ខេត្តពោធិ៍សាត់៖នៅក្នុងពិធីបុណ្យចូលឆ្នាំប្រពៃណីចិនវៀតណាមចំនួនបីថ្ងៃនេះ ករណីគ្រោះថ្នាក់ចរាចរណ៍នៅទទូទាំងខេត្តពោធិ៍សាត់ នៅឆ្នាំ២០១៦នេះ កើតឡើងដល់ទៅ០៦លើកស្លាប់ម្នាក់របួសធ្ងន់នឹងស្រាលចំនួន១២នាក់ ដោយមានកាកើនឡើងលើសឆ្នាំមុនដល់ទៅពីលើកនិងមានអ្នកស្លាប់ម្នាក់តែថយចុះចំនួនមនុស្សដែលរងរបួសស្រាល ដោយសាតែពួកគេបើកបរល្មើសច្បាប់ នេះបើតាមនាយផ្នែកការិយាល័យនគរបាលចរាចរណ៍ផ្លូវគោកនៃស្នងការដ្ឋាននគរបាលខេត្តពោធិ៍សាត់ប្រាប់ឲ្យដឹង។
លោក រស់ ចំរើន រូបនេះបានបន្តឲ្យដឹងទៀតថា ចាប់ពីថ្ងៃបុណ្យចូលឆ្នាំប្រពៃណីចិនវៀតណាមទី០៧ ខែកុម្ភះ ឆ្នាំ២០១៦ រហូតដល់ថ្ងៃទី០៩ ខែកុម្ភះ ឆ្នាំ២០១៦ រយះពេលបីថ្ងៃនេះ មានករណីគ្រោះថ្នាក់ចរាចរណ៍កើតឡើងរហូតដល់ទៅ០៦លើក ក្នុងនោះមានមនុស្សស្លាប់ ០១ ភេទប្រុស របួសធ្ងន់ចំនួន០៦ នាក់ ក្នុងនោះស្រី០១ នឹងរបួសស្រាលចំនួន០៦នាក់ ។ មូលហេតុដែលគ្រោះថ្នាក់បែបនេះដោយសាកត្ដាច្រើនយា៉ងនៃធាតុផ្សំ ដោយសាបើកបរលឿន,បើកបរដោយគ្រឿងស្រវឹង,,បើកបរដោយប្រជែងគ្នា,,បើកបរដោយមិនប្រកាន់ស្ដាំ,បើកបរដោយមិនគោរពសិទ្ធគ្នា,និងបើកបរពេលបត់មិនមើលមុខក្រោយឆ្វេងស្ដាំ, ក្នុងនោះខូចខាតយានយន្តកង់០១គ្រឿង,ខូតខាតម៉ូតូ០៧គ្រឿង,នឹងរថយន្តធុនតូចមួយគ្រឿង។
លោក រស់ ចំរើន នាយការិយាល័យផ្នែកសណ្ដាប់ធ្នាប់បានបញ្ជាក់ឲ្យដឹងថា បើប្រៀបធាបទៅនឹងឆ្នាំ២០១៥ ក្នុងពិធីបុណ្យប្រពៃណីចូលឆ្នាំចិនវៀតណាមបីថ្ងៃដូចគា្នដែរ គឺឆ្នាំ២០១៦នេះមានកាកើនឡើងចំនួនគ្រោះថ្នាក់០២លើកស្លាប់មនុស្សម្នាក់របួសធ្ងន់០៦នាក់ដូចគ្នា តែថយចុះចំនួនមុស្សដែងរងរបួសស្រាលចំនួន០៤នាក់និងមធ្យោបាយក៍កើនឡើងដែរ៕
