សៀមរាប: កំម្លាំងសមត្ថកិច្ចព្រហ្មទណ្ឌ កំរិតស្រាល ខេត្តសៀមរាបបានឃាត់ខ្លួន ជនសង្ស័យម្នាក់ រួមនិងវត្ថុតាងបញ្ជូន ទៅកាន់តុលាការក្នុង ករណីកាច់សោរម៉ូតូកាលពីថ្ងៃទី ១ខែមករា ឆ្នាំ២០១៦កន្លងទៅ។
ហើយនូវព្រឹកថ្ងៃទី ៣ខែកម្ភះឆ្នាំ២០១៦នេះដែរសមត្ថកិច្ចព្រហ្មទណ្ឌកំម្រិតស្រាលក៏បានធ្វើកា បានបង្ហាញមុខ ជនសង្ស័យជាសារធារណះផងដែរ។
លោក វរសេនីយ៍ឯក ភឹង ចិន្តារ៉េត នាយការិយាល័យ ព្រហ្មទណ្ឌកំរិតស្រាល នៃស្នងការដ្ឋាន នគរបាល ខេត្តសៀមរាប បានអោយដឹងថា ជនសង្ស័យមានឈ្មោះ យោនវីណា ភេទប្រុស អាយុ២៩ឆ្នាំ មានស្រុកកំណើត នៅ ភូមិកំពង់ក្របី ឃុំឯកភាពក្រុងបាត់ដំបង បច្ចុប្បន្ន មកស្នាក់នៅបណ្តោះអាសន្ន ក្នុងសង្កាត់ស្លក្រាម ក្រុងសៀមរាប ជាប់ចោទអំពីបទ-លួច(មានស្ថានទម្ងន់ទោស) -ក្លែងក្លាយឯកសារសាធារណៈ (ប្រើប្រាស់ស្លាកលេខម៉ូតូ)។
ក្រោយធ្វើការឃាត់ខ្លួន នគរបាលជំនាញ ដោយមានការចូលរួម ដោយនគរបាល ប៉ុស្តិ៍រដ្ឋបាលសង្កាត់ ស្វាយដង្គុំ នឹងនគរបាលផ្នែកព្រហ្មទណ្ឌ នៃអធិការដ្ឋាននគរបាលក្រុងសៀមរាប បានបន្តនិតិវិធី ធ្វើការឆែកឆេរ កន្លែងស្នាក់នៅរបស់ជនសង្ស័យ ដោយដកហូត បាន វត្ថុតាង រួមមានម៉ូតូ ចំនួន៣គ្រឿង ស្លាកលេខម៉ូតូ ចំនួន ២ ស្លាកលេខ នឹងឧបករណ៍ មួយចំនួនទៀត។
នៅចំពោះមុខសមត្ថកិច្ច ជនសង្ស័យបានសារភាពថា កន្លងមកធ្លាប់ធ្វើសកម្មភាព កាច់សោរម៉ូតូ ឬធ្វើធ្លាក់លុយ រួចឲ្យគេរើស ហើយគ្នាវា ម្នាក់ទៀតឆ្លៀតឪកាស យកម៉ូតូរបស់ជនរងគ្រោះ ធ្វើជាអ្នកដើររកទិញដី ធ្វើល្បិចរកឪកាស លួចយកតូជនរងគ្រោះរួចធ្វើការបើករត់គេចខ្លួន។
បច្ចុប្បន្ន ជនសង្ស័យ នឹងវត្ថុតាង ត្រូវបាននគរបាល ជំនាញនៃការិយាល័យ ព្រហ្មទណ្ឌកសាងសំណុំរឿងបញ្ជូនទៅតុលាកានៅរសៀលថ្ងៃទី៣ខែកម្ភះឆ្នាំ២០១៦ដើម្បីដាក់ទោសតាមច្បាប់
ចំណែកបក្សពួកដែលបានគេចខ្លួននោះសមត្ថកិចនិងបន្តស្រាវជ្រាវបន្ថែមទៀត ។
ដោយគឿនវេត
