បន្ទាយមានជ័យ ៖ ដោយក្លាចការចុះបង្ក្រាបរបស់សមត្ថកិច្ចថៃ លើទំនិញក្លែងបន្លំស្លាកយីហោនៅក្នុងផ្សារុងក្លឿទឹកដីថៃឈម និងជាប់ព្រំដែនច្រកទ្វារអន្តរជាតិប៉ោយប៉ែត នៃក្រុងប៉ោយប៉ែត ខេត្តបន្ទាយមានជ័យ អាជីវករខ្មែរដែលលក់ទំនិញថ្មី ក្រៅពីខោអាវជជុះ កំពុងតែភិតភ័យ មិន
ហ៊ានបើកតូបលក់ដូរ បណ្តាលអោយស្ថានភាពផ្សារុងក្លឿមានភាពស្ងប់ស្ងាត់ខុសប្រក្រតី បន្ទាប់ពីមានការការផ្ទុះការតវ៉ាវាយកម្ទេចរថយន្តរបស់សមត្ថកិច្ចថៃ ដែលចុះចាប់ទំនិញក្លែងស្លាកយីហោរបស់អាជីវករខ្មែរ កាលពីថ្ងៃទី០៣ កុម្ភះ ២០១៦ រហូតដល់មានការចាប់ឃុំអាជីវករខ្មែរ២នាក់ ។
បើតាមការអោយដឹងពីអាជីវករខ្មែរលក់ខោអាវជជុះនៅក្នុងផ្សារុងក្លឿ បានប្រាប់អោយដឹងថា កាលពីព្រឹកមិញថា ចាប់តាំងពីមុនចូលឆ្នាំចិនរហូតមកដល់ថ្ងៃទី១១ កុម្ភះ ២០១៦ និយាយជារួមចាប់តាំងពីមានការចុះចាប់ទំនិញក្លែងស្លាកយីហោពីសំណាក់តំរួតថៃ លើអាជីវករខ្មែរលក់នាឡិកា និងខ្សែរក្រវ៉ាត់ ហើយបង្ករអោយមានកាប៉ះទង្គេចគ្នា រវាងអាជីវករខ្មែរ និងសមតត្ថកិច្ចថៃ បណ្តាលអោយខ្ទេចរថយន្តមួយគ្រឿង និងរបួសសមត្ថកិច្ចថៃ ធ្វើអោយអាជីវករខ្មែរ ដែលចូលមកលក់ដូរទំនិញថ្មី ដូចជា ខោអាវកីឡា ទ្រនាប់ជើង កាបូប ខ្សែរក្រវ៉ាត់ នាឡិការ វ៉ែនតា ដែលភាគច្រើលក់នៅក្នុងផ្សារដំបូលខៀវ បានបង្ខំចិត្តបិទតូបមិនលក់ដូរ ព្រោះតែក្លាចសមត្ថកិច្ចថៃចុះចាប់ ។ ដែលការចុះចាប់បានម្ដងៗ គឺត្រូវខាតបង់ទាំងដើមទាំងចុង ហើយត្រូវរកលុយបន្ថែមលួសយកមនុស្សមកវិញ បើសិនជាចាប់បានអ្នកលក់ ចំណែកទំនិញត្រូវបានដកហូតជាដាច់ខាត ។ ទាំងនេះហើយទើបធ្វើអោយពួកគាត់ត្រូវតែបិតទ្វារដើម្បីរងចាំស្ថានភាពធូរស្បើយ ។
តូបដែលត្រូវបានបិតទ្វារស្ទឺរទាំងស្រុង គឺស្ថិតនៅក្នុងផ្សារដំបូលខៀវ និងផ្សារថ្មីបិតប្រហែលជា៣០% ផ្សារចាស់បិតប្រមាណជា១០% ។
អាជីវករខ្មែរជាច្រើនបានបន្ថែមអោយដឹងទៀតថា ការធ្វើអាជីវកម្មលក់ដូររបស់អាជីវករខ្មែរក្នុងផ្សាររុងគ្លឿ នៃស្រុកអារញ្ញ ទឹកដីថៃពីមួយខែទៅមួយខែ កាន់តែមានការរឹតត្បិតយ៉ាងតឹងរឹង ពីសំណាក់សមត្ថកិច្ចថៃ ជាពិសេសលើទំនិញថ្មីដែលមានស្លាក់យីហោនាំចូលពីខ្មែរ មកតាំងលក់ត្រូវបានហាមឃាត់ ដោយអនុញ្ញាតតែទំនិញជជុះ ឬទំនិញដែលចេញពីថៃតែប៉ុណ្ណោះ ។ ការដែលតាងតឹង និងមានការចុះបង្ក្រាបនេះធ្វើអោយការលក់ដូរ មិនសូវដាច់ ហើយត្រូវរងការភិតភ័យ និងរកលុយបង់ថ្លៃតូប ។
គួរបញ្ជាក់ផងដែរថា ចាប់តាំងពីមានការប៉ះទង្គេចគ្នារវាងអាជីវករខ្មែរ និងសមត្ថកិច្ចថៃ ហើយអាជីវករខ្មែរ៣នាក់ត្រូវបានឃាត់ខ្លួន ក្នុងម្នាក់ត្រូវបានតម្កល់លុយធានាអោយនៅក្រៅឃុំ ចំណែក២នាក់ទៀតមកដល់ថ្ងៃនេះ នៅមិនទាន់ត្រូវបានដោះលែងនៅឡើយនោះទេ ទោះបីជា រដ្ឋាភិបាលកម្ពុជា ដោយមានក្រសួងការបរទេស និងកិច្ចសហប្រតិបត្តិការអន្តរជាតិ បានខិតខំប្រើគ្រប់វិធីដើម្បីជួយដល់អាជីវករខ្មែរទាំង២នាក់អោយរួចផុតពីការឃុំខ្លួនក្នុងរយៈពេល១សប្តាហ៍នេះក៏ដោយ ។
លោក វួច អូន ប្រធានគណៈកម្មការច្រកទ្វារអន្តរជាតិប៉ោយប៉ែត ឆ្លើយតបជាមួយនឹងភាពភ័យក្លាច របស់អាជីវករខ្មែរខាងលើ ខាងសមត្ថកិច្ចថៃពិតជាបានជូនដំណឹងដល់អាជីវករខ្មែរ នៅក្នុងផ្សារថៃនូវការចុះចាប់រាលឮទំនិញរំលោភកម្មសិទ្ធបញ្ញា (ក្លែងបន្លំស្លាកយីហោ) ដែលការអនុវត្តនេះមានរយៈពេល៣ខែ ចាប់ពីថ្ងៃទី១០ កុម្ភះ ២០១៦ តទៅ ។
លោកបន្តអោយដឹងទៀតថា ក្នុងនាមលោកជាប្រធានគណៈកម្មការច្រកទ្វារ លោកបានស្នើរសុំខាងភាគីថៃ រួមមានខាងតម្រួត ខាងទាហ៊ានឈុតខ្មៅ និងអាជ្ញាធរ ស្រុកអារញ្ញ ខេត្តស្រះកែវប្រទេសថៃ ជួយសម្របសម្រួលផ្តល់ព័ត៍មានក្នុងការចុះបង្ក្រាបជាមុន ដើម្បីអោយអាជីវករខ្មែរបានដឹង ។
ជាមួយគ្នានោះបើតាមតួរលេខនៃអាជីវករខ្មែរដែលបានចេញចូលទៅប្រកមុខរបរជាប្រចាំ ក្នុងមួយថ្ងៃពី១៨០០ ទៅ២០០០នាក់ ។ ហើយបើនៅតែមានការរឹតបន្តឹង លើអាជីវករខ្មែរដូចខាងលើ ប្រហែលជាពួកគាត់ឈប់ទៅលក់ដូរនៅទីនោះទៀតហើយ ៕
