ឧត្តរមានជ័យ៖ កាលពីវេលាម៉ោង២និង៣០នាទីថ្ងៃទី១០ ខែកុម្ភះ ឆ្នាំ២០១៦ លោកឧត្តមសេនីយ៍ ម៉ែន លី ស្នងការនគរបាលខេត្តឧត្តរមានជ័យ រួមជាមួយនិងអាជីវករផ្សារអូរស្មាច់អញ្ចើញពាំនាំយកអំណោយរបស់ ឯកឧត្តម នាយឧត្តមសេនីយ៍ នេត សាវឿន អគ្គស្នងការ
នគរបាលជាតិ ចែកជូនគ្រួសារ ដែលភ្លើងឆេះផ្ទះ កាលពីថ្ងៃទី៨ ខែកុម្ភះ ឆ្នាំ២០១៦ នៅផ្លូវលេខ១០ ស្ថិតក្នុងភូមិចំការចេក សង្កាត់អូរស្មាច់ ក្រុងសំរោង ចំនួន២គ្រួសារ។សមត្ថកិច្ចប៉ូលិស បានឲ្យដឹងថា ជនរងគ្រោះទី១.ឈ្មោះ សួង សុភ័ណ្ឌ អាយុ៣៦ឆ្នាំ ប្រពន្ធឈ្មោះ ទូច សំអាន អាយុ៣៤ឆ្នាំ-ទី២ឈ្មោះម៉ុច សុភាព អាយុ៣៨ឆ្នាំនិងប្រពន្ធឈ្មោះលឹម ចាន់ណារី អាយុ៣៤ឆ្នាំ។អំណោយរួមមាន ថវិកាចំនួន៣.២០០.០០០រៀលអង្ករ២០០គីឡូក្រាមនិងគ្រឿងឧបភោគ បរិភោគមួយចំនួន ព្រមទាំងបានពាំនាំការផ្តាំផ្ញើសួរសុខទុក្ខពី ឯកឧត្តម នាយឧត្តមសេនីយ៍ នេត សាវឿន អគ្គស្នងការនគរបាលជាតិ ផងដែរ៕
