ក្លិបបិសាចក្រហម Manchester United កំពុងតែប្រជែងគ្នាជាមួយសេះបង្កង់ Juventus លើការទិញ កីឡាករ Toni Kroos (តូនី គ្រូស) នៅរដូវក្តៅខាងមុខ ។ គ្រូបង្វឹក Bayern Munich ថ្មីលោក Pep Guardiola (ប៉េប ហ្គាឌីយ៉ូឡា) បានបាត់បង់ជំនឿទុកចិត្តលើ Kroos ជាហេតុធ្វើឲ្យសារព័ត៌មានជាច្រើនចុះផ្សាយថា រូបគេអាចនឹងចាកចេញពីក្លិបនៅរដៅក្តៅខាងមុខ ។
គ្រូបង្វឹកបិសាចក្រហមលោក David Moyes កំពុងតែត្រូវការកីឡាករបន្ថែមជាចាំបាច់ស្របពេលដែលក្លិបកំពុងជួបស្ថានការណ៍មិនល្អ ។ ស្របពេលជាមួយគ្នានោះ លោក Antonio Conte (អាន់តូនីញ៉ូ កុងតេ) បានអះអាងថា លោកចង់បានកីឡាករ Kroos ដើម្បីយកមកបំពេញចន្លោះខ្សែបម្រើស្របពេលកីឡាករពីរនាក់គឺ Arturo Vidal និង Paul Pogba ទំនងជាអាចចាកចេញពីក្រុម ៕