: ពេលបញ្ចប់ការសិក្សា ការអប់រំក្រៅប្រព័ន្ធ ផ្ដល់ឱកាសដល់យុវជននិងមនុស្សពេញវ័យ ដែលមិនចេះអក្សរអោយទទួលបានចំណេះដឹងនិង បំណិនជីវិតក្នុងជីវភាពរស់នៅ ការអប់រំយុវជននិងកីឡា ពង្រឹងសកម្មយុវជននិងដំណើរការក្រុមប្រឹក្សាយុវជន (កុមារ៣ល្អ) កីឡារៀបចំការប្រកួត សិស្សបឋមសិក្សានិងមធ្យមសិក្សាថ្នាក់ខេត្តនិង ទូទាំងប្រទេស កីឡាមហាជនជំរុញអោយមានការចូលរួមប្រកួត U១៣ថ្នាក់ជាតិ ពាន្តរង្វាន់៧មករា និងសមាគមកីឡាប្រដាល់។
លោក អ៊ុ រាត្រី អភិបាលរងខេត្តបន្ទាយមានជ័យថ្លែងក្នុងឱកាសបើកសន្និបាតថា: ដើម្បីរួមចំណែកអោយបានសម្រេចគោលដៅអប់រំជាតិនិងគោលដៅសហស្សវត្ស ដែលតម្រូវអោយរាជធានីខេត្ត ខិតខំរំដោះអនក្ខរភាព អោយបានសម្រេចជាស្ថាពរនៅឆ្នាំ ២០២០ក្នុងក្របខ័ណ្ឌនៃ(ការអប់រំសម្រាប់ទាំងអស់គ្នា)ក្នុងបរិបទនេះការអប់រំក្នុងប្រពន្ធ និងក្រៅប្រព័ន្ធជាការងារសំខាន់។ ហេតុនេះការិយាល័យអប់រំស្រុកក្រុងគួខិតខំថែមទៀត ក្នុងការជម្រុញកុមារដល់វ័យសិក្សាកុមារលើសអាយុសិក្សា កុមាបោះបង់ការសិក្សានិងយុវជនក្រៅសាលារៀន ដែលជួញដូរ និងប្រើប្រាស់គ្រឿងញៀន ព្រមទាំងកុមារនិងយុវជនដែលរងគ្រោះពីការរំលោភបំពាន និងអំពើហឹង្សាជាដើម អោយបានទទួលសេវាអប់រំក្នុងប្រព័ន្ធ និងក្រៅប្រព័ន្ធឡើងវិញ និងទទួលបានការបណ្ដុះបណ្ដាលជំនាញខ្លី ប្រកកបដោយសមធម៏៕ដោយ:ឃិន គន្ធា
