ខេត្តសឹ្ទងត្រែង៖កម្លាំងនគរបាល សេដ្ឋកិច្ចនៃស្នងការដ្ឋាននគរបាលខេត្ត បានសហការជាមួយកម្លាំងនគរបាលប្រឆាំងបទល្មើសេដ្ឋកិច្ចក្រសួងមហាផ្ទៃ និងមានការចូលរួមពីលោកស្រីស៊ុន យ៉ើត ព្រះរាអាជ្ញារងសាលាដំបូងខេត្ត បានធ្វើការឃាត់រថយន្តយីឌុបចំនួន៣គ្រឿងដឹកឈើប្រណិតប្រភេទធ្នង់ ចេញពីស្រុកសៀមប៉ាង សង្ស័យថាដឹកលើសខុសច្បាប់ក្រោមការត្រូវគ្នាជាមួយលោកនាយផ្នែក រដ្ឋបាលព្រៃឈើសៀមប៉ាង។ ប្រជាពលរដ្ឋនាំគ្នានិយាយថា៖ រថយន្ត ដឹកឈើប្រណិតទាំង៣គ្រឿងដែលត្រូវបានសមត្ថកិច្ចចាប់នេះ គឺមានមន្ត្រីបរិស្ថានចាប់ពីក្នុងតំបន់សួនឧទ្យានជាតិវរៈ ជ័យ និងបានធ្វើការដេញថ្លៃនៅ
ថ្នាក់ក្រសួង ហើយបានធ្វើការវាស់វែងដោយមន្ត្រីជំនាញដឹកជញ្ជូនចេញពីស្រុកសៀមប៉ាងហើយមានការសង្ស័យថា៖ជាឈើមានច្បាប់តែដឹកលើសទំងន់។ ការឃាត់ចាប់នេះបានធ្វើឡើង នៅវេលាម៉ោង១៩ និង៣០នាទីយប់ថ្ងៃទី១១ ខែឧសភា ឆ្នាំ២០១៤ស្ថិតក្នុងភូមិរាជានុកូលសង្កាត់ ក្រុងស្ទឹងត្រែង។ចូលរួមនគរបាលប្រឆាំងបទល្មើសសេដ្ឋកិច្ចក្រសួងមហាផ្ទៃ
ប្រចាំខេត្តស្ទឹងត្រែង៖បានអោយដឹងថា រថយន្តទាំងបីនេះដឹកឈើលើសច្បាប់អនុញ្ញាត។ លោកអនុសេនីយ៍ឯកបានបន្តថា ឈើប្រណិតទាំង៣រថយន្តត្រូវបានឈ្មោះព្រុំ ផនជាម្ចាស់ឈើអះអាងថា ជាឈើមានច្បាប់ដេញថ្លៃពីថ្នាក់ក្រសួង និងមានការរត់ការតាមផ្លូវជាមួយមន្ត្រីបរិស្ថានម្នាក់ឈ្មោះ វង្ស សុន ហៅធី យកលិខិតអនុញ្ញាត ចេញដោយលោកលីគន
នាយផ្នែកសៀមប៉ាង បង្ហាញដល់សមត្ថកិច្ចតាមដងផ្លូវដែលនៅក្នុងលិខិតនោះបានបញ្ជាក់ថា រថយន្តចំនួន៣គ្រឿង ទី១ពាក់ស្លាកលេខកំពង់ចាម3A-3080 ដឹកឈើ១៤ម៉ែត្រគូប៥៤២ ទី២ពាក់ស្លាកលេខភ្នំពេញ3A-2737 ដឹកឈើ២០ម៉ែត្រគូប៤២២ ទី៣ពាក់ស្លាកលេខភ្នំពេញ3A-7755 ដឹកឈើ ១៨ម៉ែត្រគូប៦៨២ សរុបទាំង៣រថយន្តមានចំនួន៥៣ម៉ែត្រគូប៦៤៦
ហើយរថយន្តទាំង៣គ្រឿង ក្នុងលិខិតអនុញ្ញាតសុទ្ធតែបញ្ជាក់ថាមានស្លាកលេខ តែរថយន្ត២គ្រឿងគ្មានស្លាកលេខនោះទេ។ ក្រោយពីមានការចុះត្រួតពិនិត្យពីព្រះរាជអាជ្ញា រងថាមានភាពមិនប្រក្រតីក៏ ចាប់បញ្ជូនមកកាន់ស្នងការដ្ឋាន នគរបាលខេត្ត ធ្វើកំណត់ហេតុ ដោយមានការចូលរួមពីព្រះរាជអាជ្ញារងលោកឧត្តមសេនីយ៍ត្រីម៉ៅ តារ៉ា ស្នងការនគរបាលខេត្ត
មន្ត្រីរដ្ឋបាលព្រៃឈើខេត្តដើម្បីធ្វើការវាស់វែងចាត់វិធានការតាម នីតិវិធី។ បច្ចុប្បន្ន រថយន្តដឹកឈើប្រណិតប្រភេទធ្នង់ទាំង៣គ្រឿងត្រូវបានរក្សាទុកនៅ ស្នងការដ្ឋាននគរបាលខេត្ត និងធ្វើការវាស់វែងចូលរួមពីមន្ត្រីរដ្ឋបាលព្រៃឈើ រួចរាល់ទើបប្រគល់ទៅអោយខណ្ឌរដ្ឋបាលព្រៃឈើចាត់ចាត់ការបន្ត៕
