ខេត្តសៀមរាប នៅចុងសប្តាហ៍នាថ្ងៃសៅរ៍ ទី៣០ ខែ មករា ឆ្នាំ២០១៦ នៅទីស្នាក់ការគណៈកម្មាធិការគណបក្សប្រជាជន ខេត្តសៀមរាបមានបើកការផ្សព្វផ្សាយខ្លឹមសារនៃមហាសន្និបាត គណៈកម្មាធិការកណ្តាលលើកទី៣៩អាណត្តិទី៥របស់គណបក្សប្រជាជនកម្ពុជា ក្រោមអធិបតីភាពលោកបណ្ឌិតឃឹមប៊ុនសុងសមាជិកគណៈកម្មាធិការកណ្តាលនិង ជាប្រធានគណៈកម្មាធិការនៃគណបក្សប្រជាជនកម្ពុជាខេត្ត និង ជាអភិបាលនៃគណៈអភិបាលខេត្តដោយមាន ការអញ្ជើញចូលរួមពីសំណាក់ឯកឧត្តម លោក លោកស្រី និង អស់លោក លោកស្រីជាសមាជិកសមាជិកា គណបក្សប្រជាជនខេត្ត ក្រុមការងារបក្សខេត្ត គណៈកម្មាធិការនៃគណបក្សប្រជាជនក្រុងស្រុកផងដែរ ។
ឆ្លងតាមការលើកឡើងពីសភាពការណ៍ទូទៅនិង ការងារគណបក្សឆ្នាំ២០១៥ និង ទិសដៅភារកិច្ចនាពេល ខាងមុខ និង ទិសដៅការងាររបស់គណបក្សាព្រមទាំងការផ្សព្វផ្សាយ នៃខ្លឹមសារ និង លទ្ធផលនៃអង្គសន្និបាត គណៈកម្មាធិការកណ្តាលលើកទី៣៩អាណត្តិទី៥ របស់គណបក្សប្រជាជនកម្ពុជាដោយបានពិនិត្យយ៉ាងល្អិតល្អន់និងវាយតម្លៃខ្ពស់ ចំពោះលទ្ធផលនៃការនុវត្តសេចក្តីសម្រេចចិត្តនៃមហាសន្និបាតវិសាមញ្ញតំណាងទូទាំងប្រទេសរបស់ គណបក្សប្រជាជន ក្នុងរយៈពេលមួយឆ្នាំកន្លងមកនេះ ។
មានប្រសាសន៍ក្នុងឱកាសធ្វើការផ្សព្វផ្សាយលទ្ធផលអង្គសន្និបាតគណៈកម្មាធិការកណ្តាលលើកទី៣៩លោក ណ្ឌិតឃឹម ប៊ុនសុងក៏បានគូសបញ្ជាក់ថាអង្គសន្និបាតទាំងមូលបានធ្វើការគាំទ្រ ពីកិច្ចខិតខំប្រឹងប្រែង របស់ រាជរដ្ឋាភិបាល នីតិកាលទី៥នៃរដ្ឋសភា ក្រោមកិច្ចដឹកនាំដ៏ឈ្លាសវៃរបស់សម្តេចតេជោ ហ៊ុន សែន ប្រធាន គណបក្ស ប្រជាជនកម្ពុជានិង ជានាយករដ្ឋមន្ត្រី ក្នុងការអនុវត្តកម្មវិធីនយោបាយ និង យុទ្ធសាស្ត្រចតុកោណ ដំណាក់កាលទី៣បានសម្រេចនូវសមទ្ថិផលថ្មីៗជាច្រើនជូនជាតិនិងប្រជាជន។ កត្តាជាក់ស្តែងលើការការពារខឿនឯករាជ្យ អធិបតេយ្យ បូរណភាពទឹកដី និង សន្តិភាព ស្ថិរភាពនយោបាយ សន្តិសុខសណ្តាប់ធ្នាប់សង្គមជាដើមព្រមទាំងចលនាករនៃការកំណែទម្រង់គ្រប់ផ្នែក គ្រប់វិស័យក្នុងទិសដៅដ៏ត្រឹមត្រូវ និងទទួលបានជាផ្លែផ្កា ។ ចំពោះ វិស័យសេដ្ឋកិច្ចកម្ពុជា មានកំណើនក្នុងរង្វង់៧%អតិផរណាត្រូវរក្សាឲ្យស្ថិតក្នុងរង្វង់៣,៥%អត្រាប្តូរប្រាក់រៀលមានស្ថិរភាព ហើយបានកំពុងចាក់ចេញផុតពីប្រទេសដែលមានចំណូលទាបទៅជាប្រទេសមានចំណូលមធ្យមកម្រិត ទាប។លោកបណ្ឌិតឃឹម ប៊ុនសុងក៏បានលើកនូវសមទ្ធិផលធំៗទៀតដែលគណបក្សប្រជាជនកម្ពុជា ក៏ដូចរាជ រដ្ឋាភិបាលសម្រេចបាន ក្នុងការដោះស្រាយបញ្ហាព្រំដែនជាមួយប្រទេសជិតខាង 
, ដំណោះស្រាយនយោបាយ និង វប្បធម៌សន្ទនាដើម្បីជម្រុញការបង្រួបបង្រួមជាតិរួមគ្នាជាកម្លាំងការពារសមទ្ធិផលសង្គមអភិវឌ្ឍប្រទេស បម្រើផល ប្រយោជន៍របស់ប្រជាពលរដ្ឋ ។ម្យ៉ាងទៀតគណបក្សប្រជាជន ក៏បានគាំទ្រ នូវការលប់ចោលការធ្វើប័ណ្ណបើកបរ ទោចក្រយានយន្តសម្រេចព្យួរការបង់ពន្ធក្នុងការផ្ទេរកម្មសិទ្ធិជាកេរ្តិ៍មរតកពីម្តាយឳពុក ជីដូនជីតាដល់កូនចៅ។ ឯ.ឧបណ្ឌិតក៏បានលើកឡើងនូវយន្តការសំខាន់ៗរបស់គណបក្សប្រជាជន ដើម្បីប្រៀបឈ្នះចំពោះមុខ នៅតាម បណ្តាមូលដ្ឋាន ក្នុងការបោះឆ្នោតក្រុមប្រឹក្សាឃុំសង្កាត់ និង ជ្រើសរើសតំណាងរាស្ត្រ នីតិកាលទី៦ មន្ត្រីគណបក្ស គ្រប់រូប គ្រប់ជាន់ថ្នាក់ ត្រូវលើកកម្ពស់ស្មារតី ទទួលខុសត្រូវ បន្តចូលរួមក្នុងការកំណែទម្រង់ឲ្យស៊ីជម្រៅ និង គ្រប់ ជ្រុងជ្រោយ ប្រកបដោយប្រសិទ្ធភាព មានលក្ខណៈពេញលេញ ដោយតាំងចិត្តខ្ពស់តាមអភិក្រម ( ឆ្លុះកញ្ចក់ មុជទឹក ដុសក្អែល និង ព្យាបាល ) ដែលមានសារៈសំខាន់ចំពោះប្រទេសជាតិ និង គណបក្សប្រជាជនកម្ពុជា ។ ឯ.ឧបណ្ឌិត ក៏បានធ្វើការក្រើនរំលឹកដល់មន្ត្រីក្រុមការងារថ្នាក់ខេត្ត ក្រុង ស្រុក ឃុំសង្កាត់ទាំងអស់ ត្រូវពង្រឹងយកចិត្តទុកដាក់នៅតាមមូលដ្ឋានខ្លួនអំពីទុក្ខលំបាករបស់ប្រជាជននិង ជម្រុញប្រជាពលរដ្ឋដែលគ្រប់អាយុទៅធ្វើអត្តសញ្ញាណប័ណ្ណសញ្ញាតិខ្មែរនិង ទៅចុះបញ្ជីឈ្មោះបោះឆ្នោតឲ្យបានគ្រប់ៗគ្នា និង ជម្រុញការចូលរួមអនុវត្តគោលនយោបាយភូមិឃុំ មានសុវត្ថិភាព ដើម្បីរក្សាឲ្យបាននូវភាពសុខសាន្តរបស់ប្រជាពលរដ្ឋ ។ លោកបណ្ឌិត ឃឹម ប៊ុនសុង ក៏សំណូមពរ ដល់ក្រុមការងារបក្សទាំងអស់ បង្កើនការយកចិត្តទុកដាក់ និង ធ្វើការផ្សព្វផ្សាយនូវខ្លឹមសារលទ្ធផលនៃអង្គសន្និបាត គណៈកម្មាធិការកណ្តាលលើកទី៣៩ ឲ្យបានដល់ស្រទាប់មហាជន ប្រជាជនក្នុងមូលដ្ឋានខ្លួន សំខាន់ផ្តោតទៅលើ ការគោរពច្បាប់ចរាចរណ៍ផ្លូវគោកថ្មី ដើម្បីកាត់បន្ថយនូវការគ្រោះថ្នាក់ចរាចរណ៍ទៀតផង ៕
