ពី Dinamo Zagreb (ឌីណាម៉ូ ហ្សាហ្គ្រេប)អនុប្រធានក្លិប Dinamo Zagreb (ឌីណាម៉ូ ហ្សាហ្គ្រេប) លោក Zdravko Mamic (ដ្រាវកូ ម៉ាមីក) បាននិយាយឲ្យដឹងថា ក្លិបរបស់លោកបានច្រានចោលសំណើររបស់ក្លិបអ្នកមានបុណ្យ Barcelona លើការចង់បាន យុវជនខ្សែបម្រើ គឺកីឡាករ Alen Halilovic (អាឡេន ហាលីឡូវីក) ។ ទន្ទឹមជាមួយគ្នានោះ កីឡាករវ័យ ១៧ ឆ្នាំដែលចូលលេងឲ្យយុវជនក្រុមជម្រើសជាតិក្រូអាតចំនួន ៣ ដងរូបនេះក៏មានព័ត៌មានទាក់ទងនឹងការផ្លាស់ទៅកាន់ក្លិបមាន់ខ្នាយមាស Tottenham Hotspur កាលពីខែមករាផងដែរ ។
លោក Mamic ប្រាប់គេហទំព័រ Sportski ថា “យើងបានទទួលសំណើរមួយពីក្រុម Barcelona ដែលចង់បាន កីឡាករ Halilovic ប៉ុន្តែយើងមិនបានយល់ព្រមនោះទេព្រោះតែកីឡាកររូបនេះព្រមទាំងគ្រួសាររបស់គេគឺមិនអាចទទួលយកបាននូវលក្ខ័ណរបស់ Barcelona” ។
លោកបានបញ្ជាក់ទៀតថា ពួកគេចង់ទុក Halilovic ឲ្យលេងនៅ Dinamo Zagreb យ៉ាងតិច៣ឆ្នាំទៀត ។ គួរបញ្ជាក់ថា Halilovic គឺជាកីឡាករដែលមានវ័យក្មេងជាងគេបំផុតទី ២ ដែលបានចូលលេងក្នុងក្របខណ្ឌ UEFA Champions League ៕